ນັກວິທະຍາສາດຈີນ ຮຽກຮ້ອງໃຫ້ໂອກາດ ແມ່ຍິງ ມີສ່ວນຮ່ວມດ້ານວິທະຍາສາດ ແລະ ການວິໄຈ

ສໍານັກຂ່າວໄຊນາ ໄດລີ (China Daily) ລາຍງານ ເມື່ອວັນຈັນ ທີ 12 ສິງຫາ ວ່າ ຄະນະນັກວິທະຍາສາດຈີນຮຽກຮ້ອງໃຫ້ມີການຊຸກຍູ້ບົດບາດຂອງແມ່ຍິງ ໃນດ້ານວິທະຍາສາດພື້ນຖານ (Basic Science) ໃຫ້ຫຼາຍຂຶ້ນ ໂດຍສະເພາະຢ່າງຍິ່ງໃນສາຂາວິຊາຄະນິດສາດ.

ໃນການສົນທະນາຫົວຂໍ້ “ແມ່ຍິງ ກັບ ຄະນິດສາດ (Women and Mathematics)” ເຊິ່ງໄດ້ຈັດຂຶ້ນຢູ່ນະຄອນຫຼວງປັກກິ່ງ ເມື່ອວັນອາທິດ ວັນທີ 11 ສິງຫາ ຜ່ານມາ ໂດຍບັນດານັກວິທະຍາສາດ ລະບຸວ່າ ການຊຸກຍູ້ໃຫ້ແມ່ຍິງມີສ່ວນຮ່ວມໃນການຄົ້ນຄວ້າວິໄຈຂັ້ນພື້ນຖານໃຫ້ຫຼາຍຂຶ້ນ ຈະສາມາດຊ່ວຍພັດທະນາການສຶກສາຄົ້ນຄວ້າດ້ານວິທະຍາສາດ ແລະ ການວິໄຈທາງວິທະຍາສາດໄດ້.

ในภาพอาจจะมี หนึ่งคนขึ้นไป และผู้คนกำลังยืน

ທ່ານນາງສະວີຜິງ ເລຂາທິການສະມາຄົມແມ່ຍິງ ເພື່ອວິທະຍາສາດ ແລະ ເຕັກໂນໂລຢີຂອງຈີນ (Women’s Association for Science and Technology) ລະບຸວ່າ ຊັບພະຍາກອນມະນຸດໃນອຸດສະຫະກຳວິທະຍາສາດ ແລະ ເຕັກໂນໂລຢີຂອງຈີນ ມີແມ່ຍິງ 40% ເຊິ່ງເທົ່າກັບອີກຫຼາຍປະເທດ ແຕ່ວ່າແມ່ຍິງຜູ້ທີ່ມີບົດບາດຕົວຈິງ ໃນການວິໄຈທາງວິທະຍາສາດທີ່ກ້າວໜ້າ ແລະ ທັນສະໄໝ ມີສ່ວນໃນການຕັດສິນໃຈນັ້ນ ຍັງເປັນອັດຕາສ່ວນທີ່ໜ້ອຍຫຼາຍ.

ในภาพอาจจะมี หนึ่งคนขึ้นไป และสถานที่ในร่ม

“ຕົວຢ່າງເຊັ່ນ ໃນສະມາຄົມຕ່າງໆ 210 ສະມາຄົມ ທີ່ເຂົ້າຮ່ວມສະມາຄົມແມ່ຍິງດັ່ງກ່າວ ມີສັດສ່ວນຂອງຜູ້ຍິງທີ່ເຮັດໜ້າທີ່ລະດັບຜູ້ອໍານວຍການ ຫຼື ສູງກວ່ານັ້ນ ພຽງ 7% ທ່ານນາງສະວີ ກ່າວວ່າ ແມ່ຍິງເປັນກໍາລັງສໍາຄັນທີ່ບໍ່ຄວນຖືກເບິ່ງຂ້າມ ຖ້າປະເທດຕ້ອງການເປັນມະຫາອຳນາດດ້ານວິທະຍາສາດ ແລະ ເຕັກໂນໂລຢີ.

ในภาพอาจจะมี 1 คน, กำลังนั่ง และสถานที่ในร่ม

ດ້ານທ່ານຫຼີ່ຊິນຊິນ ນັກວິໄຈຈາກສະຖາບັນວິທະຍາສາດຄະນິດສາດ ແລະ ວິທະຍາສາດລະບົບ (Academy of Mathematics and System Science) ກ່າວວ່າ ຈາກການສຳຫຼວດຂອງແມ່ຍິງ ຫຼາຍກວ່າ 6.000 ຄົນ ມີຜົນລັບຊີ້ໃຫ້ເຫັນວ່າ ແມ່ຍິງ 32% ຕ້ອງຜະເຊີນກັບການທີ່ຜູ້ຊາຍໄດ້ຮັບຄວາມສົນໃຈຫຼາຍກວ່າ ໃນການສະໝັກວຽກ.

“ນັ້ນໝາຍຄວາມວ່າ ລະບົບນະໂຍບາຍຍັງຕ້ອງໄດ້ຮັບການປັບປຸງ ເພື່ອຊຸກຍູ້ຄວາມສະເໝີພາບທາງສັງຄົມ” ທ່ານຫຼີ່ ກ່າວ.

%d bloggers like this: