ໄດ້ແລ້ວ 20 ຄົນສຸດທ້າຍໃນເວທີ Mister International Laos 2019

ສູນກາງຊາວໜຸ່ມປະຊາຊົນ ປະຕິວັດລາວ ຮ່ວມກັບ ບໍລິສັດ ສີສານ ອາສທິສ ເປີດຕົວຜູ້ເຂົ້າປະກວດ 20 ຄົນສຸດທ້າຍ ໃນໂຄງການ Mister International Laos 2019 ຂະນະທີ່ຮອບຕັດສິນຈະຈັດຂຶ້ນໃນວັນທີ 12 ຕຸລາ 2019.

ພິທີດັ່ງກ່າວໄດ້ຈັດຂຶ້ນໃນວັນທີ 10 ສິງຫາ 2019 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍມີ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວພ້ອມທັງເປັນປະທານ ແລະ ທີ່ປຶກສາກອງປະກວດ, ທ່ານ ນວນທອງ ສຸວັນວິໄຊ ຫົວໜ້າຫ້ອງການສູນກາງຊາວໜຸ່ມປະຊາຊົນ ປະຕິວັດລາວ ພ້ອມດ້ວຍບັນດາຜູ້ສະໜັບສະໜູນ, ສິລະປິນນັກຮ້ອງ ແລະ ນັກສະແດງເຂົ້າຮ່ວມ.

ທ່ານ ນວນທອງ ສຸວັນວິໄຊ ໄດ້ກ່າວວ່າ: ປີນີ້ເປັນປີທໍາອິດທີ່ໄດ້ຈັດກອງປະກວດ Mister International Laos 2019 ໂດຍໄດ້ຄັດເລືອກເອົາຊາຍໜຸ່ມທົ່ວປະເທດຮ່ວມປະກວດ ແລະ ສົ່ງຕໍ່ໄປປະກວດໃນເວທີສາກົນ. ເວທີນີ້ຈະເປັນການຄັດເລືອກເອົາຊາຍໜຸ່ມທີ່ໜ້າຕາດີ, ຮູບຮ່າງງາມ, ມີຄວາມສາມາດ, ບຸກຄະລິກກະພາບດີ, ກິລິຍາມາລະຍາດ ແລະ ມີທັກສະ ເພື່ອເປັນການຍົກລະດັບຊາຍໜຸ່ມຂອງລາວເຮົາທຽບເທົ່າກັບສາກົນ. ນອກຈາກນີ້, ຍັງເປັນການແລກປ່ຽນ ແລະ ຮຽນຮູ້ທາງດ້ານວັດທະນະທໍາ ເຊິ່ງໃນການເກັບໂຕໃນໄລຍະຜ່ານມາກໍໄດ້ມີກິດຈະກໍາຫຼາຍໆຢ່າງ ແລະ ສອນທັກສະຕ່າງໆທີ່ກ່ຽວຂ້ອງຮ່ວມນໍາ.

ໂຄງການປະກວດ Mister international laos 2019 ແມ່ນເລີ່ມແຕ່ວັນທີ 8 ມິຖຸນາ ເປັນຕົ້ນມາ ຕົກມາຮອດວັນທີ 10 ສິງຫາຜ່ານມາ ກໍໄດ້ມີການເຜີຍລາຍຊື່ຜູ້ຜ່ານເຂົ້າຮອບ 20 ຄົນສຸດທ້າຍ ດັ່ງນີ້:

MR01 ທ້າວ ອາລິ ສຸລິພອນ ຈາກແຂວງ ຫຼວງພະບາງ.

MR02 ທ້າວ ວຽງແກ້ວ ໃຈທີວົງ ຈາກແຂວງຜົ້ງສາລີ.

MR03 ທ້າວ ທະນູພົນ ໄຊຖາວອນ     ນະຄອນຫຼວງວຽງຈັນ.

MR04 ທ້າວ ເດດອາລຸນ ລັດຕະນາ   ນະຄອນຫຼວງວຽງຈັນ.

MR05 ທ້າວ ຈິດຕະກອນ ພົມພິທັກ ຈາກແຂວງວຽງຈັນ.

MR06 ທ້າວ ອານັນດາ ພະສະຫວັດ ຈາກແຂວງສະຫວັນນະເຂດ.

MR07 ທ້າວ ວິລະສັນ ທິບພະວົງພັນ ຈາກແຂວງວຽງຈັນ.

MR08 ທ້າວ ກິ່ງທອງ ໄຊຍະວົງ ຈາກແຂວງບໍ່ແກ້ວ.

MR09 ທ້າວ ຖາວອນ ຈັນທະວົງ ນະຄອນຫຼວງວຽງຈັນ.

MR10 ທ້າວ ຈອນທະຈັກ ນວນແສງສີ ນະຄອນຫຼວງວຽງຈັນ.

MR11 ທ້າວ ວິໄຊ ສິນບັນດິດ ນະຄອນຫຼວງວຽງຈັນ.

MR12 ທ້າວ ວິໄລສັກ ໄຊຍະວົງສີ ຈາກແຂວງຈໍາປາສັກ.

MR13 ທ້າວ ແມັກກີ້ ສິງຫາລາດ ນະຄອນຫຼວງວຽງຈັນ.

MR14 ທ້າວ ສົມສຸກສະດີ ວົງພັນສີ     ນະຄອນຫຼວງວຽງຈັນ.

MR15 ທ້າວ ສຸກປະເສີດ ສຸດາວົງ         ນະຄອນຫຼວງວຽງຈັນ.

MR16 ທ້າວ ແກ້ວສຸພາ ແກ້ວພິລາ ຈາກແຂວງບໍ່ແກ້ວ.

MR17 ທ້າວ ບົວວອນ ບຸດສະດີ ນະ ຄອນຫຼວງວຽງຈັນ.

MR18 ທ້າວ ຖິ່ນ ພົມໄມ ຈາກແຂວງຊຽງຂວາງ.

MR19 ທ້າວ ພອນໄຊ ແກ້ວວົງກົດ ຈາກແຂວງຈໍາປາສັກ.

MR20 ທ້າວ ຕິ່ງ ລີ ນະຄອນຫຼວງວຽງຈັນ.

ທ້າວ ຈິດຕະກອນ ພົມພິທັກ MR05 ໃຫ້ສໍາພາດວ່າ: ເວທີນີ້ໄດ້ໃຫ້ປະສົບການໃນການເດີນແບບຫຼາຍຂຶ້ນ, ໄດ້ຮູ້ຈັກຜູ້ຄົນຫຼາຍຂຶ້ນ, ໄດ້ເຮັດກິດຈະກຳຕ່າງໆທີ່ນ້ອງບໍ່ເຄີຍເຮັດມາກ່ອນ, ໄດ້ແລກປ່ຽນຄວາມຮູ້ ແລະ ແນວຄິດຕ່າງໆຈາກໝູ່ທັງ 20 ຄົນ ເຊິ່ງເວທີນີ້ຄືການແຂ່ງຂັນແຕ່ເບິ່ງບໍ່ຄືການແຂ່ງຂັນເລີຍມັນຄືມິດຕະພາບຫຼາຍກວ່າ. ນອກນີ້, ຍັງມີກຳລັງໃຈຫັນມາຮັກສາສຸຂະພາບຫຼາຍກວ່າເກົ່າ ແລະ ເຮັດໃຫ້ນ້ອງຢາກພັດທະນາຕົນເອງຫຼາຍຂຶ້ນ ເພື່ອຈະໄດ້ກ້າວໄປສູ່ເວທີສາກົນ.

ຮ່ວມເຊຍ ແລະ ເປັນກໍາລັງໃຈໃຫ້ທັງ 20 ຄົນໃນມື້ຮອບຕັດສິນວັນທີ 12 ຕຸລາ 2019 ທີ່ໂຮງແຮມ ຄຣາວ ພລາຊາ ຫຼື ຕິດຕາມໄດ້ທາງເພຈ໌ເຟສບຸ໊ກ Mister International Laos ແລະ ໃນຕົ້ນເດືອນພະຈິກ ຈະສົ່ງຜູ້ທີ່ໄດ້ລາງວັນຊະນະເລີດໄປປະກວດຢູ່ຕ່າງປະເທດ.

( ຂ່າວ: ທິບອຸສາ )

%d bloggers like this: