5 ປະເທດ ທີ່ເໝາະສົມທີ່ສຸດໃນການຂັບລົດ

ຄໍລໍາລົດມື້ນີ້ ຈະພາທ່ານໄປຮູ້ຈັກ 5 ອັນດັບປະເທດທີ່ເປັນສະຫວັນຂອງຜູ້ທີ່ມັກຂັບລົດຢາກໄປທີ່ສຸດ ເນື່ອງຈາກສະພາບແວດລ້ອມທີ່ປອດໄພ ແລະ ສະດວກສະບາຍຈະເຮັດໃຫ້ການເດີນທາງໄປແຕ່ລະຄັ້ງຂອງທ່ານເຕັມໄປດ້ວຍ ຄວາມສຸກ ແລະ ມ່ວນຊື່ນມາເບິ່ງວ່າມີປະເທດໃດແດ່?.
1. ປະເທດ ແອັດສະປາຍ ຈັດໄດ້ວ່າເປັນປະເທດທີ່ມີເອກະລັກຂອງຕົວເອງຢ່າງເຫັນໄດ້ຊັດເຈນ ບໍ່ວ່າຈະເປັນການຕໍ່ສູ້ຂອງງົວກະທິງ ແລະ ທີມບານເຕະທີ່ຄອງໃຈຄົນທົ່ວໂລກຢ່າງ ບາເຊໂລນາ ກັບ ຣີລ ມາດຣິດ. ນອກຈາກນີ້, ໃນການຂັບລົດຢູ່ປະເທດແອັດວະປາຍຈັດໄດ້ວ່າມີຄວາມສະດວກສະບາຍບໍ່ມັກມີບັນຫາເລື່ອງຈະລາຈອນຕິດຂັດ ເພາະມີລົດໄຟໃຕ້ດິນໃຫ້ບໍລິການທົ່ວເມືອງ ໂດຍສະເພາະເມືອງໃຫຍ່ໆ.
2. ແບນຊິກ ໜຶ່ງໃນປະເທດທີ່ມີການຈະລາຈອນ ແລະ ຄວາມສະດວກສະບາຍໃນການຂັບລົດຢ່າງເພີດເພີນດີຫຼາຍ ເພາະມີລະບົບຂົນສົ່ງຄວບຄຸມຫຼຸດການໃຊ້ພາຫະນະເຂົ້າໃນເມືອງໄດ້ດີ ໂດຍສະເພາະນະຄອນບັດເຊີ ທີ່ມີລົດໄຟຟ້າໃຕ້ດິນເຖິງ 69 ສະຖານີ.
3. ສາທາລະນະລັດເຊັກ ປະເທດທີ່ມີທັດສະນີຍະພາບທີ່ສວຍງາມປະເທດໜຶ່ງຂອງທະວີບເອີຣົບ ເຊິ່ງຜູ້ສ້າງຮູບເງົາຈາກທະວີບອາຊີມັກໄປຖ່າຍທໍາຢູ່ໃນປະເທດແຫ່ງນີ້ ໂດຍສະເພາະຂົວ ຊາລ ທີ່ເປັນສັນຍະລັກຂອງປະເທດ ທີ່ຫຼາຍຄົນຕ້ອງໄປຢ້ຽມຢາມ ສ່ວນການຈະລາຈອນຂອງປະເທດນັ້ນຖືວ່າມີລະບົບເຄືອຂ່າຍທີ່ໜ້າສົນໃຈ ໂດຍເສັ້ນທາງວົງແຫວນຮອບໃນ ແລະ ວົງແຫວນຮອບນອກ ລວມໄປເຖິງສະຖານີລົດໄຟໃຕ້ດິນທີ່ກະຈາຍທົ່ວນະຄອນຫຼວງ ປຣາກເຖິງ 61 ສະຖານີ ໄລຍະທາງລວມກັນທັງໝົດ 65,2 ກິໂລແມັດ ຄອຍໃຫ້ບໍລິການປະຊາຊົນປະມານ 1,6 ລ້ານຄົນຕໍ່ມື້.
4. ຝຣັ່ງ ເປັນປະເທດທີ່ໃຜໆກໍ່ຢາກໄປສໍາຜັດ ໂດຍສະເພາະສິນຄ້າທີ່ມີຊື່ສຽງຊັ້ນນໍາຂອງໂລກ ພ້ອມກັບສະຖານທີ່ທ່ອງທ່ຽວເປັນທີ່ຮູ້ຈັກທົ່ວໂລກຢ່າງຫໍໄອເຟລ, ສຳລັບການຄົມມະນາຄົມໃນເສັ້ນທາງຈັດໄດ້ວ່າເປັນປະເທດທີ່ມີລະບົບຂົນສົ່ງທີ່ດີທີ່ສຸດໃນທະວີບເອີຣົບ ເຊິ່ງມີລະບົບເຄືອຂ່າຍລົດໄຟຟ້າໃຕ້ດິນທີ່ຄວບຄຸມທົ່ວມະຫານະຄອນປາຣີ ເຖິງ 14 ເສັ້ນທາງ, 303 ສະຖານີ, ມີໄລຍະທາງລວມ 214 ກິໂລແມັດ ເຊິ່ງປຽບໄດ້ວ່າບໍ່ຕ້ອງເອົາລົດເຂົ້າໃນເມືອງເລີຍ ຫຼື ເອົາເຂົ້າມາກໍ່ໝົດບັນຫາເລື່ອງລົດຕິດໄປໄດ້ເລີຍ.
5. ໂຮນລັງ ຈັດວ່າເປັນປະເທດທີ່ມີບັນຍາກາດທີ່ດີໃນການຂັບລົດຢ່າງແທ້ຈິງ ເຖິງວ່າປະເທດແຫ່ງນີ້ຈະມີລະດັບປະເທດຕໍ່າກວ່ານໍ້າທະເລກໍ່ຕາມ ດ້ວຍລະບົບຄົມມະນາຄົມທີ່ທັນສະໄໝ ແລະ ປະເທດນີ້ຍັງໃຫ້ໃຊ້ລົດຖີບເພື່ອຫຼຸດມົນລະພິດທາງອາກາດ.

%d bloggers like this: