ພະນັກງານພາຍໃນ ເມືອງຕົ້ນເຜິ້ງ ຮ່ວມແຮງ ສ້ອມແປງເສັ້ນທາງ ປະຕູໂຂງເຂົ້າເມືອງ

ວັນທີ 16 ສິງຫາ 2019 ນີ້ ພະນັກຫຼັກແຫຼ່ງອ້ອມຂ້າງເມືອງຕົ້ນເຜິ້ງ ໄດ້ຮ່ວມໃຈກັນສ້າງຂະບວນການອອກແຮງງານອະນາໄມຖາງຫຍ້າ, ບົວລະບັດໜານດອນໄມ້ປະດັບຕູໂຂງ ແລະ ປັບປຸງເສັ້ນທາງທີ່ເປ່ເພ ບໍລິເວນປະຕູໂຂງທາງເຂົ້າເທດສະບານເມືອງຕົ້ນເຜິ້ງ ດ້ວຍບັນຍາກາດອັນຄຶກຄື້ນ, ມີຄວາມສາມັກຄີພ້ອມພຽງກັນ.

ທັງນີ້ກໍ່ເພື່ອເຮັດໃຫ້ເສັ້ນທາງເຂົ້າເທດສະບານເມືອງສາມາດນໍາໃຊ້ໄດ້ຍາວນານ, ມີຄວາມຈົບງາມ, ການສັນຈອນໄປມາສະດວກສະບາຍ, ເພື່ອຫຼີກລ່ຽງບັນຫາອຸປະຕິເຫດຕາມທ້ອງຖະໜົນ, ທັງເປັນການຄໍານັບຊົມເຊີຍບັນດາວັນສໍາຄັນຂອງຊາດ-ພັກ ເປັນຕົ້ນ ວັນສ້າງຕັ້ງແນວລາວສ້າງຊາດ – ວັນສື່ມວນຊົນ ແລະ ຈັດພິມຈໍາໜ່າຍແຫ່ງຊາດ ຄົບຮອບ 69 ປີ, ວັນລັດຖະທໍາມະນູນແຫ່ງ ສປປ ລາວ ຄົບຮອບ 28 ປີ ແລະ ວັນຍຶດອໍານາດທົ່ວປະເທດຄົບຮອບ 74 ປີ, ທັງເປັນການຄໍານັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກອີກດ້ວຍ.


ພາບ-ຂ່າວ: ອຸໄທ ພູມມາ.

%d bloggers like this: