ເສດຖະກິດຕ່າງປະເທດ Archives - Page 9 of 14 - Laoedaily

ເສດຖະກິດແມັກຊິກເຂົ້າສູ່ພາວະຕົກຕໍ່າ

ແມັກຊິກປະເສດມີຂະໜາດເສດຖະກິດທີ່ສຸດອັນດັບ2ຂອງອາເມຣິກາລາຕິນຮອງຈາກບຣາຊິນເຂົ້າສູ່ພາວະເສື່ອມໂຊມໃນ2ໄຕມາດຂອງປີນີ້ ແລະ ມີອັດຕາການຂະຫຍາຍຕົວເປັນ0%ໃນໄລຍະໄຕມາດ3ຕາມຂໍ້ມູນຂອງທາງການແມັກຊິກລາຍງານເມື່ອວັນທີ25ເດືອນ ພະຈິກທີ່ຜ່ານມາ. ຕົວເລກເສດຖະກິດນີ້ເນັ້ນຢໍ້າໃຫ້ເຫັນເຖິງຜົນງານທາງເສດຖະກິດທີ່ອ່ອນແອຂອງລັດຖະບານແມັກຊິກພາຍໃຕ້ການນໍາຂອງທ່ານ ອັນເດຣດ ມານູເອວ ໂລເປດ ໂອບຣາດໍ ປະທານາທະບໍດີເຊິ່ງກໍາລັງພະຍາຍາມຢ່າງໜັກເພື່ອເຮັດຕາມສັນຍາວ່າຈະເລີ່ມຊຸກຍູ້ເສດຖະກິດໃນປີທໍາອິດທີ່ເຂົ້າມາບໍລິຫານປະເທດ. ຂໍ້ມູນສະບັບປັບປຸງຂອງສະຖາບັນສະຖິຕິແຫ່ງຊາດແມັກຊິກພົບວ່າ:ເສດະກິດຂອງແມັກຊິກໃນໄລຍະ2ໄຕມາດທໍາອິດຂອງປີນີ້ຫຼຸດລົງໄຕມາດລະ0,1% ແລະ ຢູ່ໃນພາວະງຽບເຫງົາໃນໄຕມາດ3ຫຼັງຈາກເບື້ອງຕົ້ນປະເມີນວ່າເສດຖະກິດຂອງແມັກຊິກຈະຫຼຸດລົງ0,2%ໃນໄຕມາດທໍາອິດຈາກນັ້ນຈະຂະຫຍາຍຕົວ0,1%ໃນໄຕມາດ2ກ່ອນມີການປັບແກ້ເຫຼືອ0% ແລະ ຫົດຕົວອີກຄັ້ງ0,1%ໃນໄຕມາດ3. […]

ຈີນຕັ້ງເປົ້າຜະລິດຊິບປ້ອນຕະຫຼາດໂລກ

ຈີນຕັ້ງເປົ້າຜະລິດຊິບຄວາມຈໍາປະລິມານເພີ່ມຂຶ້ນຈາກ0%ເມື່ອປີກ່ອນເປັນ5%ຂອງຜົນຜະລິດຊິບໂດຍລວມທົ່ວໂລກພາຍໃນປີ2020 ແລະ ພາຍໃຕ້ນະໂຍບາຍເພິ່ງພາເທັກໂນໂລຢີຂອງຕົນເອງຂອງລັດຖະບານເຮັດໃຫ້ຈີນປະກາດວ່າຈະເລີ່ມຜະລິດຊິບຄວາມຈໍາປະລິມານຫຼາຍສໍາລັບຕະຫຼາດໂລກໄດ້ຕັ້ງແຕ່ປີໜ້າ. ລັດຖະບານຈີນປະກາດກົນລະຍຸດໃຫ້ຄວາມສໍາຄັນອັນດັບຕົ້ນໆກັບເທັກໂນໂລຢີປັນຍາປະດິດຫຼືເອໄອໂດຍທຸ່ມງົບຫຼາຍຕື້ໂດລາໄປກັບການສ້າງຄວາມແຂງແກ່ນໃຫ້ກັບອຸດສາຫະກໍາເຊມິຄອນດັກເຕີຢ່າງຈິງຈັງຫຼັງຈາກທີ່ປ່ອຍປະລະເລີຍອຸດສາຫະກໍານີ້ມາຍາວນານ. ປັດຈຸບັນກໍາລັງການຜະລິດໜ່ວຍຄວາມຈໍາປະເພດແຟນໄດ ແລະ ຊິບແດຣມທົ່ວໂລກເຊິ່ງຈີນບໍ່ເຄີຍຜະລິດມາກ່ອນຢູ່ທີ່ປະມານເດືອນລະ1,3ລ້ານເວເຟສໍາລັບຊິບແຕ່ລະປະເພດ ແລະ ໃນອຸດສາຫະກໍາຊິບທັງ2ປະເພດນີ້ມີບໍລິສັດອາເມຣິກາ,ສ.ເກົາຫຼີ ແລະ ຍີ່ປຸ່ນເປັນເຈົ້າຕະຫຼາດຢູ່. ບໍລິສັດ ແຢງຊີ ເມມໂມຣີ ບໍລິສັດຜະລິດຊິບສັນຊາດຈີນໃຫ້ຮູ້ວ່າ:ບໍລິສັດເລີ່ມຜະລິດຊິບຄວາມຈໍາຕັ້ງແຕ່ເດືອນ […]

ຫຼຸດຄາດການເສດຖະກິດໂລກປີໜ້າເຕີບໃຫຍ່ພຽງ2,9%

ອົງການເພື່ອຄວາມຮ່ວມມືທາງເສດຖະກິດ ແລະ ການພັດທະນາຫຼືໂອອີຊີດີປະກາດປັບຫຼຸດຄາດຄະເນການຂະຫຍາຍຕົວຂອງເສດຖະກິດໂລກໃນປີໜ້າສູ່ລະດັບ2,9%ຈາກລະດັບ3%ໂດຍໄດ້ຮັບຜົນກະທົບຈາກຄວາມເຄັ່ງຕຶງທາງການຄ້າລະຫວ່າງອາເມຣິກາ ແລະ ຈີນ,ການຫຼຸດລົງຂອງການລົງທຶນທາງທຸລະກິດ ແລະ ຄວາມບໍ່ແນ່ນອນທາງການເມືອງ. ຂະນະດຽວກັນ,ໂອອີຊີດີຄາດຄະເນວ່າ:ເສດຖະກິດອາເມຣິກາຈະຂະຫຍາຍຕົວຊ້າລົງສູ່ລະດັບ2%ທັງໃນປີ2020 ແລະ ປີ2021,ສ່ວນເສດຖະກິດເອີໂຣໂຊນ ແລະ ຍີ່ປຸ່ນຈະມີການຂະຫຍາຍຕົວ1%. ນອກຈາກນີ້,ໂອອີຊີດີຍັງຄາດຄະເນວ່າປະລິມານການຄ້າສິນຄ້າ ແລະ ບໍລິການທົ່ວໂລກຈະຫຼຸດລົງຈຸລະດັບ1%ໃນປີນີ້ເຊິ່ງເປັນລະດັບຕໍ່າທີ່ສຸດໃນຮອບ10ປີ. […]

ຈີນຕັ້ງເປົ້າຜະລິຊິບປ້ອນຕະຫຼາດໂລກ

ຈີນຕັ້ງເປົ້າຜະລິດຊິບຄວາມຈໍາປະລິມານເພີ່ມຂຶ້ນຈາກ0%ເມື່ອປີກ່ອນເປັນ5%ຂອງຜົນຜະລິດຊິບໂດຍລວມທົ່ວໂລກພາຍໃນປີ2020 ແລະ ພາຍໃຕ້ນະໂຍບາຍເພິ່ງພາເທັກໂນໂລຢີຂອງຕົນເອງຂອງລັດຖະບານເຮັດໃຫ້ຈີນປະກາດວ່າຈະເລີ່ມຜະລິດຊິບຄວາມຈໍາປະລິມານຫຼາຍສໍາລັບຕະຫຼາດໂລກໄດ້ຕັ້ງແຕ່ປີໜ້າ. ລັດຖະບານຈີນປະກາດກົນລະຍຸດໃຫ້ຄວາມສໍາຄັນອັນດັບຕົ້ນໆກັບເທັກໂນໂລຢີປັນຍາປະດິດຫຼືເອໄອໂດຍທຸ່ມງົບຫຼາຍຕື້ໂດລາໄປກັບການສ້າງຄວາມແຂງແກ່ນໃຫ້ກັບອຸດສາຫະກໍາເຊມິຄອນດັກເຕີຢ່າງຈິງຈັງຫຼັງຈາກທີ່ປ່ອຍປະລະເລີຍອຸດສາຫະກໍານີ້ມາຍາວນານ. ປັດຈຸບັນກໍາລັງການຜະລິດໜ່ວຍຄວາມຈໍາປະເພດແຟນໄດ ແລະ ຊິບແດຣມທົ່ວໂລກເຊິ່ງຈີນບໍ່ເຄີຍຜະລິດມາກ່ອນຢູ່ທີ່ປະມານເດືອນລະ1,3ລ້ານເວເຟສໍາລັບຊິບແຕ່ລະປະເພດ ແລະ ໃນອຸດສາຫະກໍາຊິບທັງ2ປະເພດນີ້ມີບໍລິສັດອາເມຣິກາ,ສ.ເກົາຫຼີ ແລະ ຍີ່ປຸ່ນເປັນເຈົ້າຕະຫຼາດຢູ່. ບໍລິສັດ ແຢງຊີ ເມມໂມຣີ ບໍລິສັດຜະລິດຊິບສັນຊາດຈີນໃຫ້ຮູ້ວ່າ:ບໍລິສັດເລີ່ມຜະລິດຊິບຄວາມຈໍາຕັ້ງແຕ່ເດືອນ […]

ລາຄາອະສັງຫາລິມະຊັບທົ່ວໂລກອ່ອນແຮງ

ດັດຊະນີລາຄາອະສັງຫາລິມະຊັບຕາມເມືອງໃຫຍ່ທົ່ວໂລກໃນໄຕມາດ3ຂອງປີ2019ຫຍັບຂຶ້ນພຽງ1,1%ຫຼຸດຄວາມໜ້າດຶງດູດໃຈລົງຫຼາຍໃນສາຍຕາຂອງນັກທຸລະກິດຈາກປັດໄຈລົບໂດຍສະເພາະບັນຫາການຄ້າລະຫວ່າງອາເມຣິກາກັບຈີນທີ່ແກ່ຍາວມາປີກວ່າຕະຫຼອດຮອດການຖອນຕົວອອກຈາກອີຢູຂອງອັງກິດ ແລະ ຄວາມບໍ່ສະຫງົບໃນຮົງກົງ. ບົດລາຍງານດັດຊະນີລາຄາອະສັງຫາລິມະຊັບຕາມເມືອງໃຫຍ່ທົ່ວໂລກຂອງ ໄນແຟຣງບົ່ງຊີ້ວ່າ:ໃນໄຕມາດ3ຂອງປີນີ້,ລາຄາອະສັງຫາລິມະຊັບຕາມເມືອງໃຫຍ່ເຊັ່ນ ນິວຢອກຂອງອາເມຣິກາ,ລອນດອນຂອງອັງກິດ ແລະ ແວນຄູເວີຂອງການາດາມີລັກສະນະປັບຕົວຫຼຸດລົງໃນອັດຕາຕໍ່າສຸດນັບຕັ້ງແຕ່ປີ2009ສະແດງໃຫ້ເຫັນວ່າອະສັງຫາລິມະຊັບຕາມເມືອງໃຫຍ່ເຫຼົ່ານີ້ມີຄວາມໜ້າສົນໃຈໃນສາຍຕາຂອງນັກທຸລະກິດຫຼຸດໜ້ອຍຖອຍລົງ. ຈາກປັດໄຈຮອບດ້ານທັງບັນຫາການຄ້າລະຫວ່າງອາເມຣິກາກັບຈີນທີ່ເຮັດໃຫ້ກະແສເງິນສົດໝູນວຽນຂ້າມຊາຍແດນຫຼຸດລົງຕາມມາດ້ວຍຄວາມບໍ່ແນ່ນອນຈາກການທີ່ອັງກິດຖອນຕົວຈາກອີຢູ,ຄວາມບໍ່ສະຫງົບໃນຮົງກົງ,ການຂຶ້ນພາສີຊື້ຂາຍອະສັງຫາລິມະຊັບຕາມເມືອງໃຫຍ່ບາງແຫ່ງ,ການເລັ່ງສ້າງອະສັງຫາລິມະຊັບຫຼູຫຼາລາຄາແພງຈົນເກີນໄປເຮັດໃຫ້ເກີດພາວະລາຄາອະສັງຫາລິມະຊັບຕົກຕໍ່າ. ທັງນີ້,ລາຄາອະສັງຫາລິມະຊັບຕາມເມືອງໃຫຍ່ຕ່າງໆ45ແຫ່ງປັບຕົວຂຶ້ນສະເລ່ຍພຽງ1,1%ໃນໄຕມາດ3ຂອງປີນີ້ເມື່ອປຽບທຽບກັບໄລຍະດຽວກັນຂອງປີກ່ອນ,ແຍກເປັນລາຄາອະສັງຫາລິມະຊັບໃນນິວຢອກປັບຕົວລົງ4,4%,ໃນລອນດອນ3,9% ແລະ ແວນຄູເວີຫຼຸດລົງ10%. ບົດລາຍງານໃຫ້ຮູ້ວ່າ:ລອນດອນ,ຮົງກົງ ແລະ ນິວຢອກທີ່ຖືກມອງວ່າເປັນດັດຊະນີຊີ້ວັດຕະຫຼາດອະສັງຫາລິມະຊັບທີ່ຢູ່ອາໄສຫຼັງຈາກຜ່ານພົ້ນໄລຍະວິກິດການການໂລກເມື່ອປີ2008ກໍາລັງສູນເສຍສະຖານະໃນຖານະເປັນສະຖານທີ່ປອດໄພໃນສາຍຕາຂອງຜູ້ຊື້ຕ່າງປະເທດທີ່ມີຖານະທີ່ຕ້ອງການນໍາເງິນສົດທີ່ຖືຄອງມາພັກໄວ້ໃນເມືອງໃຫຍ່ເຫຼົ່ານີ້ຫຼືໃຊ້ເປັນສະຖານທີ່ຢູອາໄສສ່ວນຕົວ. […]

ຈີນເພີ່ມເງິນເຂົ້າສູ່ລະບົບເສດຖະກິດເສີມສະພາບຄ່ອງ

ທະນາຄານກາງຈີນກະຕຸ້ນສະພາບຄ່ອງເຂົ້າສູ່ລະບົບການເງິນຜ່ານການດໍາເນີນການປ່ອຍເງິນກູ້ຢືມໄລຍະກາງແກ່ທະນາຄານເອກະຊົນເພື່ອສ້າງສະພາບຄ່ອງ. ໂດຍທະນາຄານກາງຈີນໄດ້ປະກາດເພີ່ມຈໍານວນເງິນກູ້ຢືມໃນໄລຍະເວລາ1ປີໃຫ້ກັບທະນາຄານເອກະຊົນເປັນຈໍານວນເງິນ200.000ລ້ານຢວນຫຼືເທົ່າກັບ29.000ລ້ານໂລດາໃຫ້ອັດຕາດອກເບ້ຍ3,25%. ການເພີ່ມເງິນດັ່ງກ່າວມີຈຸດປະສົງເພື່ອເສີມສະພາບຄ່ອງແກ້ທະນາຄານເອກກະຊົນໃຫ້ພຽງພໍສໍາລັບໃນໄລຍະເວລາທີ່ຕ້ອງຈ່າຍພາສີ,ຢ່າງໃດກໍຕາມທະນາຄານກາງຈີນຢືນຢັນວ່າສະພາບຄ່ອງໃນລະບົບທະນາຄານຍັງຢູ່ໃນລະດັບປົກກະຕິ. ເມື່ອເດືອນ ຕຸລາທີ່ຜ່ານມາ,ທະນາຄານກາງຈີນໄດ້ປະກາດຫຼຸດອັດຕາບອກເບ້ຍການປ່ອຍເງິນກູ້ຢືມໄລຍະກາງແກ່ທະນາຄານເອກະຊົນເພີ່ມເສີມສະພາບຄ່ອງຈາກອັດຕາເກົ່າທີ່3,3%ສູ່ລະດັບ3,25%ຖືວ່າເປັນການປັບຫຼຸດອັດຕາດອກເບ້ຍລົງເປັນຄັ້ງທໍາອິດນັບຕັ້ງແຕ່ປີ2016ເພື່ອຊຸກຍູ້ເສດຖະກິດເຊິ່ງໄດ້ຮັບຜົນກະທົບຈາກພາວະຫົດຕົວທາງເສດຖະກິດ.

ໂລກຕ້ອງການນໍ້າມັນເພີ່ມຂຶ້ນຢ່າງຕໍ່ເນື່ອງ

ໄອອີເອອຸປະສົງນໍ້າມັນທົ່ວໂລກເພີ່ມ1,1ລ້ານບາເຣວຕໍ່ມື້ໃນໄຕມາດ3ພ້ອມທັງຄາດຄະເນວ່າອຸປະສົງນໍ້າມັນທົ່ວໂລກຈະເພີ່ມຂຶ້ນ1,9ລ້ານບາເຣວໃນໄຕມາດ4. ອົງການພະລັງງານສາກົນຫຼືໄອອີເອລາຍງານວ່າ:ອຸປະສົງນໍ້າມັນທົ່ວໂລກເພີ່ມຂຶ້ນ1,1ລ້ານບາເຣວຕໍ່ມື້ໃນໄຕມາດ3ຫຼາຍກວ່າ4,35ບາເຣວຕໍ່ມື້ໃນໄຕມາດ2. ໄອອີເອໃຫ້ຮູ້ວ່າ:ຈີນເປັນປະເທດທີ່ມີອຸສົງນໍ້າມັນນໍ້າມັນສູງສຸດໂດຍເພີ່ມຂຶ້ນ6,40ແສນບາເຣວຕໍ່ມື້. ນອກຈາກນີ້,ໄອອີເອຍັງຄາດຄະເນວ່າ:ອຸປະສົງນໍ້າມັນທົ່ວໂລກຈະເພີ່ມຂຶ້ນ1,9ລ້ານບາເຣວຕໍ່ມື້ໃນໄຕມາດ4. ຢ່າງໃດກໍຕາມເມື່ອພິຈາລະນາໝົດປີ2019ໄອອີເອຄາດຄະເນວ່າອຸປະສົງນໍ້າມັນໃນປີນີ້ຈະຫຼຸດລົງເປັນຄັ້ງທໍາອິດນັບຕັ້ງແຕ່ປີ2009ໂດຍໄດ້ຮັບຜົນກະທົບຈາກຄວາມຕ້ອງການທີ່ຫຼຸດລົງໃນການກັ່ນນໍ້າມັນຂອງໂຮງກັ່ນຕ່າງໆ.

ທະນາຄານອາເມຣິກາປ່ອຍເງິນກູ້ຢືມຫຼາຍສ້າງໜີ້ຄົວເຮືອນພຸ່ງສູງ

ເຟດຊີ້ໜີ້ຄົວເຮືອນອາເມຣິກາເພີ່ມຂຶ້ນຈຸລະດັບ14ພັນຕື້ໂລດານໍາໂດຍສິນເຊື່ອເພື່ອທີ່ຢູ່ອາໄສ,ສິນເຊື່ອເພື່ອຊື້ລົດ ແລະ ສິນເຊື່ອເພື່ອການສຶກສາ. ທະນາຄານກາງອາເມຣິກາຫຼືເຟດລາຍງານວ່າ:ໜີ້ຄົວເຮືອນຂອງປະຊາຊົນອາເມຣິກາເພີ່ມຫຼາຍຂຶ້ນເປັນປະຫວັດການໃກ້ຈຸລະດັບ14ພັນຕື້ໂດລາ. ທັງນີ້ໜີ້ທີ່ເກີດຈາກການຈໍານໍາເຮືອນປັບຂຶ້ນປະມານ31.000ລ້ານໂດລາເຖິງ9,44ພັນຕື້ໂດລາເຊັ່ນດຽວກັບໜີ້ທີ່ເກີດຈາກການຊື້ລົດ,ບັດເຄຣດິດ ແລະ ເງິນກູ້ເພື່ອການສຶກສາລ້ວນປັບຕົວຂຶ້ນ. ເຟດໃຫ້ຮູ້ວ່າ:ໜີ້ຄົວເຮືອນອາເມຣິກາເພີ່ມຂຶ້ນ92.000ລ້ານໂດລາໃນໄຕມາດ3ຂອງປີນີ້ໂດຍຕົວເລກໜີ້ຄົວເຮືອນອາໃນໄຕມາດ3ຂອງປີ2019ເພີ່ມຂຶ້ນຫຼາຍໂດຍການປ່ອຍສິນເຊື່ອເພື່ອຊື້ລົດເພີ່ມຂຶ້ນສູງເປັນປະຫວັດການ. ນອກຈາກນີ້,ສິນເຊື່ອເພື່ອການປ່ອຍເງິນກູ້ຢືມເພື່ອທີ່ຢູ່ອາໄສກໍປັບຕົວເພີ່ມຂຶ້ນທຸກປີ,ສ່ວນໜຶ່ງເປັນເພາະອານິສົງຈາກໄລຍະຂາລົງຂອງອັດຕາດອກເບ້ຍ.

ເສດຖະກິດຍີ່ປຸ່ນອັດຕາການຂະຫຍາຍຕົວຕົກຕໍ່າລົງ

ລັດຖະບານຍີ່ປຸ່ນເຜີຍແຜ່ຕົວເລກເສດຖະກິດໄຕມາດ3ຂອງປີນີ້ວ່າຂະຫຍາຍຕົວ0,1%ຫຼຸດລົງຈາກ0,4%ໃນໄຕມາດກ່ອນເນື່ອງຈາກການສົ່ງອອກຫຼຸດລົງແຊງໜ້າການບໍລິໂພກໃນປະເທດທີ່ເພີ່ມຂຶ້ນ. ຕົວເລກດັ່ງກ່າວສວນທາງກັບທີ່ນັກວິເຄາະຄາດຄະເນວ່າເສດຖະກິດຍີ່ປຸ່ນຈະຂະຫຍາຍຕົວຢາງແຂງແກ່ນໃນໄຕມາດ3ເນື່ອງຈາກຜູ້ບໍລິໂພກຈະເລັ່ງຊື້ເຄື່ອງກ່ອນທີ່ອາກອນຈະປັບເພີ່ມຂຶ້ນຈາກ8%ເປັນ10%. ນອກຈາກນີ້ຍັງສວນທາງກັບຕົວເລກທາງການທີ່ເຜີຍແຜ່ເມື່ອອາທິດກ່ອນວ່າເດືອນ ກັນຍາປີນີ້ຄົວເຮືອນຍີ່ປຸ່ນໃຊ້ຈ່າຍເພີ່ມຂຶ້ນ9,5%ຈາກເດືອນດຽວກັນຂອງປີກ່ອນເພາະຜູ້ບໍລິໂພກເລັ່ງຊື້ສິນຄ້າຈໍານວນຫຼາຍກ່ອນອາກອນປັບຂຶ້ນ. ການທີ່ຍອດສັ່ງຊື້ສິນຄ້າກ່ອນອາກອນປັບຂຶ້ນບໍ່ໄດ້ຫຼາຍຢ່າງທີ່ຄິດສະແດງໃຫ້ເຫັນວ່າເສດຖະກິດຍີ່ປຸ່ນບໍ່ໄດ້ແຂງແກ່ນພໍທີ່ຈະປະຄອງການຟື້ນຕົວໄດ້ຢ່າງຍືນຍົງ.

ການລົງທຶນໃນປີໜ້າຄວນລະວັງຈາກຫຼາຍປັດໄຈ

ກອງທຶນທົ່ວໂລກມອງທ່າອ່ຽງການລົງໃນປີໜ້າດ້ວຍຄວາມລະວັງຫຼາຍໂດຍມີປັດໄຈຫຼັກມາຈາກບັນຫາການເມືອງ ແລະ ເສດຖະກິດ,ແຕ່ຍັງມີແນວຄິດທາງບວກກ່ຽວກັບທ່າອ່ຽງເສດຖະກິດ ແລະ ພາວະຕະຫຼາດໃນທົດສະວັດໜ້າ. ພາວະເສດຖະກິດທີ່ງຽບເຫງົາໃນຂະນະນີ້ເຮັດໃຫ້ບັນຍາກາດການຄ້າ,ການລົງທຶນບໍ່ສົດໄສໄປນໍາຄຽງຄູ່ກັບການເຈລະຈາການຄ້າລະຫວ່າງອາເມຣິາກັບຈີນທີ່ນັກລົງທຶນທົ່ວໂລກຕ່າງຄາດຫວັງວ່າຈະຈົບລົງໃນມໍ່ໆນີ້,ໂລກນີ້ຈະໄດ້ບໍ່ມີສົງຄາມການຄ້າ;ແຕ່ເບິ່ງຄືວ່າຈະບໍ່ເປັນເຊັ່ນນັ້ນຈຶ່ງເຮັດໃຫ້ນັກລົງທຶນທົ່ວໂລກມອງວ່າໃນປີ2020ຈະເປັນປີຂອງຫາຍະນະທາງເສດຖະກິດທົ່ວໂລກ,ສະນັ້ນຕ້ອງດໍາເນີນທຸລະກິດຢ່າງລະວັງ.   ຢູບີເອສ ສະຖາບັນການເງິນແຖວໜ້າຂອງປະເທດ ສະວິດເຜີຍແຜ່ບົດລາຍງານສໍາຫຼວດນັກລົງງທຶນທີ່ຮັ່ງມີຈໍານວນກວ່າ3.400ຄົນທົ່ວໂລກທີ່ມີມູນຄ່າຊັບສິນຂັ້ນຕໍ່າ1ລ້ານໂດລາພົບວ່າ:ນັກລົງທຶນທົ່ວໂລກມອງທ່າອ່ຽງການລົງທຶນໃນປີໜ້າດ້ວຍຄວາມລະວັງຫຼາຍໃນພາວະເກີດຄວາມກັງວົນກ່ຽວກັບບັນຫາການເມືອງ ແລະ ເສດຖະກິດ,ແຕ່ກໍຍັງມີມຸມມອງໃນທາງບວກກ່ຽວກັບທ່າອ່ຽງເສດຖະກິດ ແລະ ພາວະຕະຫຼາດໃນໄລຍະ10ປີຕໍ່ໜ້າ. ຜົນສໍາຫຼວດເຊິ່ງເຮັດໂດຍຢູບີເອສ […]

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ