ຫົວໜ້າປຶກສາຫາລືດ້ານເສດຖະກິດ-ການຄ້າລະຫວ່າງຈີນ ແລະ ອາເມຣິກາສົນທະນາກັນທາງໂທລະສັບ

ສໍານັກຂ່າວຊີອາໄອ (chinaplus.cri) ຂອງຈີນ ລາຍງານ ເມື່ອວັນພຸດ ທີ 10 ກໍລະກົດ ວ່າ ກະຊວງການຄ້າຈີນໄດ້ເປີດເຜີຍວ່າ: ໃນຕອນແລງ ວັນອັງຄານ ທີ 9 ກໍລະກົດ ຜ່ານມາ, ທ່ານຫຼິວ ເຮີ່ ຮອງນາຍົກລັດຖະມົນຕີ ແລະ ທີ່ປຶກສາດ້ານນະໂຍບາຍເສດຖະກິດຂອງປະທານປະເທດສີ ຈິ້ນຜິງ ທັງເປັນຫົວໜ້າຝ່າຍຈີນໃນການເຈລະຈາເສດຖະກິດການຄ້າຮອບດ້ານ ລະຫວ່າງ ຈີນ – ອາເມຣິກາ ໄດ້ສົນທະນາຜ່ານທາງໂທລະສັບ ກັບ ທ່ານໂຣເບີດ ໄລທີເຊີ ຜູ້ແທນດ້ານການຄ້າອາເມຣິກາ ແລະ ທ່ານສະຕີເວນ ມະນູຊິນ ລັດຖະມົນຕີກະຊວງການເງິນອາເມຣິກາ ຕາມການນັດໝາຍເຊິ່ງໄດ້ແລກປ່ຽນຄວາມຄິດເຫັນກ່ຽວກັບການປະຕິບັດຕາມມະຕິທີ່ເປັນເອກະພາບກັນ ໃນການພົບຫາລື ລະຫວ່າງ ຜູ້ນໍາທັງສອງປະເທດ ທີ່ເມືອງໂອຊາກ້າ ປະເທດຍີ່ປຸ່ນ ເມື່ອທ້າຍເດືອນມິຖຸນາ ຜ່ານມາ.

ในภาพอาจจะมี 2 คน, ชุดสูท

ໂດຍ ທ່ານຈົງ ຊ່ານ ລັດຖະມົນຕີກະຊວງການຄ້າຈີນໄດ້ເຂົ້າຮ່ວມການສົນທະນາດັ່ງກ່າວດ້ວຍ.

ຜູ້ນໍາຈີນ ແລະ ອາເມຣິກາ ໄດ້ບັນລຸຄວາມເຫັນເປັນເອກະພາບກັນໃນໄລຍະກອງປະຊຸມສຸດຍອດກຸ່ມປະເທດເສດຖະກິດຂະໜາດໃຫຍ່ ຈີ20 ທີ່ເມືອງໂອຊາກາ ໂດຍທັງສອງຝ່າຍຍິນດີສືບຕໍ່ຊຸກດັນສາຍພົວພັນ ຈີນ – ອາເມຣິກາ ຕາມທິດທາງພື້ນຖານໃຫ້ມີການປະສານງານກັນ, ການຮ່ວມມືກັນ ເພື່ອຄວາມໝັ້ນຄົງ.

ເຊິ່ງທັງສອງຝ່າຍໄດ້ປະກາດ ວ່າ ຈະມີການປຶກສາຫາລືດ້ານເສດຖະກິດ-ການຄ້າ ຄັ້ງໃໝ່ບົນພື້ນຖານຄວາມສະເໝີພາບ ແລະ ເຄົາລົບເຊິ່ງກັນ ແລະ ກັນ.

%d bloggers like this: