ຂົນສົ່ງສິນຄ້າທາງລົດໄຟຂອງຈີນ ເຊື່ອມຕໍ່ເອີຣົບ – ອາຊີກາງ ເຕີບໂຕເກືອບ 6 ເທົ່າ

ການບໍລິການລົດໄຟຂົນສົ່ງສິນຄ້າຈີນ – ເອີຣົບ ເປີດເສັ້ນທາງໃໝ່ ເຊື່ອມຕໍ່ນະຄອນຈີ່ໜານ ມົນທົນຊານຕົງ ທາງພາກຕາເວັນອອກ ຂອງຈີນ ແລະ ນະຄອນຫຼວງບູດາເປສ ປະເທດຮັງກາຣີ.

ສໍານັກງານໂຍທາ ແລະ ຂົນສົ່ງ ແຫ່ງນະຄອນຈີ່ໜານ ກ່າວວ່າ ເສັ້ນທາງລົດໄຟດັ່ງກ່າວເປັນທາງລົດໄຟຂົນສົ່ງສິນຄ້າ ສາຍທີ 5 ຂອງເມືອງ ແລະ ປະຈຸບັນເມືອງຈີ່ໜານສາມາດສົ່ງສິນຄ້າອອກໄປ 12 ປະເທດ ໃນທະວີບເອີຣົບ ແລະ ອາຊີກາງ.

ໄລຍະເຄິ່ງປີທຳອິດ ຜ່ານມາ ລົດໄຟຂົນສົ່ງສິນຄ້າເດີນທາງຈາກຈີ່ໜານ ໄປເອີຣົບ ແລະ ອາຊີກາງ ລວມທັງໝົດ 81 ຖ້ຽວ ເຊິ່ງເພິ່ມຂຶ້ນຈາກປີກ່ອນ ເກືອບ 6 ເທົ່າ ຂົນສົ່ງສິນຄ້າ 65 ພັນໂຕ້ນ ຄິດເປັນມູນຄ່າ ປະມານ 155 ລ້ານໂດລາ (ປະມານ 1,35 ພັນຕື້ກີບ).

ທັງນີ້ ເມືອງຈີ່ໜານ ກຽມຈະເພິ່ມຖ້ຽວລົດໄຟ ແລະ ວາງແຜນເປີດເສັ້ນທາງໄປປະເທດໂປໂລຍ ແລະ ເຢຍລະມັນ ຕື່ມອີກໃນອະນາຄົດ.

ອີກປະການໜຶ່ງ ການບໍລິການລົດໄຟຂົນສົ່ງຈີນ – ເອີຣົບ ເປັນພາກສ່ວນທີ່ສຳຄັນຂອງແຜນການ ໜຶ່ງແລວໜຶ່ງເສັ້ນທາງ (BRI: Belt and Road Initiative) ຂອງປະເທດຈີນ ທີ່ໄດ້ເລີ່ມຕົ້ນ ເມື່ອປີ 2011 ເປັນຕົ້ນມາ ແລະ ເຕີບໃຫຍ່ຂະຫຍາຍຕົວຢ່າງວ່ອງໄວມາໂດຍຕະຫຼອດ.

%d bloggers like this: