ອັດຕະປືພ້ອມ!! ປ່ອຍຂະບວນຈະລາຈອນປ້ອງກັນ, ສະກັດກັ້ນອຸບັດຕິເຫດທາງບົກ

ເພື່ອເປັນການປ້ອງກັນ ແລະ ສະກັດກັ້ນອຸບັດຕິເຫດໃນໄລຍະບຸນປີໃໝ່ລາວປີ 2019 ໃຫ້ຫຼຸດລົງເທື່ອລະກ້າວ, ກອງບັນຊາການປ້ອງກັນຄວາມສະຫງົບແຂວງ ອັດຕະປື ຈຶ່ງໄດ້ສົມທົບກັບຫ້ອງຕໍາຫຼວດພະແນກຈະລາຈອນ ໄດ້ຈັດພິທີປ່ອຍກໍາລັງຕໍາຫຼວດຈະລາຈອນ ອອກປະຈຳຈຸດຕ່າງໆທີ່ສຳຄັນ ທີ່ມີຄວາມສ່ຽງກໍ່ເກີດອຸບັດຕິເຫດ ຂຶ້ນໃນວັນທີ 9 ເມສາ 2019 ທີ່ເດີ່ນກອງບັນຊາການ ປ້ອງກັນຄວາມສະຫງົບ ແຂວງອັດຕະປື ໂດຍເປັນກຽດ ເຂົ້າຮ່ວມຂອງທ່ານ ພັນໂທ ບັນດິດ ສີວີໄລ ຮອງກອງບັນຊາການ ປ້ອງກັນຄວາມສະຫງົບແຂວງອັດຕະປື, ຫົວໜ້າຫ້ອງຕຳຫຼວດ, ຫົວໜ້າພະແນກຈະລາຈອນແຂວງ ພ້ອມດ້ວຍກໍາລັງຕໍາຫຼວດຈະລາຈອນພາຍໃນພະແນກຈະລາຈອນເເຂວງເຂົ້າຮ່ວມ.

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

ທ່ານ ພັນຕີ ເພັດສະໄໜ ໄຊຍະກຸນ ຫົວໜ້າພະແນກຕໍາຫຼວດຈະລາຈອນກອງບັນຊາການປ້ອງກັນຄວາມສະຫົງບແຂວງອັດຕະປື ໄດ້ກ່າວວ່າ: ການປ່ອຍຂະບວນຈະລາຈອນ ຄັ້ງນີ້ກໍເພື່ອເຮັດໃຫ້ສະພາບການສັນຈອນໃນຂອບເຂດທົ່ວແຂວງອັດຕະປື ໄລຍະປີໃໝ່ລາວທີ່ຈະມີເຖິງນີ້ ມີຄວາມເປັນລະບຽບຮຽບຮ້ອຍ ແລະ ປອດໄພ, ທັງເປັນການຊຸກຍູ້ແນະນໍາໃຫ້ຜູ້ໃຊ້ລົດ-ໃຊ້ຖະໜົນ ຍົກສູງສະຕິເຄົາລົບຕໍ່ກົດລະບຽບຈະລາຈອນຢ່າງເຂັ້ມງວດ, ມີສ່ວນຮ່ວມເປັນເຈົ້າການໃນການສະກັດກັ້ນ, ເພື່ອປ້ອງກັນສະກັດກັ້ນຄວາມຮຸນແຮງ ຈາກການເກີດອຸບັດຕິເຫດໃຫ້ຫຼຸດລົງເທື່ອລະກ້າວ ແລະ ເປັນການຊອກໃຫ້ຮູ້ສາເຫດ, ເງື່ອນໄຂ ຕໍ່ການລະເມີດສາເຫດທີ່ພາໃຫ້ເກີດອຸບັດຕິເຫດ ເພື່ອມາວາງແຜນສະກັດກັ້ນ.

ในภาพอาจจะมี บ้าน และสถานที่กลางแจ้ง

ພ້ອມດຽວກັນນັ້ນ, ກໍ່ເພື່ອເປັນການຫັນກໍາລັງລົງໂຄສະນາຕາມສາຍທາງ, ຕະຫຼາດ, ເຂດຊຸມຊົນ,ບ້ານ ແລະ ບັນດາຕົວເມືອງ.

ທ່ານ ຍັງກ່າວຕື່ມວ່າ: ໃນໄລຍະຊຸມປີຜ່ານມາສະພາບອຸບັດຕິເຫດຈະລາຈອນທາງບົກທີ່ເກີດຂຶ້ນຊ່ວງປີໃໜ່ລາວ ເຫັນວ່າມີຄວາມຮຸນແຮງພໍສົມຄວນ, ເຊິ່ງໄດ້ສ້າງຜົນເສຍຫາຍໃນດ້ານສຸຂະພາບ, ຊີວິດ ແລະ ຊັບສິນຂອງປະຊາຊົນບັນດາເຜົ່າ, ສະເພາະປີ 2018 ຜ່ານມາໄລຍະບຸນປີໃໝ່ຢູ່ແຂວງອັດຕະປື ມີອຸບັດຕິເຫດເກີດຂຶ້ນທັງໜົດ 10 ລາຍ, ພາຫະນະເປ່ເພ 19 ຄັນ, ຄົນໄດ້ຮັບບາດເຈັບ 20 ຄົນ, ເສຍຊິວິດ 1 ຄົນ ລວມມູນຄ່າເສຍຫາຍ 2 ຮ້ອຍ 50 ລ້ານກີບ.

ในภาพอาจจะมี รถยนต์, ท้องฟ้า, ต้นไม้ และสถานที่กลางแจ้ง

ສໍາລັບຂະບວນຈະລາຈອນ ທີ່ປ່ອຍຄັ້ງນີ້ ມີໜ້າທີ່ຫຼັກຄື: ເຮັດວຽກງານໂຄສະນາຢ່າງກວ້າງຂວາງ ພ້ອມທັງເຄື່ອນໄຫວຊຸກຍູ້ທ້ອງຖິ່ນປຸກລະດົມຮ່ວມກັນປ້ອງກັນສະກັດກັ້ນ ການລະເມີດຢ່າງຕັ້ງໜ້າ, ຈັດຕັ້ງພະນັກງານລົງເຜີຍແຜ່ລະບຽບກົດໝາຍ, ແຈ້ງການ, ຄໍາແນະນໍາຕ່າງໆໃຫ້ຜູ້ຂັບຂີ່ມີຄວາມເຂົ້າໃຈລະບຽບການສັນຈອນຢ່າງເຂັ້ມງວດ,ເຮັດໜ້າທີ່ອໍານວຍຄວາມສະດວກຈຸດທີ່ມີຄວາມສ່ຽງ, ຄວາມແອອັດ, ວາງກໍາລັງປະຈໍາເສັ້ນທາງ 3 ແຍກ, 4 ແຍກ, ປະຈໍາການປ້ອມທີ່ຈະມີການລະເມີດກົດລະບຽບການສັນຈອນທີ່ຈະພາໃຫ້ເກີດອຸບັດຕິເຫດ.

ນອກນັ້ນ, ຍັງເຮັດໜ້າທີ່ກວດກາພາຫະນະ, ຜູ້ຂັບຂີ່, ການບັນທຸກສິນຄ້າ, ຜູ້ໂດຍສານເກີນ, ຄວາມໄວເກີນ, ກວດທາດເຫຼົ້າ, ບໍ່ຮັດສາຍນິລະໄພ, ໜວກກັນກະທົບ ແລະອື່ນໆ.

ในภาพอาจจะมี 2 คน, รถมอเตอร์ไซค์, ต้นไม้ และสถานที่กลางแจ้ง

 

 

ຂໍ້ມູນ:Attapeu Media

 

%d bloggers like this: