ເບິ່ງມິສຢູນິເວີສລາວ 2019 ໜຶ່ງສາວງາມເບື້ອງຫຼັງບໍ່ທຳມະດາ ຕູ່ ໄຜ່ທິດາ

ກອງປະກວດ ມິສຢູນິເວຣີສລາວ 2019 ປີນີ້ ຄຶກຄື້ນຫຼາຍ ມີບັນດາສາວງາມ ທີ່ທັງເປັນນ້ອງໃໝ່ໃນການປະກວດ ແລະ ຜູ້ທີ່ມີປະສົບງານຈາກຫຼາຍເວທີມາແລ້ວ ຄື ສາວ ຕຸຕູ່ ໄຜ່ທິດາ ໂພທິສານ Miss Friendship Laos 2019 ທີ່ຫາໄດ້ຮັບລາງວັນ The Best Figure (ນາງສາວ ຮູບຮ່າງດີ) ໃນເວທີ Miss Friendship International 2019 ທີ່ ເສິ່ນຕູ່ ປະເທດຈີນ ໃນຄໍ່າຄືນວັນທີ 27 ກໍລະກົດ 2019 ທີ່ຜ່ານມາ.

ຕູ່ຕູ່ ອີກໜຶ່ງສາວງາມຈາກນະຄອນຫຼວງວຽງຈັນ ໄດ້ຮ່ວມປະກວດ ມິສຢູນິເວີສລາວ 2019 ປີນີ້ເຊັ່ນກັນ ໝາຍເລກ 27, ອາຍຸ 25 ປິ ຈົບການສຶກສາຈາກ ມະຫາວິທະຍາໄລແຫ່ງຊາດ ລະດັບປະລິນຍາຕີ ສາຂາ ອັກສອນສາດ ພາສາຈີນ ແລະ ຕອນນີ້ ເຮັດວຽກຢູ່ທີ່ ບໍລິສັດ ເອກະຊົນ ນຳເຂົ້າ-ສົ່ງອອກ ເຄື່ອງຈັກ ແລະ ກາເຟ.

ຕູ່ຕູ່ ເຄີຍໄດ້ລາງວັນ ລາງວັນນາງສາວມິດຕະພາບ ຈາກເວທີນາງສາວລາວ 2018
, ເຄີຍຮ່ວມປະກວດ ເວທີ Lao Super Model ເປັນ Top 10 ຂອງການປະກວດ, ປະສົບການເດີນແບບ 3 ປີ ເຊິ່ງ ຕູ່ຕູ່ ກໍ່ໄດ້ຮ່ວມງານເດີນແບບໃຫ້ຫຼາຍໆຫ້ອງເສື້ອ, ງານເປິດຕົວສິນຄ້າຕ່າງໆ ແລະ ຮ່ວມງາມກັບ Fashion Week ຫຼາຍເວທີ.

ແລະ ໃນປີ 2018 ຕູ່ຕູ່ ໄດ້ ລົງແຂ່ງຂັນ ນັກຊົງກາເຟຢອດ ທີ່ຈັດເປັນຄັ້ງທຳອິດຂອງປະເທດລາວ ເຊິ່ງມີຜູ້ເຂົ້າຮ່ວມແຂ່ງຂັນ ຈາກຫຼາຍຮ້ານກາເຟທົ່ວປະເທດ ສາມາດຄວ້າລາງວັນຊະນະເລີດ ນັກຊົງກາເຟຢອດ ລະດັບປະເທດ 2018 Lao National Brewers Cup 2018 ແລະ ໄດ້ເປັນຕົວແທນປະເທດລາວໄປຮ່ວມແຂ່ງໃນເວທີສາກົນ ທີ່ມີ 28 ກວ່າປະເທດເຂົ້າຮ່ວມແຂ່ງຂັນ ແລະ ຕູ່ຕູ່ ກໍ່ຄວ້າ ເອົາ ລາງວັນ ອັນດັບ 6 ລະດັບເອເຊຍມາຄອງ.

%d bloggers like this: