ຍົນລຳໃຫຍ່ທີ່ສຸດໃນໂລກ ບິນຂຶ້ນເປັນຄັ້ງທໍາອິດ

“ສະຕຣາໂຕລອນ ບີຮິມັອດ” ຍົນຊູບເປີຈໍາໂບ້ຂະໜາດໃຫຍ່ທີ່ສຸດໃນໂລກ ເຊິ່ງໃຊ້ເຄື່ອງຈັກຂອງຍົນ ໂບອິ້ງ 747 ເຖິງ 6 ໜ່ວຍ ແລະ ໄລຍະຫ່າງລະຫວ່າງປາຍປີກທີ່ກວ້າງກວ່າ “ແອຮ໌ບັສ ເອ 380” ເຖິງ 1,5 ເທົ່າ ໄດ້ອອກບິນສູ່ທ້ອງອາກາດຄັ້ງທໍາອິດຢ່າງເປັນທາງການ.

ສໍານັກຂ່າວຕ່າງປະເທດລາຍງານຈາກນະຄອນລອສແອນເຈລິສ ປະເທດສະຫະລັດ ອາເມຣິກາ ເມື່ອວັນເສົາ ທີ 13 ເມສາ ວ່າ ບໍລິສັດສະຕາໂຕລອນ ຊິສເຕັມສ໌ ຄໍປໍເລຊັ່ນ ໜຶ່ງໃນຜູ້ຜະລິດອາກາດສະຍານລາຍໃຫຍ່ຂອງສະຫະລັດ ກໍ່ຕັ້ງຂຶ້ນເມື່ອປີ 2011 ໂດຍ ທ່ານພອລ ອັລເລນ ອະດີດຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ຮ່ວມກັບ ທ່ານບິລ ເກດສ໌ ແລະ ອັລເລນ ໄດ້ເສຍຊີວິດ ໃນອາຍຸ 65 ປີ ເມື່ອເດືອນຕຸລາ ປີທີ່ຜ່ານມາ ໄດ້ນໍາຍົນ “ສະຕຣາໂຕລອນ ບີຮິມັອດ (Stratolaunch behemoth)” ບິນຂຶ້ນຢ່າງເປັນທາງການຄັ້ງທໍາອິດ ທີ່ທະເລຊາຍໂມຮາວີ ທາງພາກຕາເວັນຕົກຂອງລັດແຄລິຟໍເນຍ ເມື່ອວັນເສົາ ຜ່ານມາ.

ในภาพอาจจะมี เครื่องบิน และท้องฟ้า

ທັງນີ້ ຍົນລໍາດັ່ງກ່າວ ມີລັກສະນະລໍາຕົວເປັນຍົນແຝດຕິດກັນ ໃຊ້ເຄື່ອງຈັກອັນດຽວກັບຍົນໂບອິ້ງ 747 ຫຼາຍເຖິງ 6 ໜ່ວຍ ໄລຍະຫ່າງລະຫວ່າງປາຍປີກທັງ 2 ຂ້າງ ກວ້າງເຖິງ 117 ແມັດ ເທົ່າກັບສະໜາມອາເມຣິກັນຟຸດບອນ ຂະໜາດມາດຕະຖານ 1 ສະໜາມ ແລະ ຫຼາຍກວ່າໄລຍະລະຫວ່າງປາຍປີກຂອງຍົນນຊູບເປີຈໍາໂບ້ ແອຣ໌ບັສ ເອ 380 ເຖິງ 1,5 ເທົ່າ ສ່ວນຈໍານວນລໍ້ຂອງຍົນລໍານີ້ມີຫຼາຍເຖິງ 28 ລໍ້ ຄວາມສູງຂອງຍົນແມ່ນ 15 ແມັດ ແລະ ສາມາດເລັ່ງຄວາມໄວສູງສຸດໄດ້ເຖິງ 304 ກິໂລແມັດຕໍ່ຊົ່ວໂມງ ຂະນະທີ່ ການໄຕ່ເພດານການບິນສາມາດບິນໄດ້ລະດັບສູງສຸດປະມານ 5.182 ແມັດ ແຕ່ໃນການບິນຄັ້ງນີ້ ໃຊ້ເວລາປະມານ 2 ຊົ່ວໂມງເຄິ່ງ ແລະ ນັກບິນສາມາດຄວາມໄວໄດ້ສູງສຸດ 274 ກິໂລແມັດຕໍ່ຊົ່ວໂມງ.

ในภาพอาจจะมี ท้องฟ้า, เมฆ, สถานที่กลางแจ้ง และธรรมชาติ

%d bloggers like this: