ເດືອນກຸມພາ ລາວບັນລຸຕົວເລກການຄ້າ 600 ກວ່າລ້ານໂດລາ

ກ້າວເຂົ້າສູ່ປີ 2019 ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວຍັງສືບຕໍ່ມີບັນຍາກາດດີແຕ່ຕົ້ນປີ ສະເພາະເດືອນ ກຸມພາ ປະຕິບັດໄດ້ປະມານ 649 ລ້ານໂດລາສະຫະລັດ ໃນນີ້ແມ່ນຍັງບໍ່ລວມເອົາການນໍາເຂົ້າ ແລະ ສົ່ງອອກໄຟຟ້າ. ໃນນັ້ນ, ມູນຄ່າການນໍາເຂົ້າ ປະຕິບັດໄດ້ປະມານ 324 ລ້ານໂດລາສະຫະລັດ ແລະ ສົ່ງອອກ ປະຕິບັດໄດ້ປະມານ 325 ລ້ານໂດລາສະຫະລັດ.

 

ในภาพอาจจะมี ท้องฟ้า, ต้นไม้, รถยนต์, เมฆ และสถานที่กลางแจ้ง

ສຳລັບສິນຄ້າສົ່ງອອກຫຼັກຂອງ ສປປ ລາວ ປະຈໍາເດືອນກຸມພາ ປີ 2019 ປະກອບມີ: ແຮ່ທອງ, ທອງແດງ ແລະ ເຄື່ອງຂອງທີ່ເຮັດດ້ວຍທອງແດງ, ມັນຕົ້ນ, ເຫຍື່ອໄມ້ ແລະ ເຫຍື່ອໄມ້ຈາກເສັ້ນໄຍເຊລລູອື່ນໆ, ເຄື່ອງດື່ມ (ນໍ້າ, ນໍ້າອັດລົມ,ຊູກໍາລັງ…), ເຄື່ອງນຸ່ງຫົ່ມ, ເຄື່ອງໄຟຟ້າ ແລະ ອຸປະກອນເຄື່ອງໃຊ້ໄຟຟ້າ, ໂຄງຮ່າງ, ຊິ້ນສ່ວນກ້ອງບັນທຶກພາບ, ໝາກກ້ວຍ, ຄຳປະສົມ, ຄຳແທ່ງ.

 

ສ່ວນສິນຄ້ານໍາເຂົ້າໃນເດືອນກຸມພາ ປີ 2019 ປະກອບມີ: ນໍ້າມັນກາຊວນ, ພາຫະນະທາງບົກ ນອກຈາກລົດໄຖນາ ແລະ ລົດຈັກ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ, ສາຍໄຟຟ້າ, ເຄເບີ້ລ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ), ເຄື່ອງໄຟຟ້າ ແລະ ອຸປະກອນໄຟຟ້າ, ອຸປະກອນຖ່າຍພາບ, ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…), ອຸປະກອນສື່ສານ ແລະ ຊິ້ນສ່ວນຕ່າງໆ.

 

 

ຕະຫຼາດສົ່ງອອກຂອງລາວປະເທດ ຈີນ, ໄທ, ຫວຽດນາມ, ອິນເດຍ, ເຢຍລະມັນ, ຍີ່ປຸ່ນ, ຈີນຮົງກົງ, ກຳປູເຈຍ, ສະວີເດນ ແລະ ສະຫະລັດອາເມລິກາ ແລະ ປະເທດອື່ນໆ.

 

 

ສຳລັບປະເທດຕົ້ນທາງທີ່ລາວນໍາເຂົ້າສິນຄ້າແມ່ນມາຈາກປະເທດ ໄທ, ຈີນ, ຫວຽດນາມ, ຍີ່ປຸ່ນ, ຈີນຮົງກົງ, ສ.ເກົາຫຼີ, ອິນໂດເນເຊຍ, ສະຫາລັດອາເມລິກາ ແລະ ສິງກະໂປ ແລະ ປະເທດອື່ນໆ.

 

 

ແຫຼ່ງຂໍ້ມູນ: ຂໍ້ມູນດິບຈາກກົມພາສີ, ກະຊວງການເງິນ

 

%d bloggers like this: