ພາຍຸເລກິມາ ພັດຂຶ້ນຝັ່ງຈີນຮອບສອງ ເສຍຊີວິດ 44 ຄົນ ສູນຫາຍ 16 ຄົນ

ສໍານັກຂ່າວຊິນຫົວຂອງຈີນ ລາຍງານ ເມື່ອວັນຈັນ ທີ 12 ສິງຫາ ກ່ຽວກັບພາຍຸໄຕ້ຝຸ່ນເລກິມາ ເຊິ່ງພັດຜ່ານເຂົ້າຈີນຮອບສອງ ສົ່ງຜົນໃຫ້ມີຜູ້ເສຍຊີວິດ 44 ຄົນ ແລະ ສູນຫາຍ 16 ຄົນ ຫຼັງເກີດເຫດດິນເຈື່ອນບໍລິເວນແຄມຝັ່ງມົນທົນຊານຕົງ ແລະ ມົນທົນເຈີ້ຈຽງ ເມື່ອຄືນວັນອາທິດ ຜ່ານມາ.

ສູນຄວບຄຸມອຸທົກກະໄພຂອງມົນທົນເຈີ້ຈຽງ ລາຍງານ ເມື່ອເຊົ້າວັນຈັນ ທີ 12 ສິງຫາ ວ່າ ຈຳນວນຜູ້ເສຍຊີວິດທີ່ໄດ້ຮັບຜົນກະທົບຈາກ ພາຍຸໄຕ້ຝຸ່ນເລກິມາ ໃນມົນທົນເຈີ້ຈຽງ ເພີ່ມຂຶ້ນເປັນ 39 ຄົນ ຂະນະທີ່ 9 ຄົນ ຍັງສູນຫາຍ.

ในภาพอาจจะมี หนึ่งคนขึ้นไป, สนามบาสเก็ตบอล, รองเท้า, ท้องฟ้า, เด็ก และสถานที่กลางแจ้ง
ນອກຈາກນີ້, ຍັງສົ່ງຜົນກະທົບໃຫ້ກັບປະຊາຊົນ 6,68 ລ້ານຄົນ ໃນມົນທົນເຈີ້ຈຽງ ແລະ ປະຊາຊົນ 1,26 ລ້ານຄົນ ຕ້ອງອົບພະຍົບອອກຈາກບ້ານເຮືອນ, ພື້ນທີ່ກະສິກໍາໄດ້ຮັບຜົນກະທົບ 233.600 ເຮັກຕ້າ ແລະ ເກີດຄວາມສູນເສຍຕໍ່ເສດຖະກິດໂດຍກົງ 24 ຕື້ຢວນ (ປະມານ 29,6 ພັນຕື້ກີບ).

ດ້ານຫ້ອງການປົກຄອງສຸກເສີນຂອງມົນທົນຊານຕົງ ລາຍງານວ່າ ພາຍຸໄຕ້ຝຸ່ນເລກິມາ ສົ່ງຜົນໃຫ້ມີຜູ້ເສຍຊີວິດ 5 ຄົນ, ສູນຫາຍ 7 ຄົນ, ສ້າງຄວາມເສຍຫາຍໃຫ້ແກ່ເຂດປົກຄອງຂັ້ນເມືອງ ລວມ 79 ແຫ່ງ, ກະທົບຕໍ່ປະຊາຊົນ ປະມານ 1,66 ລ້ານຄົນ ແລະ 1,83 ແສນຄົນ ອົບພະຍົບ.

ในภาพอาจจะมี หนึ่งคนขึ้นไป, ผู้คนกำลังยืน, ท้องฟ้า, สถานที่กลางแจ้ง และน้ำ

ພາຍຸເມກໝອກ ແລະ ກະແສລົມພັດແຮງ ເຮັດໃຫ້ເນື້ອທີ່ປູກຝັງຫຼາຍກວ່າ 1,6 ແສນເຮັກຕ້າ, ບ້ານເຮືອນ 609 ຫຼັງໄດ້ຮັບຄວາມເສຍຫາຍ ແລະ ກະທົບຕໍ່ເສດຖະກິດໂດຍກົງ 1,48 ຕື້ຢວນ (ປະມານ 1,82 ພັນຕື້ກີບ).

ในภาพอาจจะมี หนึ่งคนขึ้นไป

ຢ່າງໃດກໍ່ຕາມ, ສະພາບອາກາດອັນຮ້າຍແຮງນີ້ ຍັງບໍ່ທັນສິ້ນສຸດ ແລະ ຂະນະນີ້ ໜ່ວຍກູ້ໄພ ແລະ ໜ່ວຍບັນເທົາສາທາລະນະໄພ ກຳລັງຢູ່ລະຫວ່າງປະຕິບັດການໃຫ້ຄວາມຊ່ວຍເຫຼືອ.

%d bloggers like this: