ໃນໄລຍະ 6 ເດືອນ ຕົ້ນປິີ 2024 ມີນັກທ່ອງທ່ຽວເຂົ້າມາທ່ຽວແຂວງຈໍາປາສັກ ທັງໝົດ 132.505 ຄົນ, ໃນນັ້ນ ນັກທ່ອງທ່ຽວສາກົນ 97.035 ຄົນ ສາມາດສ້າງລາຍຮັບໄດ້ຫຼາຍກວ່າ 26 ໂດລາສະຫະລັດ, ທຽບໃສ່ແຜນການປະຕິບັດໄດ້ 40%.
![อาจเป็นรูปภาพของ 4 คน, แท่นบรรยาย และ ข้อความ](https://scontent.fvte1-2.fna.fbcdn.net/v/t39.30808-6/449844259_872606594913350_8028962252975034512_n.jpg?_nc_cat=101&ccb=1-7&_nc_sid=aa7b47&_nc_eui2=AeH2BGb6dy7BzoEf0dnj_rClgb6c7N1cDcSBvpzs3VwNxLHJEFeRVActHpg4y64M-YIMefaRGj3zAq11lRCb0Hxq&_nc_ohc=oszgDbhIrxUQ7kNvgHW1xc7&_nc_ht=scontent.fvte1-2.fna&gid=ARqNWnr1WnAsjgV1odsWTOG&oh=00_AYDeoPK_dUikJKjmDcmIULCAbi6j5qTaL0MZ7U8EQco2TA&oe=668D57D0)
ວັນທີ 4 ກໍລະກົດ 2024, ແຂວງຈຳປາສັກ ໄດ້ຈັດກອງປະຊຸມປຶກສາຫາລືການຈັດຕັ້ງປະຕິບັດກິດຈະກໍາສົ່ງເສີມປີທ່ອງທ່ຽວລາວ 2024 ໃນ 6 ເດືອນຕົ້ນປີ ຕິດພັນກັບບັນຫາຫຍຸ້ງຍາກໃນຂະແໜງການທ່ອງທ່ຽວ. ຂຶ້ນຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໂດຍການເປັນປະທານຂອງ ທ່ານ ໂສມ ບຸດຕະກຸນ ຮອງເຈົ້າແຂວງຈຳປາສັກ.
![อาจเป็นรูปภาพของ 1 คน, แท่นบรรยาย และ ข้อความ](https://scontent.fvte5-1.fna.fbcdn.net/v/t39.30808-6/449842930_872606574913352_2347238658864071605_n.jpg?_nc_cat=109&ccb=1-7&_nc_sid=aa7b47&_nc_eui2=AeFVO-1VLal8dxuEhlm9ugxVp1Rn29202nWnVGfb3bTadVZNDGmxuQIDHNEFiid27FCQuMV7smyWjUIVoWJknCnm&_nc_ohc=T_15wjSdfyAQ7kNvgGwT4jV&_nc_ht=scontent.fvte5-1.fna&oh=00_AYBupbHDSdRJS97-veqU1Tt0GzCm2t5-gtOGSIKrgnUruw&oe=668D469A)
ທ່ານ ສຸລິນ ເພັດທານີ ຮອງຫົວໜ້າພະແນກ ຖວທ ແຂວງ ຜູ້ຊີ້ນໍາວຽກງານທ່ອງທ່ຽວ ໄດ້ລາຍງານການຕັ້ງປະຕິບັດກິດຈະກຳສົ່ງເສີມປີທ່ອງທ່ຽວ ປີ 2024 ໃນ 6 ເດືອນຕົ້ນປີ ໂດຍຍົກໃຫ້ເຫັນສະພາບລວມໃນການຈັດຕັ້ງປະຕິບັດກິດຈະກຳປີທ່ອງທ່ຽວລາວ 2024 ວ່າ: ໃນໄລຍະ 6 ເດືອນຜ່ານມາມີນັກທ່ອງທ່ຽວເຂົ້າມາທ່ຽວແຂວງຈໍາປາສັກ ທັງໝົດ 132.505 ຄົນ, ໃນນັ້ນ, ນັກທ່ອງທ່ຽວພາຍໃນ 19.553 ຄົນ, ນັກທ່ອງທ່ຽວຊາຍແດນ 15.917 ຄົນ, ນັກທ່ອງທ່ຽວສາກົນ 97.035 ຄົນ, ສາມາດສ້າງລາຍຮັບໄດ້ 26,2ລ້ານ ໂດລາສະຫະລັດ,ທຽບໃສ່ແຜນການປະຕິບັດໄດ້ 40%.
![อาจเป็นรูปภาพของ 2 คน](https://scontent.fvte5-1.fna.fbcdn.net/v/t39.30808-6/449849967_872606664913343_455600801499212957_n.jpg?_nc_cat=110&ccb=1-7&_nc_sid=aa7b47&_nc_eui2=AeEOUe7DzFzqhU-Iz8uE_Yhqh3ikndbxH-CHeKSd1vEf4KFoTriJo8NCO_HsfqEYuNXYgKwRqDbVmBJoUZU4wY-F&_nc_ohc=mChgBAhb5ygQ7kNvgGTQQZy&_nc_ht=scontent.fvte5-1.fna&oh=00_AYAbYJDs4Os7mlLPw6fISHWwBmeXprvKhgn9sl2F45_X7w&oe=668D6FAB)
ນອກນີ້ ຍັງຍົກໃຫ້ເຫັນການຈັດຕັ້ງປະຕິບັດວຽກງານການທ່ອງທ່ຽວໃນໄລຍະຜ່ານມາ ຕົ້ນຕໍແມ່ນ ວຽກງານການພັດທະນາ, ວຽກງານຄຸ້ມຄອງການທ່ອງທ່ຽວ, ສະພາບບັນຫາ ແລະ ຂໍ້ຫຍຸ້ງຍາກ ຕິດພັນກັບວຽກງານທ່ອງທ່ຽວໄລຍະຜ່ານມາ. ພ້ອມນີ້, ຍັງໄດ້ຜ່ານທິດທາງແຜນການ 6 ເດືອນທ້າຍປີ ຕື່ມອີກ.
![อาจเป็นรูปภาพของ 1 คน และ น้ำตกทาความีนอน](https://scontent.fvte1-2.fna.fbcdn.net/v/t39.30808-6/449834065_872606791579997_7172043118952665901_n.jpg?_nc_cat=111&ccb=1-7&_nc_sid=aa7b47&_nc_eui2=AeHA476P5n01Vy335fVjR0Pj5FLP6r7bkkXkUs_qvtuSRYH02Ng66Zw5nVwAFnykuI9ug0Ytb31xFpxQ_7KwY_HY&_nc_ohc=z8eDmRvStdgQ7kNvgF7t5AJ&_nc_ht=scontent.fvte1-2.fna&gid=A0cq-0BNKVVszCsABQYs4xL&oh=00_AYA3xX3DuSRftCZhjgsOk1JQ3m2h7LddMns4z-bvTdPIEg&oe=668D4C18)
ກອງປະຊຸມຄັ້ງນີ້, ຍັງໄດ້ຮັບຟັງການລາຍງານການຕອບສະໜອງດ້ານງົບປະມານຂອງແຂວງ ແກ່ ວຽກງານການສົ່ງເສີມປີທ່ອງທ່ຽວ 2024; ລາຍງານການພັດທະນາ, ປັບປຸງ 2 ແຫຼ່ງທ່ອງທ່ຽວ ຄື: ນໍ້າຕົກຕາດຄອນພະເພັງ ແລະ ນໍ້າຕົກຕາດສົມພະມິດ ເພື່ອດຶງດູດນັກທ່ອງທ່ຽວ; ລາຍງານການປັບປຸງການຂົນສົ່ງໂດຍສານ ແລະ ລົດບໍລິການ ທ່ອງທ່ຽວ, ການຈັດສັນຄິວລົດ ແລະ ການປັບປຸງເສັ້ນທາງ ເຂົ້າສູ່ແຫຼ່ງທ່ອງທ່ຽວ; ລາຍງານການຄຸ້ມຄອງລາຄາສີນຄ້າ ແລະ ການສົ່ງເສີມເຄື່ອງ ທີ່ລະນຶກ ເພື່ອການທ່ອງທ່ຽວ; ລາຍງານການຈັດກິດຈະກຳສົ່ງເສີມການທ່ອງທ່ຽວຕິດພັນກັບການເປີດປີທ່ອງທ່ຽວລາວ 2024 ຢູ່ບັນດາເມືອງ - ນະຄອນ; ລາຍງານການອໍານວນຄວາມສະດວກໃນການເຂົ້າ – ອອກຂອງນັກທ່ອງທ່ຽວ; ລາຍງານການປັບປຸງສາມາຄົມ, ການຮ່ວມມືຂອງຜູ້ປະກອບການທຸລະກິດພາຍໃນ ເພື່ອຕໍ່ລອງກັບທຸລະກິດໃນພາກພື້ນ ແລະ ສາກົນ.
![อาจเป็นรูปภาพของ 10 คน](https://scontent.fvte5-1.fna.fbcdn.net/v/t39.30808-6/449606602_872606744913335_5291989535130026865_n.jpg?_nc_cat=110&ccb=1-7&_nc_sid=aa7b47&_nc_eui2=AeHVqc77LWerJtcSPjnQ0AP8v02qKcN7qN2_Taopw3uo3YiPlmaHsS7srCo3-zVKYGh14h4BFU4Dx24wXYR_9KBm&_nc_ohc=wbc_AZOnbfkQ7kNvgEFM91N&_nc_ht=scontent.fvte5-1.fna&gid=A0NPNmhlpNpqD4kwNZS1uyc&oh=00_AYAbzg9ONGVXy9L_Xi8jP_fWhym6MpkIgIv1-m_nPgj_tQ&oe=668D6569)
ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ມີຄໍາເຫັນ ຕໍ່ບົດສະຫຼຸບ ແລະ ທິດທາງແຜນການໃນການປະຕິບັດກິດຈະກໍາສົ່ງເສີມປີທ່ອງທ່ຽວລາວ 2024 ໃນ 6 ເດືອນທ້າຍປີ.