ອີກໜຶ່ງສາວງາມມາກຄວາມສາມາດ ທີ່ທັງງາມ ສຽງມ່ວນ ແລະ ມີເອກະລັກພິເສດ ຄືສາມາດພາກສຽງຕ່າງໆໄດ້ ເປັນພອນສະຫວັນບວກພອນສະແຫວງທີ່ເປັນສະເໜ່ໜຶ່ງໃຫ້ກັບສາວຄົນນີ້ ກໍຄື ບາບີ້ ປີຍາມາດ Miss international Laos 2018 ທີ່ຫຼ້າສຸດໄດ້ເປີດທຸລະກິດໃໝ່ເປັນຂອງຕົນເອງ.
ບາບີ້ ບອກວ່າ 02/06/2024 ມື້ສັນວັນດີ ມັດແຂນເອີ້ນຂວັນພໍ່ຫລັງຈາກຜ່າຕັດ ແລະ ຖືເອົາເປັນມື້ເຮັດເພນຂຶ້ນຮ້ານໃໝ່ ຂໍຝາກຮ້ານນ້ອຍໆຂອງເຮົາແດ່ເດີ້ ມີແນວ (Me ແນວ) ສໍາລັບຮ້ານແບບບໍ່ເປັນທາງການເທື່ອ.
ຮ້ານແມ່ນຂາຍເສື້ອຜ້າ ຫຼາກຫຼາຍສະຕາຍ ໂດຍສະເພາະກໍສະຕາຍໜ້າຮັກໆ ແບບບ້າບີ້ເອງ ຖ້າເປີດມື້ໃດແມ່ນກຽມໄປອຸດໜຸນໄດ້ ຝາກຮ້ານຂອງ ບາບີ້ແນ່ເດີ.
ຮ້ານແມ່ນຕັ້ງຢູ່ບ້ານ ທ່ານາ ເມືອງຫາດຊາຍຟອງ ນະຄອນຫຼວງວຽງຈັນ ຖ້າຕິດຕາມແນວເສື້ອຜ້າ, ຜົນງານຕ່າງໆໃນວົງການບັນເທີງ ຂອງ ບາບີ້ ປາຍາມາດໄດ້ ຮັບຮອງວ່າມີມາໃຫ້ໄດ້ຊົມຕະຫຼອດແນ່ນອນ ແລະ ສາມາດຕິດຕາມການເຄື່ອນໄຫວຕ່າງໆຂອງ ບາບີ້ໄດ້ ທີ່ FB: Barbie Piyamarth Phounpaseuth.
ຂ່າວ: ເມລີ; ຮູບ: Barbie Piyamarth Phounpaseuth