ປູແປ້ງ ຈັນທິດາ ຂໍໂຊຄວາມສາມາດໃນ ມິສຢູນິເວີຣສລາວ 2019

ເປັນເວທີທີສອງຂອງການປະກວດ ສໍາລັບ ປູແປ້ງ ຈັນທິດາ ພົມດວງດີ ຫຼັງຈາກທີ່ຜ່ານເວທີທໍາອິດໃນການປະກວດ ມິສອິນເຕີເນຊັນແນສ 2018 ເຂົ້າຮອບ 20 ຄົນ ແລະ ປີນີ້ຂໍມາປະກວດອີກໜຶ່ງເວທີ ເພື່ອໂຊຄວາມສາມາດ ແລະ ບຸກຄະລິກກະພາບໃນເວທີປະກວດ ມິສຢູນິເວີຣສລາວ 2019 ອີກ ໝາຍເລກ MUL 11.

ປູແປ້ງ ອາຍຸ 22 ປີ ສັດສ່ວນ 36 27 36 ກຳລັງຈົບການສຶກສາ ທີ່ ມະຫາວິທະຍາໄລແຫ່ງຊາດ ຄະນະ ວິທະຍາສາດ ສິ່ງແວດລ້ອມ (ປະລິນຍາຕີ) ປັດຈຸບັນ ຢູ່ບ້ານຈອມເພັດໃຕ້ ມ. ສີສັດຕະນາກ ກຳລັງກຽມສອບເສັງເຂົ້າສັງກັດລັດ ທີ່ກ່ຽວກັບວິຊາຮຽນທີ່ຕົນເອງໄດ້ຮຽນມາ.

ປູແປ້ງໄດ້ບອກກັບທີມຂ່າວ ເສດຖະກິດການຄ້າວ່າ: ສຳລັບເວທີນີ້ ນ້ອງກໍຄາດຫວັງຫຼາຍຄືກັບຄົນອື່ນໆ ເພາະເປັນເວທີລະດັບໂລກ, ທີ່ມີ 30 ນາງສາວງາມມາແຂ່ງຂັນ ສະແດງຄວາມສາມາດ ແລະ ພິບໄຫວທາງດ້ານຕ່າງໆ ເປັນສິ່ງທີ່ທ້າທາຍຫຼາຍສຳລັບນ້ອງ ເພາະເພິ່ນຈະເລືອກເອົາ 1 ດຽວເທົ່ານັ້ນທີ່ຈະຄອບຄອງຕຳແໜ່ງ ແລະ ມົງກຸດ ມີສຢູນີເວີສໄດ້

ນ້ອງຄິດວ່າ ທຸກຄົນມີດີ ແລະ ມີຄວາມສາມາດທີ່ຫຼາກຫຼາຍ ແຕກຕ່າງກັນໝົດ..ແຕ່ສຳລັບນ້ອງ ນ້ອງກໍມີດີໃນແບບຂອງນ້ອງເຊັ່ນດຽວກັນ ເພາະນ້ອງມີຄວາມຕັ້ງໃຈຫຼາຍ ແລະ ເຝິກຝົນທັກສະທາງດ້ານຕ່າງໆມາກຽມພ້ອມເພື່ອເວທີນີ້ເລີຍ, ນ້ອງເປັນຄົນໜຶ່ງທີ່ຮັກໃນການທ່ອງທ່ຽວທຳມະຊາດ ແລະ ກໍກຳລັງຈົບການສຶກສາຢູ່ ມະຫາວິທະຍາໄລແຫ່ງຊາດ ຄະນະ ວິທະຍາສາດສີ່ງແວດລ້ອມ ປະລິນຍາຕີ ແລະ ຖ້ານ້ອງໄດ້ມີໂອກາດ ນ້ອງກໍຢາກປຸກລະດົມໃຫ້ທຸກຄົນປົກປັກຮັກສາສີ່ງແວດລ້ອມ ແລະ ປະເທດເຮົາກໍມີແຫຼ່ງທ່ອງທ່ຽວທຳມະຊາດທີ່ສວຍງາມຫຼາຍແຫ່ງ.

ປັດຈຸບັນບັນຫາສີ່ງແວດລ້ອມແມ່ນສຳຄັນທີ່ສຸດ ແລະ ປະເທດລາວຂອງເຮົາກໍເປັນປະເທດໜຶ່ງທີ່ໜ້າທ່ອງທ່ຽວຫຼາຍ ເພາະມີອາກາດບໍລິສຸດ ແລະ ມີທຳມະຊາດທີ່ຂຽວງາມ ແລະ ຈື່ງຢາກໃຫ້ຊ່ວຍກັນປົກປັກຮັກສາໄວ້ໃຫ້ຄົງເດີມ ເພື່ອໃຫ້ປະເທດລາວເປັນປະເທດທີ່ໜ້າທ່ອງທ່ຽວ ແລະ ໜ້າຢູ່ທີ່ສຸດ ຊ່ວຍກັນເຊີນຊວນ ໃຫ້ແຂກຕ່າງດ້າວຊາວຕ່າງແດນໃຫ້ມາທ່ຽວລາວຫຼາຍໆ.

%d bloggers like this: