7 ປະເທດ ລົງນາມຮ່ວມກັນປົກປ້ອງປ່າອະເມຊອນ

ຜູ້ນຳ ແລະ ຕາງໜ້າລະດັບສູງ ຈາກ 7 ປະເທດ ເຊິ່ງມີເຂດແດນອ້ອມຮອບເຂດປ່າອະເມຊອນ ເຂົ້າປະຊຸມຮ່ວມກັນທີ່ປະເທດໂຄລົມບີ ແລະ ບັນລຸຂໍ້ຕົກລົງເບື້ອງຕົ້ນ ໃນການຮ່ວມມືກັນປົກປ້ອງປ່າຂະໜາດໃຫຍ່ທີ່ສຸດຂອງໂລກແຫ່ງນີ້ ເຊິ່ງໃນປີນີ້ໄດ້ຜະເຊີນກັບໄຟໄໝ້ຢ່າງຮຸນແຮງເປັນປະຫວັດການ.

ສຳນັກຂ່າວຕ່າງປະເທດລາຍງານຈາກເມືອງເລຕິເຊຍ ປະເທດໂຄລົມບີ ເມື່ອວັນສຸກ ທີ 6 ກັນຍາ ວ່າ ປະເທດໂຄລົມບີ, ເປຣູ, ໂບລິເວຍ, ເອກວາດໍ, ກາຍອານາ, ຊູຣິນາມ ແລະ ບຣາຊິລ ຮ່ວມກັນລົງນາມໃນຂໍ້ຕົກລົງຈັດຕັ້ງພັນທະມິດປົກປ້ອງປ່າອະເມຊອນ ທີ່ເມືອງເລຕິເຊຍ ທາງພາກພາກໃຕ້ ຂອງປະເທດໂຄລົມບີ ເມື່ອວັນສຸກ ໂດຍເມືອງລາຕິເຊຍເປັນໜຶ່ງໃນເມືອງຂອງປະເທດໂຄລົມບີ ທີ່ອ້ອມຮອບໄປດ້ວຍປ່າອະເມຊອນ ຈຶ່ງມີຜູ້ຕາງໜ້າຂອງຊົນເຜົ່າທີ່ອາໄສຢູ່ໃນພື້ນທີ່ເຂົ້າຮ່ວມສັງເກດການ ພ້ອມທັງແລກປ່ຽນຄຳຄິດເຫັນໃນແຕ່ລະປະເດັນດ້ວຍ.

ในภาพอาจจะมี 4 คน, ผู้คนกำลังนั่ง

ในภาพอาจจะมี ต้นพืช, ต้นไม้, สถานที่กลางแจ้ง และธรรมชาติ

ທັງນີ້ ປະທານາທິບໍດີໂຄລົມບີ, ເປຣູ, ໂບລິເວຍ, ກາຍອານາ ແລະ ເອກວາດໍ ເຂົ້າຮ່ວມກອງປະຊຸມດ້ວຍຕົນເອງ ສ່ວນປະເທດຊູຣິນາມ ສົ່ງຮອງປະທານາທິບໍດີເດີນທາງມາແທນ ແລະ ທ່ານເອີເນຍໂຕ ອາໂຣ ລັດຖະມົນຕີກະຊວງການຕ່າງປະເທດບຣາຊິລ ເດີນທາງມາ ໃນຖານະທີ່ເປັນຕົວແທນຂອງປະທານາທິບໍດີຊາອີ ໂບລໂຊນາໂຣ ທີ່ເຂົ້າຮ່ວມການປະຊຸມຄັ້ງນີ້ ຜ່ານລະບົບວິດິໂອຄອລແທນ ເນື່ອງຈາກຕ້ອງກຽມສະພາບຮ່າງກາຍກ່ອນທີ່ຈະໄດ້ຮັບການຜ່າຕັດລຳໄສ້ ໃນອາທິດໜ້າ ໂດຍບຣາຊິລເປັນປະເທດທີ່ມີເນື້້ອທີ່ຄວບຄຸມເອົາປ່າອະເມຊອນກວ້າງທີ່ສຸດ 60% ເຊິ່ງປ່າມີເນື້ອທີ່ 5,5 ລ້ານຕາລາງກິໂລຕາແມັດ ແລະ ໄຟປ່າອະເມຊອນ ໃນບຣາຊິລ ຕັ້ງແຕ່ຕົ້ນປີນີ້ ເກີດຂື້ນຫຼາຍກວ່າ 95.500 ຈຸດ ເພີ່ມຂື້ນ 59% ເມື່ອທຽບໃສ່ໄລຍະດຽວກັນຂອງປີຜ່ານມາ ຂະນະທີ່ສະຖານະການໃນໂບລິເວຍ ແລະ ເປຣູ ກໍ່ຮ້າຍແຮງບໍ່ຕ່າງກັນ.

ในภาพอาจจะมี 6 คน, ผู้คนกำลังยืน, สถานที่กลางแจ้ง และธรรมชาติ

ในภาพอาจจะมี หนึ่งคนขึ้นไป, ท้องฟ้า, เด็ก, สถานที่กลางแจ้ง และธรรมชาติ

ໃນຄວາມເປັນຈິງແລ້ວ ບັນດາປະເທດທີ່ມີເນື້້ອທີ່ປະເທດຄວບຄຸມປ່າອະເມຊອນ ພະຍາຍາມປົກປັກຮັກສາປ່າດົງດິບຊຸ່ມຊື່ນຂະໜາດໃຫຍ່ທີ່ສຸດຂອງໂລກແຫ່ງນີ້ ຮ່ວມກັນຕັ້ງແຕ່ປີ 1978 ແຕ່ຄວາມພະຍາຍາມດັ່ງກ່າວບໍ່ມີປະສິດທິຜົນຫຼາຍໃນທາງປະຕິບັດ ໂດຍອຸປະສັກຕົ້ນຕໍແມ່ນຂາດການລົງພື້ນທີ່ກວດກາຢ່າງຈິງຈັງຂອງໜ່ວຍງານທີ່ກ່ຽວຂ້ອງ ສົ່ງຜົນໃຫ້ຍັງມີການຖ່າງປ່າ ແລະ ການຕັດໄມ້ຢ່າງຕໍ່ເນື່ອງ ຂະນະທີ່ການປ່ຽນແປງຂອງສະພາບອາກາດທົ່ວໂລກເຊິ່ງຮຸນແຮງຂຶ້ນ ໃນທົດສະວັດທີ່ຜ່ານມາ ຍິ່ງເຮັດໃຫ້ສະຖານະການຍິ່ງຮ້າຍແຮງຂຶ້ນ. ຂະນະທີ່ປະທານາທິບໍດີອີວານ ດູເກ ຜູ້ນຳປະເທດໂຄລົມບີ ເຊິ່ງເປັນເຈົ້າພາບຈັດກອງປະຊຸມຄັ້ງນີ້  ກ່າວວ່າ ຈະນຳຜົນການຫາລືກັນລວມເຖິງການແປ່ງປັນຂໍ້ມູນ ແະ ເພີ່ມຄວາມຮ່ວມມືຂ້າມຊາຍແດນ ໃນການມອດໄຟປ່າອະເມຊອນ ໄປຕໍ່ຍອດໃນການປະຊຸມສະມັດຊາໃຫຍ່ສະຫະປະຊາຊາດ (UNGA) ທີ່ນະຄອນນິວຢອກ ໃນທ້າຍເດືອນນີ້ດ້ວຍ.

ในภาพอาจจะมี 3 คน, สถานที่กลางแจ้ง

ในภาพอาจจะมี 11 คน, คนที่ยิ้ม, ผู้คนกำลังยืน และสถานที่กลางแจ้ง

%d bloggers like this: