ເສີມຄວາມງາມ ດ້ວຍໝາກນາວແບບງ່າຍໆ

ສາວໆຮູ້ບໍ່ວ່ານ້ຳໝາກນາວສົ້ມໆນັ້ນມີປະໂຫຍດຫຼາຍກວ່າທີ່ທ່ານຄິດເພາະວ່າມີທັງວິຕາມິນ C ແລະ ຄຸນປະໂຫຍດຫຼາຍຢ່າງ. ເຊິ່ງຈະຊ່ວຍປິ່ນປົວ ແລະ ເຮັດໃຫ້ພາຍໃນຮ່າງກາຍມີຄວາມສະອາດ, ຊ່ວຍໃນເລື່ອງຂອງຂະບວນການຍ່ອຍອາຫານ ຫຼື ກຳຈັດສານພິດໄດ້ເປັນຢ່າງດີພ້ອມບັນເທົາອາການເຈັບທ້ອງ.

 

ນອກຈາກນີ້, ການດື່ມນ້ຳໝາກນາວຍັງເປັນວິທີເຮັດໃຫ້ໜ້າໃສ, ຜິວພັນເປັ່ງປັ່ງ, ຫຼຸດຜ່ອນການເກີດສິວ, ບັນຫາເລື່ອງໜ້າມັນ, ໜ້າຕາໝອງຄ້ຳເກີນໄວ, ຫຼຸດຮອຍດ່າງດຳ, ໄຂມັນໃນເລືອດເຮັດໃຫ້ຜິວງາມ ແລະ ສຸຂະພາບດີຈາກພາຍໃນສູ່ພາຍນອກດ້ວຍ.

 

 

ດື່ມນ້ຳໝາກນາວເພື່ອຜິວງາມ: ສູດງ່າຍໆພຽງແຕ່ນຳໝາກນາວ 1 ໜ່ວຍ ແລະ ນ້ສະອາດ 2 ຖ້ວຍໃຫຍ່ ວິທີເຮັດແມ່ນຄັ້ນນ້ຳໝາກນາວປະສົມກັບນ້ຳສະອາດ 2 ຖ້ວຍ ສາມາດດື່ມໄດ້ໝົດມື້ຄວນດື່ມຕິດຕໍ່ກັນເປັນເວລາຢ່າງໜ້ອຍ 2 ອາທິດ.

 

 

ສູດດື່ມງ່າຍໆແຕ່ໄດ້ສຸຂະພາບດີ: ໝາກນາວ 1 ໜ່ວຍ, ນ້ຳສະອາດ 2 ຖ້ວຍໃຫຍ່, ນ້ຳເຜິ້ງ 2 ບ່ວງແກງ ແລະ ເກືອ1/2 ບ່ວງກາເຟ. ວິທີເຮັດແມ່ນຄັ້ນນໍ້າໝາກນາວນາວ ມາປະສົມກັບນໍ້າສະອາດ, ນ້ຳເຜິ້ງ ແລະ ເກືອຄົນໃຫ້ເຂົ້າກັນຄວນດື່ມທັນທີເພື່ອໃຫ້ໄດ້ຮັບຄຸນຄ່າຂອງວິຕາມິນ C ສູງສຸດ.

 

 

ກຳຈັດສິວດ້ວຍນ້ຳໝາກນາວ: ສ່ວນປະສົມນ້ຳໝາກນາວ 1 ບ່ວງກາເຟ ແລະ ໄຂ່ຂາວ 1 ບ່ວງກາເຟ ວິທີເຮັດແມ່ນນຳທັງສອງຢ່າງມາຕີໃຫ້ເຂົ້າກັນດີ. ຫຼັງຈາກນັ້ນ, ນຳມາທາບໍລິເວນທີ່ມີຕຸ່ມສິວປະໄວ້ 30 ນາທີ ແລ້ວລ້າງອອກດ້ວຍໂຟມ ຫຼື ສະບູລ້າງໜ້າສູດອ່ອນໂຍນ ບັນຫາເລື່ອງສິວກໍ່ຈະຄ່ອຍຫາຍໄປ ແລະ ເຊົາໄປໄດ້ໃນທີ່ສຸດ.

 

 

%d bloggers like this: