ສະຖານທູດລາວ ປະຈໍາຣາຊະອານາຈັກໄທ ຈັດງານສະຫຼອງປີໃຫມ່ ສົມເດັດພະເທບ ເຂົ້າຮ່ວມ

ຂປລ.ໃນໂອກາດສົ່ງທ້າຍປີເກົ່າ ພ.ສ 2561 ແລະ ຕ້ອນຮັບວັນຂຶ້ນປີໃໝ່ ພ.ສ 2562, ສະ ຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຣາຊະອານາຈັກໄທ ທີ່ ບາງກອກ ໄດ້ຈັດງານພິ ທີສະເຫລີມສະຫລອງປີໃໝ່ລາວຂຶ້ນ ໃນວັນທີ 11 ເມສາ 2019, ໂດຍເປັນກຽດເຂົ້າຮ່ວມຂອງ ສົມເດັດ ພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ.

ນອກນັ້ນຍັງມີທ່ານ ດອນ ປຣະມັດວິໄນ ລັດຖະມົນຕີ ກະຊວງການຕ່າງປະເທດ ແຫ່ງ ຣາຊະອານາຈັກໄທ, ປະທານສະມາຄົມ ລາວ-ໄທ ແລະ ໄທ-ລາວ ເພື່ອມິດຕະພາບ, ທ່ານ ແສງ ສຸຂະທິວົງ ເອກອັກຄະລັດຖະທູດ ແຫ່ງ ສປປ ລາວ ປະຈໍາ ຣາຊະອານາຈັກໄທ ແລະ ທ່ານ ກຽດຕິຄຸນ ຊາດປຣະເສີດ ເອກອັກຄະລັດຖະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ ພ້ອມດ້ວຍພັນລະຍາ, ກົງສຸນໃຫຍ່ ແຫ່ງ ສປປ ລາວ ທີ່ ຂອນແກ່ນ, ເຈົ້າໜ້າທີ່ສໍານັກພະຣາຊະວັງ, ບັນດາແຂກທີ່ມີກຽດ ທັງພາກລັດ ແລະ ເອກະຊົນ ລວມທັງຊຸມຊົນ ລາວ-ໄທ ເຂົ້າຮ່ວມຢ່າງຫລວງຫລາຍ.


%d bloggers like this: