ປັດຈຸບັນນີ້ໂລກເຮົາໄດ້ມີການປ່ຽນແປງໄປຫຼາຍ ເຮັດໃຫ້ສະພາບຮ່າງກາຍຂອງມະນຸດເຮົາບໍ່ອາດສາມາດປັບໄປກັບສະພາບແວດລ້ອມອ້ອມຂ້າງໄດ້ທັນທີ ບໍ່ວ່າຈະເປັນການລະບາດຂອງພະຍາດທີ່ແຜ່ລະບາດຢູ່ໃນປັດຈຸບັນ ຫຼື ສະພາບອາກາດທີ່ບໍ່ເປັນໄປຕາມລະດູການປົກກະຕິ ເຮັດໃຫ້ມະນຸດເຮົາເກີດການເຈັບປ່ວຍໄດ້ງ່າຍ. ມື້ນີ້ຜູ້ຂຽນຈຶ່ງຢາກແນະນຳຄຸນປະໂຫຍດຂອງນ້ຳໝາກນາວ, ນ້ຳເຜິ້ງ ພ້ອມທັງວິທີເຮັດເຄື່ອງດື່ມປະເພດນີ້ເພື່ອເສີມພູມຄຸ້ມກັນມາຝາກຜູ້ອ່ານໄດ້ນຳເອົາໄປນໍາໃຊ້ໃນຊີວິດປະຈຳວັນ. ນ້ຳເຜິ້ງມີສັບພະຄຸນຊ່ວຍເພີ່ມພະລັງໃຫ້ຮ່າງກາຍ, ບຳລຸງກຳລັງ, ແກ້ອາການອ່ອນເພຍ, ແກ້ໄອ, ແກ້ອາການເຈັບຄໍ ຊ່ວຍເຮັດໃຫ້ຜ່ອນຄາຍ. […]
