ຫົວເຫວີຍ ສະໜັບສະໜູນນັກສຶກສາ 4 ມະຫາວິທະຍາໄລ ໄປທັດສະນະສຶກສາຢູ່ ສປ ຈີນ

ໃນວັນທີ 17 ກໍລະກົດ 2019 ນີ້ ບໍລິສັດ ຫົວເຫວີຍ ໄດ້ຈັດພິທີຖະແຫຼງຂ່າວການຈັດກິດຈະກໍາ Seeds for the Future ຢູ່ຫ້ອງການ ຫົວເຫວີຍ ລາວ ນະຄອນຫຼວງວຽງຈັນ ເຊິ່ງເປັນກຽດເຂົ້າຮ່ວມໂດຍ ທ່ານ ຮສ. ປອ. ພຸດ ສິມມາລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ Wang Qihui ທີ່ປຶກສາດ້ານເສດຖະກິດການຄ້າຂອງສະຖານທູດແຫ່ງ ສປ ຈີນ ປະຈຳ ສປປ ລາວ ແລະ ທ່ານ Mark Wong ປະທານ ບໍລິສັດ ຫົວເຫວີຍ ປະຈໍາລາວ.

ในภาพอาจจะมี หนึ่งคนขึ้นไป, ผู้คนกำลังนั่ง และสถานที่ในร่ม

ບໍລິສັດ ຫົວເຫວີຍ ຮ່ວມກັບກະຊວງສຶກສາທິການ ແລະ ກີລາ ດຳເນີນໂຄງການ Seeds for the future ຢູ່ປະເທດລາວ ເຊິ່ງໂຄງການ Seeds for the Future ເປັນໂຄງການພັັດທະນາບຸກຄະລາກອນຂອງເຍົາວະຊົນທາງດ້ານ IT ແລະ ໂທລະຄົມມະນາຄົມໃນທົ່ວໂລກ.

ປີນີ້ ບໍລິສັດ ຫົວເຫວີຍ ລາວ ແມ່ນໄດ້ສືບທອດຈັດຕັ້ງປະຕິບັດໂຄງການດັ່ງກ່າວ ເພື່ອເປັນການສ້າງ ແລະ ພັດທະນາບຸກຄະລາກອນເຍົາວະຊົນຂອງລາວໃຫ້ມີຄຸນນະພາບ, ເພື່ອນໍາໃຊ້ເຂົ້າໃນການພັດທະນາປະເທດຊາດໃນອະນາຄົດ.

ในภาพอาจจะมี 9 คน, รวมถึง No Mixay, ผู้คนกำลังนั่ง, ตาราง และสถานที่ในร่ม

ຫົວເຫວີຍ ໄດ້ເລີ່ມຕົ້ນດຳເນີນໂຄງການນີ້ໃນປີ 2008 ເພື່ອຊອກຫາ ແລະ ພັດທະນານັກສຶກສາຜູ້ມີພອນສະຫວັນດ້ານ ICT, ຍົກສູງການຖ່າຍໂອນຄວາມຮູ້, ສົ່ງເສີມຄວາມເຂົ້າໃຈທີ່ໃຫຍ່ກວ່າ ແລະ ຜົນປະໂຫຍດໃນຂະແໜງການສື່ສານ, ປັບປຸງ ແລະ ຊຸກຍູ້ການກໍ່ສ້າງ ແລະ ການເຂົ້າຮ່ວມປະຊາຄົມດ້ານດິຈິຕອລຢູ່ໃນພາກພື້ນ. ທຸກໆປີ ຫົວເຫວີຍ ໄດ້ເຊື້ອເຊີນເອົານັກສຶກສາ 1.000 ຄົນ ຈາກທົ່ວໂລກ ເພື່ອໄປທັດສະນະສຶກສາທີ່ສຳນັກງານໃຫຍ່ຂອງ ບໍລິສັດ ຫົວເຫວີຍ ຢູ່ ສປ ຈີນ, ໃນປີນີ້ ຫົວເຫວີຍ ຮ່ວມກັບກະຊວງສຶກສາທິການ ແລະ ກີລາ ຄັດເລືອກນັກສຶກສາ 10 ຄົນ ຈາກມະຫາວິທະຍາໄລ 4 ແຫ່ງ ຄື: ມະຫາວິທະຍາໄລແຫ່ງຊາດ, ມະຫາວິທະຍາໄລສະຫວັນນະເຂດ, ມະຫາວິທະຍາໄລສຸພານຸວົງ ແລະ ມະຫາວິທະຍາໄລຈຳປາສັກ ເພື່ອເຂົ້າຮ່ວມກິດຈະກຳດັ່ງກ່າວທີ່ ບໍລິສັດ ຫົວເຫວີຍ ເປັນຜູ້ສະໜັບສະໜູນ.

ในภาพอาจจะมี 1 คน, กำลังยืน และชุดสูท
ທ່ານ Mark Wong ປະທານ ບໍລິສັດ ຫົວເຫວີຍ ລາວ ຈຳກັດຜູ້ດຽວ ໄດ້ກ່າວວ່າ: ICT ໄດ້ກາຍເປັນເຄື່ອງມືສຳຄັນໃນຫຼາຍໆອຸດສາຫະກຳ, ໃນຖານະທີ່ເປັນຜູ້ນຳດ້ານ ICT ລະດັບໂລກ, ຫົວເຫວີຍ ຍັງມຸ່ງໝັ້ນທີ່ຈະສົ່ງເສີມການພັດທະນາອຸດສາຫະກຳ ICT ໃນປະເທດທີ່ກໍາລັງດໍາເນີນການ ແລະ ມີເປົ້າໝາຍທີ່ຈະຂັບເຄື່ອນຄວາມຍືນຍົງທາງເສດຖະກິດ, ສັງຄົມ ແລະ ສິ່ງແວດລ້ອມໃນໄລຍະຍາວ ແລະ ພວກເຮົາເຊື່ອວ່າການເຂົ້າເຖິງການສຶກສາມີຄວາມສຳຄັນຕໍ່ການສ້າງໂອກາດທີ່ສະໜັບສະໜູນການພັດທະນາທີ່ເປັນທຳ ແລະ ຍືນຍົງໃນປະເທດລາວ.

ในภาพอาจจะมี 8 คน, คนที่ยิ้ม

ດັ່ງນັ້ນ,ໂຄງການສ່ວນໃຫຍ່ແມ່ນມຸ່ງເນັ້ນໄປທີ່ການສຶກສາ ແລະ ການຖ່າຍທອດຄວາມຮູ້, ເຮົາຫວັງວ່າກິດຈະກຳນີ້ຈະຊ່ວຍໃຫ້ນັກຮຽນສຶກສາມີຄວາມຮູ້ດ້ານ ICT ແລະ ໃນອະນາຄົດສາມາດຍົກລະດັບຄວາມຮູ້ດ້ານ ICT ເພີ່ມຂຶ້ນເລື້ອຍໆ ເພື່ອຊ່ວຍໃຫ້ປະເທດລາວກາຍເປັນປະເທດທີ່ມີຄວາມກ້າວໜ້າໃນຮູບແບບດິຈິຕອລ.

ในภาพอาจจะมี 14 คน, คนที่ยิ้ม, ผู้คนกำลังยืน
ໃນພິທີດັ່ງກ່າວ ທ່ານ ຮສ. ປອ. ພຸດ ສິມມາລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ ໄດ້ສະແດງຄວາມດີໃຈ ແລະ ຂອບໃຈມາຍັງ ບໍລິສັດ ຫົວເຫວີຍ ກັບຄວາມມຸ່ງໝັ້ນໃນການພັດທະນາປັບປຸງລະບົບ ICTແລະ ການປູກຝັງທັກສະໃນພາກສ່ວນທີ່ກ່ຽວຂ້ອງ ແລະ ສົ່ງມອບໂອກາດທີ່ດີໃຫ້ແກ່ການສຶກສາຂອງ ສປປ ລາວ ເຊັ່ນດຽວກັນກັບໂຄງການ Seeds for the future ເປັນໂຄງການທີ່ເຮັດໃຫ້ນັກສຶກສາລາວ ໄດ້ມີໂອກາດຮຽນຮູ້ສິ່ງໃໝ່ໆໃນສິ່ງແວດລ້ອມໃໝ່ໆທີ່ສົມບູນແບບ.

ในภาพอาจจะมี 1 คน, กำลังยิ้ม, ชุดสูท

ທ່ານ ຮສ. ປອ. ພຸດ ສິມມາລາວົງ ຍັງໄດ້ກ່າວວ່າ: ບໍລິສັດ ຫົວເຫວີຍ ແມ່ນເປັນບໍລິສັດທີ່ໄດ້ມີການພັດທະນາຂະຫຍາຍຕົວຢ່າງວ່ອງໄວ ແລະ ນັບໄດ້ວ່າເປັນບໍລິສັດຜູ້ນຳຂອງໂລກໃນດ້ານໄອຊີທີ. ບໍໍ່ວ່າຈະເປັນປະເທດມະຫາອຳນາດ ຫຼື ປະເທດທີ່ພັດທະນາແລ້ວລວມທັງ ສປປ ລາວ ບົດບາດຂອງ ໄອຊີທີ ແມ່ນມີຄວາມສໍາຄັນຫຼາຍແລະ ກໍຍັງຄົງມຸ່ງເນັ້ນພັດທະນາລະບົບ ໄອຊີທີ ຢ່າງຕໍ່ເນື່ອງ ເຊິ່ງໂຄງການໃນມື້ນີ້ Seeds for the future ເປັນໂຄງການທີ່ສຳຄັນຫຼາຍແກ່ການສຶກສາພັດທະນາບຸກຄະລາກອນ ຂໍອວຍພອນໃຫ້ນັກສຶກສາທັງ 10 ຄົນ ຕັ້ງໃຈເກັບກ່ຽວເອົາຄວາມຮູ້ ແລະ ປະສົບການໃນການລົງຕົວຈິງມາເປັນບົດຮຽນທີ່ດີ ແລະ ເອົາມາພັດທະນາບ້ານເມືອງໃນອະນາຄົດ.

ในภาพอาจจะมี 3 คน, ผู้คนกำลังยืน และชุดสูท

ในภาพอาจจะมี 1 คน, กำลังนั่ง และสถานที่ในร่ม

%d bloggers like this: