ເບິ່ງບຸກຄະລິກ ແລະ ຄວາມສາມາດຕ້ອງຍົກໃຫ້ ຊູໂຊ້ ຮົ່ມໂພໄຊ ແກ້ວປັນຍາ ເປັນໜຶ່ງໃນຜູ້ເຂົ້າປະກວດ Mister Universe Laos 2024 ຜູ້ມີຄວາມຝັນອັນໝັ້ນແກ່ນ ທີ່ຢາກຈະເປັນຕົວແທນປະເທດລາວໃນການປະກວດ ໃນເວທີສາກົນ ຢາກເປັນ Mister Universe Laos 2024.
ຊູໂຊ້ ຮົ່ມໂພໄຊ ແກ້ວປັນຍາ ໃຫ້ທັດສະນະອັນແຮງກ້າໃນການເຂົ້າປະກວດໃນເວທີນີ້ວ່າ: ເມື່ອເຮົາຕັດສິນໃຈ ທີ່ຈະລົງມືເຮັດສິ່ງໃດສິ່ງໜຶ່ງແລ້ວ, ໜຶ່ງສິ່ງທີ່ເຮົາຄໍານຶງຄື “ ຄວາມພາກພູມໃຈ ” ທີ່ຄັ້ງໜຶ່ງຄົນທໍາມະດາຄືເຮົາ ໄດ້ຕັດສິນໃຈລົງມືເຮັດສິ່ງທີ່ເຮົາຄິດວ່າ ຊີວິດນີ້ມັນເປັນໄປບໍ່ໄດ້! ບາດກ້າວທຸກຄົນທີ່ອອກບ້ານເພື່ອຕາມຫາຄວາມຝັນແຕ່ລະຄົນບໍ່ຄືກັນ ບາງຄົນອາດຈະຍ່າງ , ແລ່ນ ຫຼື ຂີ່ລົດ ແຕ່ມີເປົ້າໝາຍດຽວກັນບໍ່ວ່າຈະຊ້າ ຫຼື ໄວ ຈັ່ງໃດກໍຕ້ອງຮອດ, ຄວາມສຸກ ຄວາມພູມໃຈໃນໂຕເອງນີ້ແຫລະ ຈະເຮັດໃຫ້ເຮົາຮູ້ສຶກພ້ອມ ແລະ ພໍໃຈໃນໂຕເອງທຸກໆມື້.
ກໍຕ້ອງຂໍເອົາໃຈຊ່ວຍເຊຍໃຫ້ກັບ ຊູໂຊ້ ຮົ່ມໂພໄຊ ແກ້ວປັນຍາ ຝັນໃຫ້ໄກໄປໃຫ້ເຖິງ ເລີ່ມຈາກມົງ Mister Universe Laos 2024
