ອົງການອະວະກາດອິນເດຍ ຂາດການຕິດຕໍ່ຍານສຳຫຼວດ ‘ຈັນທຣາຍານ-2’ ກ່ອນລົງຈອດເທິງດວງຈັນ

ອົງການອະວະກາດອິນເດຍຍອມຮັບວ່າ ບໍ່ສາມາດຕິດຕໍ່ກັບຍານສຳຫຼວດ “ຈັນທຣາຍານ-2” ໃນໄລຍະສຸດທ້າຍກ່ອນສ້າງປະຫວັດສາດເປັນຍານສຳຫຼວດດວງຈັນລໍາທີ 2 ຂອງປະເທດ ທີ່ສາມາດລົງຈອດຢູ່ເທິງດວງຈັນໄດ້ສຳເລັດ ຫຼັງຈາກເດີນທາງອອກຈາກໂລກ ເມື່ອທ້າຍເດືອນກໍລະກົດ ຜ່ານມາ.

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນເສົາ ທີ 7 ກັນຍາ ວ່າ ທ່ານສິວັນ ໄກລະສະວາດິວູ (Kailasavadivoo Sivan ) ປະທານອົງການຄົ້ນຄວ້າອະວະກາດອິນເດຍ (ISRO: Indian Space Research Organization) ກ່າວໃນຕອນເຊົ້າຂອງວັນເສົາ ຕາມເວລາທ້ອງຖິ່ນ ວ່າ ຕາມກຳນົດການສົ່ງສັນຍານສຳຫຼວດດວງຈັນ “ຈັນທຣາຍານ-2 (Chandrayaan-2)” ຕ້ອງລົງຈອດຢູ່ບໍລິເວນຂົ້ວໃຕ້ຂອງດວງຈັນ ຄືເວລາ 01:55 ໂມງ ຕາມເວລາທ້ອງຖິ່ນ ໃນວັນເສົາ (ກົງກັບ 01:25 ໂມງ ຕາມເວລາໃນປະເທດລາວ). ຢ່າງໃດກໍ່ຕາມ ສູນປະຕິບັດການທາງຖານປະຕິບັດການທີ່ຢູ່ພື້ນໂລກ ບໍ່ສາມາດຕິດຕໍ່ກັບຍານໄດ້ ໃນໄລຍະ 2,1 ກິໂລແມັດສຸດທ້າຍ ກ່ອນທີ່ຍານຈະລົງຈອດຢູ່ເທິງດວງຈັນ ເຊິ່ງທາງ ໄອເອັສອາໂອ ວິເຄາະວ່າ ໄລຍະ 15 ນາທີສຸດທ້າຍ ກ່ອນການລົງຈອດສຳຜັດກັບພື້ນດວງຈັນຂອງຈັນທຣາຍານ-2 ຄື ”ໄລຍະເວລາທີ່ສຳຄັນທີ່ສຸດ”.

ในภาพอาจจะมี 1 คน, กำลังยิ้ม, กำลังยืน

ในภาพอาจจะมี 4 คน

ຂະນະທີ່ ທ່ານໄກລະສະວັດດິວູ ກ່າວວ່າ ເຈົ້າໜ້າທີ່ໃນຖານປະຕິບັດການໃນໂລກທຸກຄົນກໍາລັງເຮັດວຽກຮ່ວມກັນວິເຄາະສະຖານະການທີ່ເກີດຂຶ້ນ ໂດຍອີງໃສ່ “ຂໍ້ມູນສຸດທ້າຍ” ທີ່ມີຢູ່ສຳລັບພາລະກິດ ຈັນທຣາຍານ-2 ທີ່ຕັ້ງຢູ່ພາຍໃນສູນອະວະກາດ ໃນເມືອງບັງຄາລໍ ເຊິ່ງເປັນເມືອງໃຫຍ່ ທີ່ສຸດຂອງລັດຄານາຕາກາ ເມືອງແຄມຝັ່ງທາງພາກຕາເວັນຕົກສຽງໃຕ້ຂອງປະເທດ ດ້ານທ່ານນາຍົກລັດຖະມົນຕີນະເຣນທຣາ ໂມດີ ທີ່ເດີນທາງມາຖານປະຕິບັດການຂອງ ໄອເອັສອາໂອ ດ້ວຍຄວາມກັງວົນ ແລະ ເຄັ່ງຕຶງທີ່ສະແດງອອກຢ່າງຊັດເຈນ ແຕ່ກ່າວໃຫ້ກໍາລັງໃຈເຈົ້າໜ້າທີ່ທຸກຄົນວ່າ ຄວາມພະຍາຍາມຢ່າງສຸດຄວາມສາມາດຂອງທຸກຝ່າຍຕໍ່ໂຄງການໄອເອັສອາໂອ “ບໍ່ແມ່ນເລື່ອງເລັກນ້ອຍ” ແລະ ບໍ່ຖືເປັນ “ຄວາມຜິດພາດ” ແຕ່ເປັນ “ບາດກ້າວທີສອງ ອັນຍິ່ງໃຫຍ່” ເຊິ່ງຈະນຳໄປສູ່ການພັດທະນາໂຄງການອະວະກາດຂອງປະເທດຕໍ່ໄປ.

ในภาพอาจจะมี 4 คน

ในภาพอาจจะมี 19 คน, ผู้คนกำลังยืน

ທັງນີ້ ຍານສຳຫຼວດ ຈັນທຣາຍານ-2 ທີ່ອອກເດີນທາງຈາກໂລກ ເມື່ອວັນທີ 22 ກໍລະກົດ ຜ່ານມາ ຊ້າກວ່າກຳນົດເກົ່າໜຶ່ງອາທິດ ຖືເປັນຍານສຳຫຼວດດວງຈັນທີ່ອິນເດຍອອກແບບ ແລະ ຜະລິດຂຶ້ນມາເອງ ເປັນລຳທີ 2 ດ້ວຍງົບປະມານ 140 ລ້ານໂດລາ(ປະມານ 1,2 ພັນຕື້ກີບ) ຕໍ່ຈາກຍານສຳຫຼວດ ຈັນທຣາຍານ-1 ເຊິ່ງເປັນພາສາສັນສະກິດທີ່ມີຄວາມໝາຍໂດຍກົງວ່າ ຍານສຳຫຼວດດວງຈັນ ແລະ ອອກເດີນທາງຈາກໂລກ ເມື່ອເດືອນຕຸລາ ປີ 2008 ກ່ອນທີ່ຈະລົງຈອດຢູ່ພື້ນຜິວດວງຈັນໃນອີກ 1 ເດືອນຕໍ່ມາ ສ້າງປະຫວັດສາດໃຫ້ປະເທດອິນເດຍ ເປັນປະເທດ ທີ 4 ຂອງໂລກ ທີ່ສາມາດສົ່ງຍານສຳຫຼວດໄປລົງຈອດເທິງດວງຈັນໄດ້ສຳເລັດ ຕໍ່ຈາກອາເມຣິກາ, ສະຫະພາບໂຊວຽດ ແລະ ຈີນ. ນອກຈາກນັ້ນ, ຍັງເປັນການວາງຮາກຖານໃຫ້ແກ່ອິນເດຍ ໃນການເປັນອີກປະເທດໜຶ່ງທີ່ເຂົ້າໄປສູ່ການແຂ່ງຂັນດ້ານອະວະກາດ ໃນການເດີນທາງໄປດາວອັງຄານ ແລະ ສຳຫຼວດດາວເຄາະນ້ອຍອື່ນໆ ພ້ອມທັງໂຄງການສົ່ງນັກບິນອາວະກາດດ້ວຍຕົນເອງ ເຊິ່ງອິນເດຍໄດ້ຕັ້ງເປົ້າໝາຍໄວ້ ພາຍໃນປີ 2022.

ไม่มีคำอธิบายรูปภาพ

ในภาพอาจจะมี กลางคืน และท้องฟ้า

%d bloggers like this: