ເປີດແຫຼ່ງທ່ອງທ່ຽວວັດທະນະທໍາລາວ

ເປີດໃຫ້ບໍລິການແລ້ວສໍາລັບແຫຼ່ງທ່ອງທ່ຽວວັດທະນະທໍາລາວ ທີ່ອັດແໜ້ນໄປດ້ວຍຄວາມຫຼາກຫຼາຍຂອງກິດຈະກໍາຂອງຊາວລາວເຮົາປະຕິບັດກັນມາແຕ່ບູຮານນະການ, ສະຖານທີ່ໆຊົງຄຸນຄ່າທີ່ສ້າງດ້ວຍໄມ້ທີ່ຫາຍາກ ຮັບຮອງວ່າຜູ້ທີ່ໄດ້ເຂົ້າມາທ່ຽວຊົມຈະມີຄວາມຮູ້ສຶກໄດ້ວ່າຕົນເອງຫວນຄືນໃນອະດີດ.

ພິທີເປີດແຫຼ່ງທ່ອງທ່ຽວວັດທະນະທໍາລາວ ຢູ່ເມືອງນາຊາຍທອງ ມີຂຶ້ນໃນວັນທີ 5ເມສາ 2019 ທີ່ບ້ານນາຊາຍທອງ ເມືອງນາຊາຍທອງ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ວິລະສັກ ນາມມຸນຕີ ເຈົ້າເມືອງໆນາຊາຍທອງ, ທ່ານທອງສະໝຸດ ຫຼວງລາດ, ທ່ານນາງ ນິດຕະຍາ ບຸດປະເສີດ ປະທານ ບໍລິສັດ ແຫຼ່ງທ່ອງທ່ຽວດ້ານວັດທະນະທໍາລາວ ບ້ານນາຊາຍທອງ ຈໍາກັດຜູ້ດຽວ, ມີ ທ່ານ ນາງ ວາດສະໜາ ຄຸດໄພທູນ ພັນລະຍາທ່ານເຈົ້າຄອງນະຄອນຫຼວງວຽງຈັນ, ທ່ານ ກຸມແພງ ຄໍາພາສິດ ຮອງຫົວໜ້າກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກຳ ແລະ ການຄ້າ ພ້ອມດ້ວຍການນໍາຂອງເມືອງນາຊາຍທອງ ແລະ ພໍ່ແມ່ປະຊາຊົນອ້ອມຂ້າງເມືອງເຂົ້າຮ່ວມ.

ທ່ານ ທອງສະໝຸດ ຫຼວງລາດ ພ້ອມພັນລະຍາ ທ່ານ ນາງ ນິດຕະຍາ ບຸດປະເສີດ

ໃນໂອກາດເຂົ້າຮ່ວມເປີດງານ ທ່ານ ວິລະສັກ ນາມມຸນຕີ ເຈົ້າເມືອງໆນາຊາຍທອງ ໄດ້ສະແດງຄວາມຍ້ອງຍໍຊົມເຊີຍ ທ່ານ ທອງສະໝຸດ ຫຼວງລາດ ແລະ ທ່ານ ນາງ ນິດຕະຍາ ບຸດປະເສີດ ປະທານແຫຼ່ງທ່ອງທ່ຽວດ້ານວັດທະນະທໍາ ທີ່ໄດ້ຕັດສິນໃຈເປີດແຫຼ່ງທ່ອງທ່ຽວວັດທະນະທໍາລາວຂຶ້ນໃນຄັ້ງນີ້ ໂດຍສອດຄ່ອງກັບທ່າແຮງໃນແຜນພັດທະນາເສດຖະກິດຂອງເມືອງນາຊາຍທອງ ຄື: ສົ່ງເສີມການຜະລິດຂອງປະຊາຊົນ ແລະ ການບໍລິການທ່ອງທ່ຽວ. ໃນນີ້, ການເປີດແຫຼ່ງທ່ອງທ່ຽວວັດທະນະທໍາລາວ ເພື່ອເປັນສະຖານທີ່ໃນການສຶກສາວັດທະນະທໍາລາວ ແລະ ເປັນຈຸດເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ ແລະ ຈະເປັນກໍາລັງແຮງທີ່ສໍາຄັນໃນການປະກອບສ່ວນທາງດ້ານການປົກປັກຮັກສາວັດທະນະທໍາ ແລະ ດ້ານເສດຖະກິດຂອງເມືອງນາຊາຍທອງ ໃຫ້ມີຄວາມຈະເລີນກ້າວໜ້າຂຶ້ນໄປເລື້ອຍໆ.

ในภาพอาจจะมี รถยนต์, ต้นไม้, ท้องฟ้า, บ้าน และสถานที่กลางแจ้ง

ທ່ານ ນາງ ນິດຕະຍາ ບຸດປະເສີດ ປະທານແຫຼ່ງທ່ອງທ່ຽວດ້ານວັດທະນະທໍາ ໄດ້ກ່າວວ່າ: ມາຮອດປັດຈຸບັນເຫັນວ່າທຸລະກິດທ່ອງທ່ຽວເປັນທຸລະກິດໜຶ່ງທີ່ສາມາດສົ່ງເສີມບຸກຄະລາກອນມີຄວາມສາມາດ ເພື່ອເຮັດໃຫ້ນັກທ່ອງທ່ຽວເຂົ້າມາຮູ້ຈັກປະເພນີລາວຕົວຈິງ ເພາະການເຂົ້າມາຂອງນັກທ່ອງທ່ຽວ ບາງເທື່ອອາດບໍ່ຖືກລະດູການ ຫຼື ເທດສະການທີ່ເຂົາເຈົ້າຮູ້ມາ. ສະນັ້ນ, ຈຶ່ງເກີດມີໂຄງການແຫຼ່ງທ່ອງທ່ຽວວັດທະນະທໍາລາວ ເພື່ອສື່ສານໃຫ້ນັກທ່ອງທ່ຽວເຂົ້າໃຈ.

ในภาพอาจจะมี 2 คน, รวมถึง Ty Keo, ผู้คนกำลังยืน, ผู้คนกำลังนั่ง และสถานที่กลางแจ้ง

ການບໍລິການຈະເປັນຮູບແບບໜຶ່ງທີ່ແຕກຕ່າງ, ເນັ້ນການໃຊ້ເງິນກີບລາວ ໂດຍທາງເຮົາຈະມີຈຸດແລກປ່ຽນ ໂດຍບໍ່ຄິດກໍາໄລຈາກການແລກປ່ຽນ, ເນັ້ນການສົ່ງເສີມໃຫ້ປະຊາຊົນຢຸດໃຊ້ກ່ອງໂຟມ ຈະເນັ້ນວັດສະດຸທີ່ໄດ້ຈາກທໍາມະຊາດ ເປັນຕົ້ນແມ່ນ ໃບຕອງ, ບັ້ງໄມ້ໄຜ່ ແລະ ອື່ນໆ ເຊິ່ງວັດສະດຸທີ່ໃຊ້ແມ່ນຜ່ານການຂ້າເຊື້ອແລ້ວ.

ໂຄງການສະຖານທີ່ທ່ອງທ່ຽວວັດທະນະທໍາລາວ ໄດ້ປຸກເຮືອນຊົງລາວ ເພື່ອສະແດງເຖິງວິຖີການດໍາລົງຊີວິດຂອງຊາວລາວ, ສ້າງສະຖານທີ່ທ່ຽວຊົມໃຫ້ຢູ່ໃນສະພາບແວດລ້ອມທີ່ເປັນວັດທະນະທໍາລາວ ແລະ ເອກະລັກຂອງລາວ, ນໍາໃຊ້ເງິນກີບລາວທີ່ຜະລິດໃນປີ ຄ.ສ 1979, ມີຮ້ານຄ້າ ແລະ ຮ້ານອາຫານທີ່ເປັນເອກະລັກສະໄໝບູຮານລາວ ເຊິ່ງຊາວບ້ານຈະເປັນຜູ້ນໍາມາຈໍາໜ່າຍດ້ວຍຕົນເອງ, ກໍານົດການນຸ່ງຖືແບບລາວ ແລະ ທາງສະຖານທີ່ທ່ອງທ່ຽວໄດ້ມີເຄື່ອງນຸ່ງໄວ້ບໍລິການແກ່ນັກທ່ອງທ່ຽວ.

ในภาพอาจจะมี ต้นพืช, ต้นไม้, ท้องฟ้า และสถานที่กลางแจ้ง

ສໍາລັບນັກທ່ອງທ່ຽວມີສ່ວນຮ່ວມໃນການປຸງແຕ່ງອາຫານລາວ ລວມທັງມີສ່ວນຮ່ວມໃນການສະແດງ ພ້ອມທັງມີການຜ່ອນຄາຍດ້ວຍການນວດຕີນແບບພື້ນເມືອງ, ສະປາມືດ້ວຍສະໝຸນໄພ, ການສະແດງຮີດຄອງລາວໃນແຕ່ລະໄລຍະຂອງລະດູການ.

ສ່ວນແຜນການພັດທະນາໂຄງການ ຈະເນັ້ນພັດທະນາແຫຼ່ງທ່ອງທ່ຽວ ເພື່ອຮອງຮັບການທ່ອງທ່ຽວລະດັບຊາດ, ສ້າງບຸກຄະລາກອນ, ຊ່າງຫັດຖະກໍາທີ່ມີຄວາມສາມາດ ແລະ ສິນທໍາປະຕິວັດ, ມີການສະແດງຮູບແບບປະເພນີລາວ ແລະ ຊົນເຜົ່າ, ນັກທ່ອງທ່ຽວທີ່ເຂົ້າມາຕ້ອງໄດ້ນຸ່ງຖືແບບລາວ ແລະ ໃຊ້ເງິນກີບ.

ในภาพอาจจะมี สถานที่กลางแจ้ง

ຜົນໄດ້ຮັບຈາກການພັດທະນາຈະເປັນການຮັກສາໄວ້ ວັດທະນະທໍາຂອງຊາດລາວ ເຮັດໃຫ້ນັກທ່ອງທ່ຽວມີຄວາມປະທັບໃຈໃນຄວາມເປັນລາວ ເຊິ່ງມີເອກະລັກຂອງລາວ ແລະ ທໍານຽມອັນດີງາມຂອງຊາດລາວ, ຊາວບ້ານສາມາດສ້າງລາຍຮັບໃຫ້ແກ່ຄອບຄົວ, ເຮັດໃຫ້ການດໍາລົງຊີວິດຂອງປະຊາຊົນໃນຂົງເຂດໄດ້ຮັບການພັດທະນາດີຂຶ້ນ, ສ້າງວິໄສທັດໃຫ້ເຍົາວະຊົນໃຫ້ມີຄວາມຮູ້ – ຄວາມສາມາດ ເພື່ອນໍາໃຊ້ໃນການພັດທະນາປະເທດຊາດ, ເປັນການພັດທະນາທັງບຸກຄະລາກອນ ແລະ ຮັກສາໄວ້ວັດທະນະທໍາລາວໃຫ້ຄົງຢູ່ແບບຍືນຍົງ.

ในภาพอาจจะมี หนึ่งคนขึ้นไป และสถานที่กลางแจ้ง

ທ່ານ ນາງ ນິດຕະຍາ ບຸດປະເສີດ ກ່າວຕື່ມອີກວ່າ: ສໍາລັບການສະແດງແບ່ງອອກເປັນສອງພາກ ພາກເຊົ້າເລີ່ມແຕ່ເວລາ    11:00 – 12:00 ໂມງ ຈະມີ 3 ລາຍການສະແດງ ຄື: ການແຫ່ນາກ, ການແຫ່ເຂີຍ ແລະ ຂະບວນຊົນເຜົ່າຕ່າງໆ; ພາກທ່ຽງເລີ່ມຈາກເວລາ 15:00 – 15:30 ໂມງ ຈະມີ 3 ລາຍການສະແດງ ຄື: ຕີຄີ, ບຸນບັ້ງໄຟ ແລະ ຂະບວນຊົນເຜົ່າຕ່າງໆ.

ในภาพอาจจะมี สถานที่กลางแจ้ง

ການແບ່ງເຂດທ່ອງທ່ຽວດ້ານໜ້າ ຈະເປັນເຂດຮ້ານຂາຍເຄື່ອງຂອງຊາວບ້ານ, ຂາຍສິນຄ້າປອດສານພິດ, ເປັນສະຖານທີ່ຈອດພາຫະນະບູຮານ, ໃນຕຶກໃຫຍ່ຈະມີການວາງສະແດງການແກະສະຫຼັກຜະລິດຕະພັນໄມ້ ທີ່ສະແດງໃຫ້ເຫັນເຖິງວັດທະນະທໍາຂອງລາວແຕ່ເໜືອເຖິງໃຕ້, ຈະມີຫ້ອງສໍາລັບນັກທ່ອງທ່ຽວປ່ຽນຊຸດ ເຊິ່ງຈະເນັ້ນຊຸດລາວເປັນຫຼັກ, ມີພິພິທະພັນນ້ອຍ 7 ຫ້ອງ ເຊິ່ງຈະແບ່ງອອກເປັນແຕ່ລະກິດຈະກໍາ. ໃນນັ້ນ, ຈະມີແຕ້ມຮູບ, ຕໍ່າຫູກ, ບາສີ – ສູ່ຂວັນ, ຊົນເຜົ່າ; ສະປາມືເຮັດດ້ວຍທຽນທີ່ຜະລິດມາຈາກໃບເຕີຍຫອມ, ດອກມະລີ, ບ້ານແປດແສນ, ມີເຮືອນຄົວສໍາລັບສອນນັກທ່ອງທ່ຽວແຕ່ງກິນແບບລາວໆ.

ในภาพอาจจะมี 12 คน, รวมถึง La Keoathiphanh, คนที่ยิ้ม

ແຫຼ່ງທ່ອງທ່ຽວດ້ານວັດທະນະທໍາ ຕັ້ງຢູ່ຖະໜົນ 13 ເໜືອ ບ້ານນາຊາຍທອງເໜືອ ເມືອງນາຊາຍທອງ ນະຄອນຫຼວງວຽງຈັນ.

ເປີດໃຫ້ບໍລິການ ແຕ່ 10:00 ໂມງ ເປັນຕົ້ນໄປ.

%d bloggers like this: