ເມື່ອບໍ່ດົນມານີ້, ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ ໄດ້ເຄື່ອນໄຫວຕິດຕາມໂຄງການກໍ່ສ້າງຂົວຂ້າມເຊລະນອງ.
![ไม่มีคำอธิบายรูปภาพ](https://scontent.fvte2-3.fna.fbcdn.net/v/t39.30808-6/448352653_7599537070115727_82483524681939989_n.jpg?_nc_cat=106&ccb=1-7&_nc_sid=5f2048&_nc_eui2=AeH_Ra1yqwwj6CSuQCR48i5q_WtXwlAm9239a1fCUCb3bVXty0ssBczVs9GpG9FAYW2HT-zRRgewo1JJ4-fJtaX4&_nc_ohc=camKp92kPzYQ7kNvgE5kPBk&_nc_ht=scontent.fvte2-3.fna&oh=00_AYCBA7ZxnjJCptI32CPxgix9ViXv2YB-3SxvnOz5dI5Eyw&oe=6675B4BA)
ທ່ານ ທິບພະວອນ ສີລາຊາ ປະທານບໍລິສັດວີແອພີ (VLP) ພັດທະ ນາກໍ່ສ້າງຈຳກັດຜູ້ດຽວ ຊຶ່ງເປັນບໍລິສັດຮັບເໝົາກໍ່ສ້າງ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງຂົວຂ້າມເຊລະນອງ ເຂດບ້ານ ຕະກໍ ຫາບ້ານອາລັອງ ເມືອນອງ ມີຄວາມຍາວ 175 ແມັດ, ກວ້າງ 5,5 ແມັດ, ເປັນຂົວເບຕົງອັດແຮງ, ມີມູນຄ່າການກໍ່ສ້າງທັງໝົດເກືອບ 40 ຕື້ກີບ.
![อาจเป็นรูปภาพของ 6 คน](https://scontent.fvte2-2.fna.fbcdn.net/v/t39.30808-6/448352447_7599537280115706_5196746945759052237_n.jpg?_nc_cat=100&ccb=1-7&_nc_sid=5f2048&_nc_eui2=AeFew7ebc31NmrWr1OWy1qnCJCVHliZixsUkJUeWJmLGxZk0ftDvwDGA66OvmfJAiIsjbvCw8Z_T1w2akavIl9Kn&_nc_ohc=ijL1Y9zxAyAQ7kNvgFvrodU&_nc_ht=scontent.fvte2-2.fna&oh=00_AYDAjxl1Q6yUR3eMeBqZtc3OmXYkeqgemNonkOHibZa14Q&oe=6675AE05)
ໂຄງການກໍ່ສ້າງຂົວຂ້າມເຊລະນອງ ໄດ້ເລີ່ມລົງມືກໍ່ສ້າງໃນທ້າຍເດືອນພຶດສະພາ 2024 ແລະ ຈະໃຫ້ສຳເລັດພາຍໃນ 2 ປີ(ເດືອນ 5/2026), ປັດຈຸບັນ ສາມາດປະຕິ ບັດໄດ້ແລ້ວ 15% ຊຶ່ງໜ້າວຽກທີ່ໄດ້ຈັດຕັ້ງປະຕິບັດແລ້ວມີ ກໍ່ສ້າງທາງເວັ້ນ, ຕັດດິນ, ຖົມດິນກໍ່ສ້າງທາງເຂົ້າຂົວ ແລະ ບຸກເບີກສະຖານທີ່ກໍ່ສ້າງ.
![อาจเป็นรูปภาพของ แหล่งน้ำ](https://scontent.fvte2-1.fna.fbcdn.net/v/t39.30808-6/448609200_7599537303449037_4887860492729847304_n.jpg?_nc_cat=110&ccb=1-7&_nc_sid=5f2048&_nc_eui2=AeGam0Vn5_QiH2XaUGGE6uefEffEe4vEL-0R98R7i8Qv7f-6m598Gzz13kRjpmv_cPkPtazG4xJF90BfAP5gFq5p&_nc_ohc=6G6C9AhDEnkQ7kNvgFbhUdT&_nc_ht=scontent.fvte2-1.fna&oh=00_AYAfhLwe5szw3ssnmbcWDQXnQWPm7aqgyIZm_Wti85_nWw&oe=6675B17E)
ຖ້າຫາກໂຄງການດັ່ງກ່າວສຳເລັດ ຈະເຮັດໃຫ້ປະຊາຊົນ 10 ບ້ານໄດ້ຊົມໃຊ້ຄື: ບ້ານຄຸ້ມສົງ, ບ້ານສະວຶ, ບ້ານຕະຫຼິງ, ບ້ານອາລັອງ, ບ້ານປໍນອງ, ບ້ານອາລາມ, ບ້ານຕັງອາໄລນ້ຳ, ບ້ານຕັງອາໄລເໜືອ, ບ້ານຕານປະໂຕ່ຍ, ບ້ານແສນ ແລະ ບ້ານຕະລຸງ, ລວມມີປະຊາກອນທັງໝົດ 90.000 ກວ່າຄົນ ໄດ້ຮັບຜົນປະໂຫຍດ ແລະ ຈະກາຍເປັນອີກເສັ້ນທາງຄົມມະນາຄົມໜຶ່ງ ທີ່ສາມາດເຊື່ອມຕໍ່ແຕ່ເມືອງນອງ ແຂວງສະຫວັນນະເຂດ ໄປຫາເມືອງຕະໂອ້ຍ ແຂວງສາລະວັນ ມີຄວາມຍາວ 43 ກິໂລແມັດ.