ການແຂ່ງຂັນກີລາແລ່ນຮາຟມາລາທອນ ຢູ່ເຂດເສດຖະກິດພິເສດ 3 ຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ຄັ້ງທີ 4 ມີຂຶ້ນໃນຕອນເຊົ້າວັນທີ 26 ມິຖຸນາ 2024 ເຊິ່ງເປັນກິດຈະກໍາໜຶ່ງໃນໂອກາດສະເຫຼີມສະຫຼອງວັນຕ້ານຢາເສບຕິດສາກົນ ຄົບຮອບ37 ປີ.
ຜ່ານການແຂ່ງຂັນລາງວັນຊະນະເລີດ 21 ກິໂລແມັດ ປະເພດຍິງ ຕົກເປັນຂອງສາວຫວຽດນາມ ເວລາ 1:19:01 ນາທີ, ອັນດັບ2 ນັກແລ່ນຈາກຈີນ ເວລາ 1:19:38 ນາທີແລະ ອັນດັບ 3 ເປັນນັກແລ່ນຈາກຈີນ ເວລາ 1:21:00 ນາທີ.
ລາງວັນຊະນະເລີດ 21 ກິໂລແມັດ ປະເພດຊາຍ ຕົກເປັນຂອງນັກແລ່ນຈາກຈີນ ເວລາ 1:08:06 ນາທີ; ອັນດັບ 2 ຈາກປະເທດໄທ ເວລາ 1:09:21 ນາທີ ແລະ ອັນດັບ3 ຈາກປະເທດຈີນເວລາ 1:09:50 ນາທີ.
ໂດຍຊະນະເລີດທັງຍິງ ແລະ ຊາຍ ໄດ້ຮັບຂັນລາງວັນ ແລະ ເງິນ 240ລ້ານກີບ, ຮອງຊະເລີດໄດ້ຮັບຂັນລາງວັນ ແລະ ເງິນ150ລ້ານກີບ, ອັນດັບ 3 ໄດ້ຮັບຂັນລາງວັນ ແລະ ເງິນ90ລ້ານກີບ. ນອກນັ້ນຍັງມີລາງວັນອື່ນໆຈົນຮອດອັນດັບ50
ສ່ວນໄລຍະທາງ6,26ກິໂລແມັດ ປະເພດຍິງ ອັນດັບ1 ຕົກເປັນຂອງນັກແລ່ນຈາກຈີນ ເວລາ 23:01 ນາທີ, ອັນດັບ2 ຈາກລົດແກ້ວ ອິນທະກຸມມານ ຈາກລາວ ເວລາ 23:39 ນາທີ ແລະ ອັນດັບ3 ຈາກປະເທດໄທ ເວລາ 24:32 ນາທີ.
.
ສ່ວນປະເພດຊາຍ ອັນດັບ1, 2 ແລະ 3 ເປັນນັກແລ່ນຈາກປະເທດໄທ. ໂດຍອັນດັບ 1 ໃຊ້ເວລາ ເວລາ 20:19 ນາທີ.
ຊະນະເລີດປະເພດ 6,26ກິໂລແມັດ ໄດ້ຮັບຂັນລາງວັນ ແລະເງິນ 24 ລ້ານກີບ, ອັນດັບ2 ໄດ້ຮັບຂັນລາງວັນ ແລະ ເງິນ 21ລ້ານກີບ, ອັນດັບ 3 ໄດ້ຮັບຂັນລາງວັນແລະ ເງິນ18ລ້ານກີບ. ນອກນັ້ນຍັງມີລາງວັນອື່ນໆຈົນຮອດອັນດັບ50.
ໃຫ້ກຽດມອບລາງວັນຊະນະເລີດ 21 ກິໂລແມັດ ປະເພດຊາຍໂດຍ ທ່ານ ທອງຈັນ ມະນີໄຊ ເຈົ້າແຂວງບໍ່ແກ້ວ.
ທ່ານ ບຸນທອງ ແສງສີກອງ ຫົວໜ້າຄະນະຄຸ້ມຄອງ ເຂດເສດຖະກິດພິເສດແຂວງບໍ່ແກ້ວ ລາຍງານວ່າ:ການແຂ່ງຂັນຄັ້ງນີ້ ມີນັກກີລາມາລົງທະບຽນ ເພື່ອຮ່ວມການແຂ່ງຂັນທັງໝົດ 1.297 ຄົນ; ໃນນີ້ຄົນລາວ 729 ຄົນ ແລະ ຄົນຕ່າງປະເທດ 568 ຄົນ ຈາກ 10 ປະເທດ. ໃນນີ້ປະເພດ 21 ກິໂລແມັດມີ 401ຄົນ ແລະ 6,26ກິໂລແມັດມີ 890ຄົນ.
.
