ວ້າວ! ຂ່າວບັນເທີງເຫັນແລ້ວກໍຮູ້ສຶກປະທັບໃຈ ແລະ ເປັນພາບທີ່ຫາຊົມໄດ້ຍາກສຸດໆ ເມື່ອຫ້ອງເສື້ອ ຄຳເພົ້າ ສັ່ງໄດ້ ຈັດໂຊຜົນງານຂົນຜ້າລາຍເກົ່າບູຮານອອກມາໂຊ ຄວາມງົດງາມ ໃຫ້ມ່ວນຊົນໄດ້ເຫັນຄວາມງາມ ຂອງລາຍຜ້າເກົ່າແກ່ນໍາກັນໃນງານວ້າວດາລາ ແຟຊັນຂອງທຸກຄົນ ໃນກິດຈະກຳວັນເດັກນ້ອຍສາກົນ 1 ມິຖຸນາທີ່ຜ່ານມານັ້ນເອງ.
ງານນີ້ແມ່ນຍົກທັບນາງແບບຊາຍແບບ, ນາງງາມແລະ ຊາຍງາມລາວ ດາຣານັກສະແດງ ເຂົ້າຮ່ວມກິດຈະກຳເດີນແບບ ວ້າວ ດາຣາ ແຟຊັນຂອງທຸກຄົນ ກິດຈະກຳເດີນແບບການກຸສົນໃນຄັ້ງນີ້ຢ່າງຄຶກຄື້ນ ແລະ ເຕັມໄປດ້ວຍກິ່ນອາຍຂອງແຟຊັນຈາກຫ້ອງເສື້ອຕ່າງໆນໍາອີກ.
ທາງດ້ານຫ້ອງເສື້ອຄຳ ເພົ້າສັ່ງໄດ້ ໄດ້ເຫັນເຖິງ ຄວາມສຳຄັນໃນລາຍຜ້າສີໄມ້ລາຍມື ໃນການຕ່ຳແຜ່ນແພຂອງຄົນລາວເຮົາ ຢູ່ໃນຂົງເຂດທ້ອງຖິ່ນໃນທົ່ວປະເທດ ທີ່ມີຄວາມງາມປານີດທີ່ເປັນເອກະລັກ ຈຶ່ງໄດ້ຈັດໂຊໃນຄອນເຊັບນີ້ຂຶ້ນມານັ້ນເອງ.
ທີ່ສໍາຄັນເດີທຸກຄົນ ໃນໄວໆນີ້ຈະເປີດໃຫ້ບໍລິການຮ້ານເຊົ່າຊຸດ 50 ຊົນເຜົ່າຂອງລາວເຮົາ ທີ່ຈະຈັດໂຊຊຸດເພື່ອວາງສະແດງໃນຫໍພິພິດຕະພັນ ຢູ່ທ່າງ່ອນ ນຳອີກ ທີ່ຈະມີການເປີດໂຕໃນໄວໆນີ້ ໃນຄວາມພິເສດແບບສຸດໆ ຍັງໄດ້ຮັບກຽດຈາກ ອາຈານໂສພາ ມາເປັນທີ່ປຶກສາໃຫ້ຄຳແນະນຳກ່ຽວກັບຊຸດຜ້າບູຮານ ເພື່ອເປັນຂໍ້ມູນສຶກສາ ພ້ອມຮ່ວມອະນຸຮັກໃຫ້ຄຽງຄູ່ກັບສັງຄົມລາວຕະຫຼອດໄປ.
ແນວໃດຂ່າວບັນເທີງກໍຝາກທຸກຄົນຖ້າຕິດຕາມໄປນໍາກັນເດີ້ ສາມາດຊົມຜົນງານຂອງການອອກແບບດັ່ງກ່າວແບບເຕັມໆກັນໄດ້ເລີຍທີ່ເພຈ ຄໍາເພົ້າ ສັ່ງໄດ້.