admin laoedaily, Author at Laoedaily

ມູນຄ່າເສດຖະກິດໂລກຫຼຸດລົງກວ່າ8ພັນຕື້ໂດລາໃນ2ປີຕໍ່ໜ້າ

ສປຊຄາດຄະເນວ່າເສດຖະກິດໂລກຈະຫົວຕົວ3,2%ໃນປີນີ້ຈາກຜົນກະທົບຂອງໂຄວິດ-19 ແລະ ມູນຄ່າເສດຖະກິດໂລກຈະຫຼຸດລົງເກືອບ8,5ພັນຕື້ໂດລາໃນໄລຍະ2ປີຕໍ່ໜ້າ. ທັງນີ້ມູນຄ່າເສດຖະກິດໂລກທີ່ຕົກຕໍ່າລົງໄດ້ລຶບລ້າງການເພີ່ມຂຶ້ນຂອງມູນຄ່າເສດຖະກິດໃນໄລຍະ4ປີທີ່ຜ່ານມາ ແລະ ການຫຼຸດລົງໃນປີນີ້ມີຄວາມຮ້າຍແຮງທີ່ສຸດນັບຕັ້ງແຕ່ພາວະເສດຖະກິດຕົກຕໍ່າຄັ້ງໃຫຍ່ໃນປີ1930. ນອກຈາກນີ້,ຄາດຄະເນວ່າຈະມີປະຊາກອນໂລກຈໍານວນ34,3ລ້ານຄົນທີ່ມີຊີວິດການເປັນຢູ່ຕໍ່າກວ່າລະດັບເສັ້ນຄວາມທຸກຍາກໃນປີນີ້ໂດຍໄດ້ຮັບຜົນກະທົບຈາກພະຍາດລະບາດ.

ສ່ອງສາເຫດຂອງການລົ້ມລະລາຍຂອງຫຼາຍສາຍການບິນທົ່ວໂລກ

ຜູ້ຊ່ຽວຊານຄາດຄະເນວ່າສາຍການບິນສ່ວນໃຫຍ່ທົ່ວໂລກສ່ຽງລົ້ມລະລາຍພາຍໃນເດືອນ ພຶດສະພານີ້ຈາກຜົນກະທົບຂອງໂຄວິດ-19ແຜ່ລະບາດ,ແຕ່ກໍມີບາງສາຍການບິນທີ່ລົ້ມລະລາຍໄປແລ້ວໄລຍະ2ເດືອນທີ່ຜ່ານມາ. ເກືອບຈະທັນທີທີ່ມີຂ່າວການລະບາດຂອງພະຍາດດັ່ງກ່າວໃນໄລຍະທ້າຍເດືອນ ມັງກອນທີ່ຜ່ານມາ,ຄວາມຕ້ອງການເດີນທາງທາງອາກາດໄປທຸກທະວີບກໍຫຼຸດໜ້ອຍຖອຍລົງຢ່າງໄວວາ. ແມ້ແຕ່ກ່ອນລັດຖະບານທົ່ວໂລກອອກມາດຕະການຫ້າມການເດີນທາງ,ຫຼາຍສາຍການບິນເລີ່ມປັບຫຼຸດຖ້ຽວບິນໄປປະເທດຈີນແລ້ວເຊິ່ງເປັນຈຸດເລີ່ມຕົ້ນຂອງການແຜ່ລະບາດ ແລະ ປະເທດອື່ນໆໃນອາຊີເນື່ອງຈາກແຕກຕື່ນກ່ຽວກັບພະຍາດຮ້າຍເຮັດໃຫ້ຜູ້ໂດຍສານສ່ຽງເດີນທາງມາຍັງທະວີບນີ້. ຢ່າງໃດກໍຕາມພາຍໃນບໍ່ເທົ່າໃດອາທິດຕໍ່ມາກໍເຫັນວ່າຖ້ຽວບິນໄປອາຊີບໍ່ແມ່ນເສັ້ນທາງດຽວທີ່ປະເຊີນກັບຜູ້ໂດຍສານຫຼຸດລົງໂດຍສາຍການບິນເອີຣົບກໍ່ເຊັ່ນກັນຕາມມາດ້ວຍທະວີບອາເມຣິກາ ແລະ ອາຟຣິກາ. ທັງນີ້,ຄວາມຕ້ອງການເດີນທາງຂອງຜູ້ໂດຍສານຕົກຕໍ່າລົງທົ່ວທຸກທະວີບເນື່ອງຈາກຜູ້ຄົນຕ່າງພາກັນກັງວົນທີ່ຈະເດີນທາງອອກຈາກບ້ານ ແລະ ພະຍາຍາມທີ່ຈະຫຼີກເວັ້ນການເດີນທາງທາງອາກາດເພາະຢູ່ໃກ້ຊິດຄົນອື່ນອາດຈະສ່ຽງຕິດໂຄວິດ-19ຂຶ້ນມາໄດ້. ສິ່ງທີ່ຕິດຕາມມາຄືຕ່າງຄົນຕ່າງພາກັນເລື່ອນຊື້ປີ້ຍົນສໍາລັບຖ້ຽວບິນໃນອະນາຄົດເນື່ອງຈາກຄວາມບໍ່ແນ່ນອນກ່ຽວກັບພະຍາດລະບາດ. ຂະນະດຽວກັນການທີ່ປະເທດຕ່າງໆທົ່ວໂລກປິດຊາຍແດນ,ພ້ອມທັງປະກາດປິດເມືອງເຮັດໃຫ້ການເດີນທາງທາງອາກາດຫຼຸດລົງຢ່າງເຫັນໄດ້ຈະແຈ້ງຈົນບັນດາສາຍການບິນຕ່າງຍົກເລີກເສັ້ນທາງບິນ […]

ອາເມຣິກາຫາກໂຄວິດລະບາດຮອບສອງເສດຖະກິດເສຍຫາຍໜັກ

ທ່ານ ມາກ ແຊນ​ດີ ນັກ​ວິ​ເຄາະ​ຈາກ ມູ​ດີ ອະ​ນາ​ລິ​ຕິກ​ກ່າວ​ວ່າ:ອາ​ເມ​ຣິ​ກາ​ສ່ຽງ​ທີ່​ໂຄ​ວິດ-19ຈະ​ກັບ​ມາ​ລະ​ບາດ​ໜັກ​ຮອບ2ເນື່ອງ​ຈາກ​ການ​ເປີດ​ເສດ​ຖະ​ກິດ​ໄວ​ເກີນ​ໄປ​ເຮັດ​ໃຫ້​ປະ​ຊາ​ຊົນ​ກັບ​ມາ​ຮ່ວມ​ຕົວ​ກັນ​ເປັນ​ຈຳ​ນວນຫຼາຍ. ໂດຍ​ພາ​ວະ​ເສດ​ຖະ​ກິດ​ຂອງ​ອາ​ເມ​ຣິ​ກາ​ອາດ​ຈະ​ຕົກ​ຕ່ຳ​ໃຊ້​ເວ​ລາ​ປະ​ມານ1ປີຫຼືຫຼາຍກວ່າ​ນັ້ນ,ຂະ​ນະ​ທີ່​ຕົວ​ເລກ​ການ​ວ່າງວຽກ​ອາດ​ຈະ​ສູງ​ຂຶ້ນ​ໃນ​ອັດ​ຕາ​ຕົວ​ເລກ2ຫຼັກ. ຢ່າງ​ໃດ​ກໍ່​ຕາມ​ເສດ​ຖະ​ກິດ​ອາ​ເມ​ຣິ​ກາ​ອາດ​ຈະ​ຟື້ນ​ຕົວ​ໃນ​ຮູບ​ຕົວ​U,ສ່ວນ​ການ​ວ່າງວຽກ​ຈະ​ຟື້ນ​ຄືນ​ອີກ​ຄັ້ງ​ໃນ​ວັນ​ພັກ Memorial Day​ເນື່ອງ​ຈາກ​ທຸ​ລະ​ກິດ​ຕ່າງໆ​ຈະ​ກັບ​ມາ​ເປີດ​ຕາມ​ປົກ​ກະ​ຕິ​ຫາກ​ບໍ່​ມີ​ການ​ແຜ່​ລະ​ບາດ​ຂອງ​ພະ​ຍ​າດ​ດັ່ງ​ກ່າວ.

ທະນາຄານອາຊຽນຂາດເງິນໝຸນວຽນປະເຊີນບັນຫາໜີ້

ການລະບາດຂອງໂຄວິດ-19ທີ່ກໍາລັງເຮັດໃຫ້ບໍລິສັດຫຼາຍແຫ່ງໃນອາຊຽນຂາດເງິນສົດໝຸນວຽນ ແລະ ສ້າງຄວາມຫຍຸ້ງຍາກໃນການໃຊ້ໜີ້ໃຫ້ທະນາຄານເຮັດໃຫ້ທະນາຄານຈໍານວນຫຼາຍມີຄວາມສ່ຽງສູງຕ້ອງຮັບມືກັບໜີ້ທີ່ບໍ່ເຮັດໃຫ້ເກີດລາຍໄດ້ທີ່ສູງເປັນປະຫວັດການ. ເມື່ອເດືອນເມສາທີ່ຜ່ານມາ,ມູດີ ບໍລິສັດຈັດອັນດັບຄວາມໜ້າເຊື່ອຖືຂອງໂລກໄດ້ຫຼຸດຄວາມໜ້າເຊື່ອຖືໃນອາຊຽນເຖິງວ່າລັດຖະບານຫຼາຍປະເທດຈະພະຍາຍາມຢ່າງໜັກດ້ວຍການໃຊ້ມາດຕະການຫຼາຍຢ່າງເພື່ອຊ່ວຍເຫຼືອທຸລະກິດຕ່າງໆ. ຂະນະທີ່ບົດລາຍງານທ່າອ່ຽງເສດຖະກິດໂລກຂອງກອງທຶນການເງິນສາກົນຫຼືໄອເອັມເອຟທີ່ເຜີຍແຜ່ເມື່ອເດືອນ ເມສາເຊັ່ນກັນຄາດຄະເນວ່າຈີີດີພີຂອງ5ປະເທດເສດຖະກິດໃຫຍ່ທີ່ສຸດໃນກຸ່ມ10ປະເທດອາຊຽນເຊັ່ນອິນໂດເນເຊຍ,ໄທ,ມາເລເຊຍ,ຟີລິບປິນ ແລະ ຫວຽດນາມຈະຫຼຸດລົງປະມານ0,6%ໃນປີນີ້.  

ຫວຽດນາມຂາດແຄນແຮງງານຫຼັງການລະບາດຂອງໂຄວິດ

ປະເທດ ຫວຽດນາມເກີດບັນຫາຂາດແຄນແຮງງານຢ່າງໜັກຫຼັງການແຜ່ລະບາດຂອງໂຄວິດ-19ເຊິ່ງບາງໂຮງງານຕ້ອງອອກມາປະກາດຫຼຸດຈໍານວນການຜະລິດໄປຈົນເຖິງປິດຊົ່ວຄາວ. ຜູ້ປະກອບການໃນຫວຽດນາມທີ່ກັບມາດໍາເນີນທຸລະກິດຫຼັງຈາກລັດຖະບານເລີ່ມຜ່ອນຄາຍມາດຕະການປິດເມືອງກໍາລັງເກີດບັນຫາຂາດແຄນແຮງງານເຮັດໃຫ້ຕ້ອງຫຼຸດຂະໜາດທຸລະກິດ,ປິດຊົ່ວຄາວຫຼືຈ້າງໂຮງງານອື່ນໃຫ້ຜະລິດແທນເນື່ອງຈາກຖືກແຮງງານທີ່ເດີນທາງກັບບ້ານໃນໄລຍະພະຍາດລະບາດສ່ວນໃຫຍ່ບໍ່ຕ້ອງການເດີນທາງກັບໄປເຮັດວຽກໃນເມືອງໃຫຍ່ເນື່ອງຈາກກັງວົນກ່ຽວກັບການລະບາດຂອງພະຍາດ. ທັງນີ້ໃນໄລຍະທີ່ຜ່ານມາ,ຫວຽດນາມຖືເປັນປະເທດຄູ່ແຂ່ງໄທທີ່ສໍາຄັນດ້ານການລົງທຶນໂດຍກົງຈາກປະເທດເມື່ອປີ2019ທີ່ຜ່ານມາໂດຍເງິນລົງທຶນໄຫຼເຂົ້າຫວຽດນາມຫຼາຍກວ່າໄທເຖິງ2ເທົ່າດ້ວຍເຫດທີ່ໄທ ແລະ ຫວຽດນາມສົ່ງອອກສິນຄ້າປະເພດດຽວກັນໄປອາເມຣິກາ. ນອກຈາກນີ້,ການລົງທຶນສ່ວນໃຫຍ່ທີ່ເຂົ້າໄປຫວຽດນາມໃນໄລຍະ10ທີ່ຜ່ານມາກໍອາດຈະໄດ້ໄຫຼເຂົ້າໄທຫາກໄທໄດ້ເຂົ້າຮ່ວມກຸ່ມ ທີພີພີຕັ້ງແຕ່ທໍາອິດເນື່ອງຈາກໄທມີຄວາມພ້ອມຮອງຮັບການລົງທຶນຫຼາຍກວ່າຫວຽດນາມ.

ສາຍການບິນໂລກກໍາລັງປ່ຽນແປງຄັ້ງໃຫຍ່ນັກທຸລະກິດເທຂາຍຮຸ້ນ

ທ່ານ ວໍດເຣນ ບັບເຟດ ມະຫາເສດຖີລະດັບໂລກກ່າວວ່າ:ບໍລິສັດໄດ້ຂາຍຮຸ້ນໃນກຸ່ມອຸດສາຫະກໍາການບິນທັງໝົດເນື່ອງຈາກການລະບາດຂອງໂຄວິດ-19ທີ່ສົ່ງຜົນກະທົບຮ້າຍແຮງຕໍ່ສາຍການບິນທົ່ວໂລກ ແລະ ບໍລິສັດຂາຍທຶນເກືອບ50.000ລ້ານໂດລາ. ໃນໄລຍະທີ່ຜ່ານມາໄດ້ທະຍອຍຂາຍຮຸ້ນຂອງຫຼາຍສາຍການບິນອາເມຣິກາໂດຍໄດ້ຂາຍຮຸ້ນຂອງສາຍການບິນ ເຊົາເວດແອລາຍ2,3ລ້ານຮຸ້ນມູນຄ່າກວ່າ74ລ້ານໂດລາ ແລະ ຈະພະຍາຍາມຂາຍຮຸ້ນສາຍການບິນອອກໄປທັງໝົດ. ທັງນີ້ບໍລິສັດ ເບິກເຊຍແຮທາເວ ໄດ້ຖືຄອງຮຸ້ນໃນສາຍການບິນລາຍໃຫຍ່ຂອງອາເມຣິກາ4ສາຍການບິນໃນອັດຕາສ່ວນປະມານ10%ຂອງແຕ່ລະສາຍການບິນໂດຍນອກຈາກ ເດວຕາແອລາຍ ແລະ […]

ລາຄາຄໍາຕົກຫຼັງນັກລົງທຶນເພີ່ມການຖືຄອງຊັບສິນສ່ຽງ

ລາຄາຄໍາຟິວເຈີປິດຕະຫຼາດເມື່ອບໍ່ດົນມານີ້ປັບຕົວຫຼຸດລົງ,ຂະນະທີ່ນັກລົງທຶນພາກັນຖືຄອງຊັບສິນສ່ຽງເນື່ອງຈາກຫຼາຍປະເທດເລີ່ມຜ່ອນຄາຍມາດຕະການປິດເມືອງເປັນຕົ້ນໃນອາເມຣິກາ ແລະ ເອີຣົບ. ທັງນີ້ອາເມຣິກາ ແລະ ເອີຣົບຕະຫຼອດຮອດນູແວນເຊລັງໄດ້ເລີ່ມຜ່ອນຄາຍມາດຕະການປິດເມືອງເຊິ່ງຄາດຄະເນວ່າຈະຊ່ວຍຊູຍູ້ໜູນຜົນການດໍາເນີນທຸລະກິດຂອງບໍລິສັດຕ່າງໆ ແລະ ຄວາມເຊື່ອໝັ້ນທາງເສດຖະກິິດຫຼັງຈາກທີ່ກິດຈະກໍາຕ່າງໆໄດ້ຢຸດເຊົາໃນໄລຍະທີ່ປະກາດໃຊ້ມາດຕະການດັ່ງກ່າວເພື່ອສະກັດການລະບາດຂອງໂຄວິດ-19. ນອກຈາກນີ້,ນັກລົງທຶນຕິດຕາມກອງປະຊຸມຂອງທະນາຄານກາງອາເມຣິກາຫຼືເຟດໃນອາທິດນີ້ໂດຍຄາດຄະເນວ່າເຟດຈະຍັງຮັກສາອັດຕາດອກເບ້ຍທີ່ລະດັບ0,00-0,25%ຫຼັງຈາກທີ່ເຟດໄດ້ປະກາດມາດຕະການຊຸກຍູ້ເສດຖະກິດຄັ້ງໃຫຍ່ເມື່ອວັນທີ23ເດືອນ ມີນາທີ່ຜ່ານມາເພື່ອຮັບມືການລະບາດຂອງພະຍາດ. ໂດຍມາດຕະການດັ່ງກ່າວລວມເຖິງການຊື້ພັນທະບັດຕາມມາດຕະການຜ່ອນຄາຍເຊີງປະລິມານຫຼືຄິວອີໃນຈໍານວນບໍ່ຈໍາກັດເຊິ່ງຖືເປັນການດໍາເນີນການແຊກແຊງຕະຫຼາດຄັ້ງໃຫຍ່ຍທີ່ສຸດເທົ່າທີ່ເຟດເຄີຍເຮັດມາ.

ຄາດຍີ່ປຸ່ນ-ສິງກະໂປໄດ້ຮັບກະທົບທາງເສດຖະກິດໜັກທີ່ສຸດໃນອາຊີ

ການລະບາດຢ່າງຮ້າຍແຮງຂອງໂຄວິດ-19ໄປເກືອບທົ່ວໂລກ,ທຸກປະເທດຕ່າງໃຊ້ມາດຕະການປິດເມືອງ-ປິດປະເທດເພື່ອຫວັງຢຸດການລະບາດຂອງພະຍາດດັ່ງກ່າວ;ແຕ່ມາດຕະການດັ່ງກ່າວເທົ່າກັບປິດເສດຖະກິດເຊັ່ນດຽວກັນ. ທ່ານ ສະຕີບ ໂຄເຄຣນ ຫົວໜ້ານັກເສດຖະສາດປະຈໍາທະທີບອາຊີຂອງບໍລິສັດ ມູດີ ອະນາລິຕິກກ່າວວ່າ:ຍີ່ປຸ່ນ ແລະ ສິງກະໂປຈະເປັນປະເທດໃນອາຊີທີ່ໄດ້ຮັບຜົນກະທົບທາງເສດຖະກິດຫຼາຍທີ່ສຸດໃນອາຊີ. ທັງນີ້,ຍີ່ປຸ່ນ ແລະ ສິງກະໂປມີບັນຫາເສດຖະກິດຢູ່ແລ້ວຕັ້ງແຕ່ກ່ອນເກີດການລະບາດຂອງໂຄວິດ-19. ຂະນະທີ່ມາດຕະການປິດເມືອງຫຼືປິດປະເທດຂອງສອງປະເທດເພື່ອສະກັດການລະບາດຍິ່ງສ້າງບັນຫາຕໍ່ລະບົບເສດຖະກິດ. ໂດຍເສດຖະກິດຍີ່ປຸ່ນຫຼຸດລົງ6,3%ໃນໄຕມາດ4ຂອງປີກ່ອນ,ຂະນະທີ່ເສດຖະກິດສິງກະໂປຫຼຸດລົງ2,2%ໃນໄຕມາດທໍາອິດຂອງປີນີ້.

ທຸລະກິດອິນເດຍກໍາລັງມີອຸປະສັກໃນການຫາທຶນຮັບມືກັບໂຄວິດ

ຫົວໜ່ວຍທຸລະກິດອິນເດຍກໍາລັງປະເຊີນກັບສະຖານະການຄວາມຫຍຸ້ງຍາກໃນການຫາແຫຼ່ງທຶນເພື່ອຮັບມືກັບໂຄວິດ-19ຜ່ານຕະຫຼາດເນື່ອງຈາກສະພາບຄ່ອງທີ່ເຄັ່ງຕຶງຕັ້ງແຕ່ປີ2018ຕະຫຼອດຮອດການສະເໜີຂາຍພັນທະບັດຂອງລັດຕ່າງໆເພື່ອຫາເງິນທຶນສໍາລັບພັດທະນາເສດຖະກິດ. ນອກຈາກນີ້ນະໂຍບາຍເພີ່ມວົງເງິນເຂົ້າຕະຫຼາດກາສານໜີ້ເອກະຊົນ(ຮຸ້ນກູ້)ຂອງທະນາຄານກາງໄດ້ສົ່ງເຮັດໃຫ້ອັດຕາຜົນຕອບແທນຂອງຮຸ້ນເອກະຊົນຕໍ່າກວ່າຜົນຕອບແທນຂອງພັດທະບັດລັດຖະບານໃນຫຼາຍລັດເຊິ່ງອາດຈະເຮັດໃຫ້ນັກທຸລະກິດບໍ່ສົນໃຈຮຸ້ນກູ້ ແລະ ຫັນມາລົງທຶນໃນພັນທະບັັດລັດຖະບານແທນ. ທັງນີ້ລັດຕ່າງໆຂອງອິນເດຍມີຄວາມຕ້ອງການອອກພັນທະບັດເພີ່ມຂຶ້ນເພື່ອຮອງຮັບລາຍຮັບຂອງລັດຖະບານທີ່ຫຼຸດລົງຈາກມາດຕະການປິດເມືອງຕະຫຼອດຮອດການຈັດຫາເງິນທຶນສໍາລັບມາດຕະການຊ່ວຍເຫຼືອທຸລະກິດທີ່ຮັບຜົນກະທົບຈາກການລະບາດຂອງພະຍາດ.   ສໍານັກຂ່າວບລູມເບິກລາຍງານວ່າ:ທະນາຄານກາງອິນເດຍເຊິ່ງຄາດຄະເນຄວາມຕ້ອງການສະເໜີຂາຍພັນທະບັດລັດຖະບານທົ່ວປະເທດຈະເພີ່ມຂຶ້ນເຖິງ18,2%ໃນໄຕມາດ1ຂອງປີນີ້ເມື່ອປຽບທຽບກັບໄຕມາດດຽວກັນຂອງປີກ່ອນ.  

500ກວ່າບໍລິສັດນໍ້າມັນອາເມຣິກາທະຍອຍລົ້ມລະລາຍ

ເມື່ອບໍ່ດົນມານີ້,ລາຄານໍ້າມັນດິບຊື້ຂາຍລ່ວງໜ້າຕິດລົບເປັນຄັ້ງທໍາອິດໃນປະຫວັດສາດອາເມຣິກາສາເຫດມາຈາການປິດເມືອງຫຼືປະເທດຂອງລັດຖະບານຕ່່າງໆທົ່ວໂລກເຮັດໃຫ້ຄວາມຕ້ອງການນໍ້າມັນຕົກຕໍ່າຢ່າງໜັກ,ຂະນະທີ່ປະລິມານນໍ້າມັນລົ້ນຕະຫຼາດໂລກຈົນບໍ່ມີຄັງແຮມ້ຽນນໍ້າມັນ. ຫາກລາຄານໍ້າມັນດິບຢູ່ທີ່20ໂດລາຕໍ່ບາເຣວເມື່ອໃດຈະເຮັດໃຫ້ບໍລິສັດນໍ້າມັນໃນອາເມຣິກາ533ແຫ່ງຈະຖືກຍື່ນຟ້ອງລົ້ມລະລາຍໂດຍບໍລິສັດເຫຼົ່ານີ້ມີຊັບສິນລວມກັນປະມານ70.000ລ້ານໂດລາໃນປີ2020 ແລະ ອີກ177.000ລ້ານໂດລາໃນປີ2021ທີ່ຈະຖືກເຂົ້າສູ່ຂະບວນການປັບໂຄງສ້າງໜີ້. ຂະນະທີ່ຫາກລາຄານໍ້າມັນຕົກລົງເຖິງ10ໂດລາຕໍ່ບາເຣວຈະເຮັດໃຫ້ບໍລິສັດນໍ້າມັນໃນອາເມຣິກາວ່າ1.000ແຫ່ງຕ້ອງຍື່ນລົ້ມລະລາຍໂດຍເມື່ອຕົ້ນເດືອນ ເມສາທີ່ຜ່ານມາບໍລິສັດໄວທິງ ປີໂຕຣລຽມເຊິ່ງມີສໍານັກງານໃຫຍ່ຢູ່ທີ່ນະຄອນ ໂຄໂລຣາໂດ ໄດ້ຍື່ນຂໍລົ້ມລະລາຍໄປແລ້ວ. ອາເມຣິກາເປັນປະເທດທີ່ປະເຊີນກັບສະຖານະການນໍ້າມັນລົ້ນຄັງແຮທີ່ຮ້າຍແຮງທີ່ສຸດແຫ່ງໜຶ່ງຂອງໂລກໂດຍຂໍ້ມູນຈາກສໍານັກງານຂໍ້ມູນ-ຂ່າວສານພະລັງງານອາເມຣິກາຫຼືອີໄອເອລາຍງານວ່າ:ສະຖານທີ່ມ້ຽນນໍ້າມັນທີ່ສໍາຄັນຂອງປະເທດຢູ່ທີ່ລັດໂອຄລາໂຮມາມີປະລິມານນໍ້າມັນເພີ່ມຂຶ້ນເຖິງ48%ຈາກໄລຍະທ້າຍເດືອນ ກຸມພາປີ2020ໂດຍປັດຈຸບັນມີນໍ້າມັນດິບໃນຄັງແຮທີ່55ລ້ານບາເຣວ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ