ດຣັກເລີ ຍິງປະຕູໄຊ! ເປແອສເຊ ບຸກຊະນະ ແຣນສ໌ 1-0 ໄລ່ນິສ 2 ແຕ້ມ

ຄຣິສຕິຢອງ ກຣຸກກຸຟ ຄູຝຶກຂອງ ແຣນສ໌ ໄດ້ ຄາມິລ ໂກຣຊິກກີ້ ເຊົາເຈັບກັບສູ່ສະໜາມ ໂດຍແຜງແນວບຸກມີ ໂຢຮັນ ກຮຸກກຸຟ ກັບ ອັລໂດ ກາລູລູ ນຳທີມ ສ່ວນທາງຝັ່ງ ເປແອສເຊ ພາຍໃຕ້ການຄຸມທີມຂອງ ອູໄນ ເອເມຣີ ຈັດທີມລະບົບ 4-3-3 ວາງ ຢູລຽນ ດຣັກເລີ, ເອດິນສັນ ຄາວານີ ແລະ ຣູຄັສ ມູລາ ເປັນ 3 ປະສານໃນເກມບຸກ.

ເລິ່ມເຄິ່ງເວລາທຳອິດ 40 ວິນາທີ ເປແອສເຊ ເກືອບໄດ້ປະຕູຂຶ້ນນຳໄວ ໂທມັສ ເມີນິເຢ ໂຍນບານຍາວຂຶ້ນມາໃຫ້ ເອດິນສັນ ຄາວານີ ຫຼຸດດ່ຽວໄປຍິງ ແຕ່ບານຫຼຸດເສົາອອກໄປ.

ຫຼັງຈາກນັ້ນ ນາທີໆ 9 ຍັງເປັນທີມຢາມບຸກໄດ້ດີກວ່າ ມາໂກ ແວຣັດຕິ ສົ່ງບານໃຫ້ ຢູລຽນ ດຣັກເລີ ລາກຜ່ານຕົວປະກົບແລ້ວ ຍິງດ້ວຍຂວາ ແຕ່ ເບີນົວ ກອສຕິລ ຜູ້ຮັກສາປະຕູ ແຮນສ໌ ປັດອອກໄປໄດ້.

ຜ່ານມາເຖິງ ນາທີໆ 13 ແຊັມເກົ່າ ເດີນເກມບຸກຢ່າງຕໍ່ເນື່ອງ ແບລັດ ມາຕຸຍດີ້ ຫາຊ່ອງວ່າງ ຍິງໄກຈາກໄລຍະ 25 ແມັດ ບານເຂົ້າກອບແຕ່ ເບີນົວ ກອສຕິລ ຍັງບໍ່ພາດ.

ກ່ອນໝົດເຄິ່ງເວລາທຳອິດ ນາທີໆ 39 ເປແອສເຊ ມາໄດ້ປະຕູຂຶ້ນນຳ 1-0 ຕິອາໂກ ມອດຕາ ຜ່ານບານມາໃຫ້ ມາໂກ ແວຣັດຕິ ທີ່ເຕິມຂຶ້້ນມາໜ້າກອບເຂດໂທດຝັ່ງຂວາ ກ່ອນຈະ ໄຫຼ ບານມາໜ້າກອບເຂດໂທດ ຝັ່ງຊ້າຍ ໃຫ້ ດຣັກເລີ ທີ່ຢືນໂລ່ງໆ ຍິງລຽບພື້ນ ບຽດເສົາເຂົ້າໄປ ແລະ ເປັນປະຕູທຳອິດ ຂອງລາວ ໃນເວລາທີ ລີກເອິງ ຕັ້ງແຕ່ເລິ່ມລົງສະໜາມ ຈົບເຄິ່ງທຳອິດ ເປແອສເຊ ນຳ 1-0.

ເຄິ່ງຫຼັງ ນາທີໆ 69 ແຮນສ໌ ພະຍາຍາມບຸກ ແລະ ມີໂອກາດຈາກຈັງຫວະທີ່ ໂຢຮັນ ກຣຸກກຸຟ ຜ່ານບານມາໃຫ້ ຄາມິລ ໂກຣຊິກກີ້ ປາດເຂົ້າກາງ ເວສເລ ຊາອິດ ໄດ້ຍິງແຕ່ບໍ່ຜ່ານ ເຄວິນ ທຣັບ.

ຊ່ວງທ້າຍເກມ ນາທີໆ 90 ຫຼັງຈາກນັ້ນ ທີມຢາມເນັ້ນເກມຮັບແບບຮັດກຸມ ຈົບເກມ ເປແອສເຊ ບຸກມາເອົາ 3 ແຕ້ມໄດ້ຕາມເປົ້າ ຊະນະ ແຮນສ໌ 1-0.

%d bloggers like this: