ລົດໃນອະນາຄົດ! ເທສລາ ເປີດໂຕ ເທັກໂນໂລຢີ ‘ຊິບຂັບລົດເອງ 100%’

ເທສລາ (Tesla) ບໍລິສັດຜະລິດລົດໃຫຍ່ຊັບເຄື່ອນດ້ວຍພະລັງງານໄຟຟ້າ ສັນຊາດອາເມຣິກາ ເປີດໂຕເທັກໂນໂລຢີໃໝ່ ໄມໂຄຣຊິບຂັບເຄື່ອນລົດໃຫຍ່ໂດຍສົມບູນ “ເອັຟເອັສດີ (full self-driving – FSD) ” ໃນງານ Tesla Autonomy Day ເມື່ອວັນອັງຄານ ທີ 22 ເມສາ ຜ່ານມາ ໂດຍຈະນໍາໄປໃຊ້ກັບຍານຍົນອັດຕະໂນມັດລຸ້ນຕໍ່ໄປທີ່ບໍລິສັດຈະຜະລິດ.

ອີລອນ ມັສກ໌ ປະທານບໍລິສັດກ່າວວ່າ ເທັກໂນໂລຢີ ນີ້ ຈະເຮັດໃຫ້ລົດໃຫຍ່ພະລັງງານໄຟຟ້າ ຈະກາຍເປັນລົດໃຫຍ່ຂັບເຄື່ອນດ້ວຍລະບົບອັດຕະໂນມັດໂດຍສົມບູນ ແລະ ບໍ່ຕ້ອງມີຄົນເຂົ້າໄປແຊກແຊງ ຫຼື ກໍາກັບຄວບຄຸມອີກຕໍ່ໄປ.

ມັສກ໌ ກ່າວວ່າ ຂະນະນີ້ ລົດຂອງເທສລາລຸ້ນໃໝ່ ເຊັ່ນໂມເດລ 3, ໂມເດລເອັກຊ໌ ແລະ ໂມເດລເອັສ ມີເທັກໂນໂລຢີຄວບຄຸມການຂັບເຄື່ອນທີ່ດີຢູ່ແລ້ວ ແຕ່ເທັກໂນໂລຢີ “ເອັຟເອັສດີ” ທີ່ຍັງຢູ່ໃນລະຫວ່າງການພັດທະນານີ້ ຈະມີປະສິດທິພາບທີ່ດີກວ່າເກົ່າເຖິງ 3 ເທົ່າ.

ในภาพอาจจะมี 1 คน, กลางคืน

ທ່ານຍັງກ່າວຕໍ່ອີກວ່າ ພາຍໃນປີ 2020 ຈະມີລົດໃຫຍ່ຂັບເຄື່ອນດ້ວຍລະບົບອັດຕະໂນມັດແບບສົມບູນຂອງເທສລາທີ່ແລ່ນເທິງຖະໜົນຫຼາຍກວ່າ 1 ລ້ານຄັນ ແລະ ເປັນໄປໄດ້ວ່າ ພາຍໃນ 2 ປີ ບໍລິສັດຈະຜະລິດລົດທີ່ບໍ່ມີທັງພວງມາໄລ, ຄັນເລັ່ງ ແລະ ເບຣກ ແຕ່ຈະຂັບເຄື່ອນດ້ວຍຊິບເອັຟເອັສດີພຽງຢ່າງດຽວ.

ພ້ອມນັ້ນ ທ່ານຍັງບັນຍາຍເຖິງເທັກໂນໂລຢີໃໝ່ຂອງບໍລິສັດ ແລະ ກ່າວລໍ້ລຽນເທັກໂນໂລຢີໄລດາຣ໌ (LIDAR) ຫຼື ເທັກໂນໂລຢີທີ່ໃຊ້ລະບົບກວດຈັບແສງ ແລະ ເຣດາຣ໌ຄາດເດົາໄລຍະ ເພື່ອຊ່ວຍໃນການຂັບເຄື່ອນລົດໃຫຍ່ ເຊິ່ງເປັນທີ່ນິຍົມໃນລົດໃຫຍ່ລະບົບອັດຕະໂນມັດຂອງບໍລິສັດຄູ່ແຂ່ງຂອງເທສລາ ເຊັ່ນ: ອູເບີ (Uber), ເວໂມ (Waymo) ແລະ ຄຣູສ (Cruise).

“ໃຜທີ່ໃຊ້ລະບົບໄລດາຣ໌ ນະ ຮູ້ສຶກເສຍດາຍແທ້ໆ ທັງແພງ, ທັງບໍ່ມີປະໂຫຍດ” ມັສກ໌ ກ່າວລະຫວ່າງການນໍາສະເໜີເທັກໂນໂລຢີໃຫມ່ຂອງເທສລາ.

ທັງນີ້ ລົດພະລັງງານໄຟຟ້າ ຂອງບໍລິສັດເທສລາ ໃນປັດຈຸບັນເຊັ່ນ: ໂມເດລເອັສ, ໂມເດລເອັກຊ໌ ແລະ ໂມເດລ 3 ລ້ວນແລ້ວບໍ່ໄດ້ໃຊ້ເທັກໂນໂລຢູໄລດາຣ໌ ແຕ່ໃຊ້ກ້ອງ 8 ໂຕ ແລະ ເທັກໂນໂລຢີນຳທາງແບບອື່ນ ເຊັ່ນ: ເຣດາຣ໌ຈີພີເອັສແຜນທີ່ ແລະ ເຊັນເຊີອັດຕາໂຊນິກ ເພື່ອຂັບເຄື່ອນລົດແທນ.

%d bloggers like this: