ດີພໍນໍາຕໍ່! ນິຊ ນໍາກ່ອນ 2​ ປະຕູແຕ່ຖືກ ປາຣີ ໄລ່ຈ້າວ 2-2 ບິກແມັດລີກເອິງ

ການແຂ່ງຂັນບານເຕະ ລີກເອິງ ຝຣັ່ງ ເມື່ອວັນທີ 11 ທັນວາທີ່ຜ່ານມາ ຄູ່ບິກແມັດລະຫວ່າງ ປາຣີ ແຊກແຊງແມງ ແຊັມເກົ່າເປີດບ້ານຮັບການມາຢາມຂອງ ນິຊ ທີມນໍາຕາຕະລາງທີ່ກໍາລັງມາແຮງສຸດໆ ໂດຍເຈົ້າບ້ານຈັດເຕັມຊຸດວາງ ເອດິນສັນ ຄາວານີ ຢືນໜ້າເປົ້າ ສ່ວນ ທີມຢາມວາງ ອາລັສເຊັນ ແພລ ຢືນໜ້າເປົ້າ ຂະນະທີ່ ມາຣິໂອ ບາໂລເຕລລີ ກອງໜ້າຂວັນໃຈແຟນບານຂອງສະໂມສອນ ນິຊ ຫາຍເຈັບກັບມາແຕ່ນັ່ງເປັນຕົວສໍາຮອງ.

ປະກົດວ່າ: ນິຊ ໄດ້ປະຕູຂຶ້ນນໍາ 2-0 ຈາກການຍິງຂອງ ມາລັງ ໄຊທ໌ ນາທີໆ 11 ແລະ ອາລັສເຊັນ ແພລ ນາທີໆ 45 ແຕ່ຫຼັງຈາກນັ້ນ ພຽງນາທີດຽວ ຄາວານີ ມາຍິງປະຕູໃຫ້ເຈົ້າບ້ານນໄລ່ຂຶ້ນມາເປັນ 1-2. ຖັດມາ ຄົນເກົ່າເຈົ້າເດີມຢ່າງ ຄາວານີ ມາຍິງປະຕູຕີສະເໝີໃຫ້ກັບ ປາຣີ ໄລ່ມາເປັນ 2-2 ໃນນາທີໆ 60 ສ່ວນໄລຍະເວລາທີ່ເຫຼືອເຮັດຫຍັງກັນບໍ່ໄດ້ຈົບເກມສະເໝີກັນ 2-2 ແບ່ງໄປທີມລະ 1 ຄະແນນ.

ຄາວານີ (ຖືໝາກບານ) ເໝົາ 2 ປະຕູຊ່ວຍໃຫ້ ປາຣີ ໄລ່ຕີສະເໝີ​ 2-2 (ຮູບຈາກ: AP)

ສົ່ງຜົນໃຫ້ ນິຊ ເກັບເພີ່ມເປັນ 40 ຄະແນນຢຶດທີມນໍາຕໍ່ໄປ ໂດຍມີໂມນາໂກ ໄລ່ຈີ້ມາພຽງ 1 ຄະແນນ ສ່ວນ ປາຣີ ເກັບເພີ່ມເປັນ 36 ຄະແນນຢູ່ທີ 3 ຂອງຕາຕະລາງ.

ສ່ວນການແຂ່ງຂັນຂອງຄູ່ອື່ນໆປະຈໍາວັນດັ່ງກ່າວ

ໂອແລັມປິກ ລີຢົງ 1-0 ແຣນ

ແຊງເອຕຽນ 1-0 ແກ໊ງກ໊ອງ

%d bloggers like this: