ອຸດສາຫະກໍາອາເມຣິກາເດືອດຮ້ອນຈາກການຂຶ້ນພາສີງວດໃໝ່

ກຸ່ມອຸດສາຫະກໍາອາເມຣິກາພ້ອມໃຈກັນວິຈານການຕັດສິນໃຈຂຶ້ນພາສີງວດໃໝ່ຂອງທ່ານ ໂດນັນ ທຣໍາ ປະທານາທິບໍດີໃນອັດຕາ10%ຈໍານວນເງິນ300.000ລ້ານໂດລາ.

ການຂຶ້ນພາສີຈະສົ່ງຜົນກະທົບໂດຍກົງຕໍ່ສິນຄ້າອຸປະໂພກບໍລິໂພກ ແລະ ຄ່າໃຊ້ຈ່າຍຂອງປະຊາຊົນ ແລະ ເທົ່າກັບເປັນຂຶ້ນພາສີຜູ້ບໍລິໂພກອາເມຣິກາທີ່ຕ້ອງແບກຮັບລາຄາສິນຄ້າແພງຂຶ້ນເຊິ່ງຜູ້ບໍລິໂພກອາເມຣິກາບໍ່ຄວນເປັນຕົວປະກັນໃນສົງຄາມການຄ້າໃນຄັ້ງນີ້.

ທ່ານ ເວນດີ ຄັດເລີ ປະທານ ແລະ ກໍາມະການຜູ້ບໍລິຫານສະຖາບັນນະໂຍບາຍສະມາຄົມອາຊີກ່າວວ່າ:ການເຈລະຈາການຄ້າອາເມຣິກາ ແລະ ຈີນຈະຫຍຸ້ງຍາກຫຼາຍຂຶ້ນຫຼັງຈາກນີ້ໄປ ແລະ ຢ່າຫວັງວ່າຈີນຈະບໍ່ຕອບໂຕ້ເຊິ່ງຈະສົ່ງຜົນກະທົບຕໍ່ຜູ້ບໍລິໂພກ,ແຮງງານ ແລະ ກະສິກອນໃນອາເມຣິກາ.

ຂະນະທີ່ທ່ານ ໄມຣອນ ບຣິນລຽນ ຮອງປະທານບໍລິຫານ ແລະ ຫົວໜ້າກິດຈະການລະຫວ່າງປະເທດສະພາການຄ້າອາເມຣິກາກ່າວວ່າ:ການຂຶ້ນພາສີສິນຄ້າຈີນຈະຍິ່ງສ້າງຄວາມເດືອດຮ້ອນໃຫ້ແກ່ທຸລະກິດ,ກະສິກອນ ແລະ ຜູ້ບໍລິໂພກອາເມຣິກາຫຼຸດຢ່ອນເສດຖະກິດອາເມຣິກາທີ່ຄວນຈະແຂງແກ່ນ.

 

%d bloggers like this: