ທາງການ! ແມນຢູ ແຕ່ງຕັ້ງ ໂຊລຊາ ຄຸມທີມຖາວອນ ພ້ອມສັນຍາ 3 ປີ

ແມນເຊັສເຕີ ຢູໄນເຕັດ ປະກາດຜ່ານທາງເວັບໄຊຂອງສະໂມສອນຢ່າງເປັນທາງການ ໃນການໃຫ້ສັນຍາຖາວອນກັບ ໂອເລ ກຸນນາ ໂຊຊາ ຜູ້ຈັດການທີມຊົ່ວຄາວແລ້ວ ໂດຍເຊັນຍາວ 3 ປີ.

ກ່ອນໜ້ານີ້ ໂຊລຊາ ຖືກແມນຢູໄນເຕັດ ຢືມຕົວມາກຈາກ ໂມລ ສະໂມສອນຈາກນັອກແວ ເມື່ອວັນທີ 19 ທັນວາ ປີທີ່ຜ່ານມາ ໂດຍສັນຍາຈະມີຜົນຈົນຈົບລະດູການນີ້ ເຊິ່ງ ແມນຢູ  ຫວັງຈະໃຫ້ ໂຊລຊາ ເຂົ້າມາກອບກູ້ສະຖານະການຂອງທີມທີ່ເຄີຍມີຜົນງານຢູ່ໃນສະພາບຕົກຕ່ຳ ພາຍໃຕ້ການຄຸມທີມຂອງ ໂຊເຊ ມູຣິນໂຢ.

ในภาพอาจจะมี 1 คน, ข้อความ

ແຕ່ໃນປັດຈຸບັນ ຜູ້ຈັດການທີມຊົ່ວຄາວກໍ່ສ້າງຜົນງານໄດ້ດີຫຼາຍຈົນ ແມນຢູ ກາຍເປັນຄົນລະທີມຈາກກ່ອນໜ້ານີ້ ຫຼັງພາທີມຊະນະເຖິງ 14 ນັດ ສະເໝີ 2 ນັດ ແພ້ 3 ຈາກການຄຸມທີມທັງໝົດ 19 ນັດ ໃນທຸກລາຍການ.

ຫຼ້າສຸດ ທາງສະໂມສອນ ແມນເຊັສເຕີ ຢູໄນເຕັດ ກໍ່ໄດ້ປະກາດອອກມາຢ່າງເປັນທາງການຜ່ານເວັບໄຊຂອງສະໂມສອນແລ້ວ ໂອເລ ກຸນນາ ໂຊລຊາ ຈະໄດ້ຄຸມທີມຍາວ 3 ປີ.

ในภาพอาจจะมี 7 คน

ຫຼັງໄດ້ຮັບສັນຍາຖາວອນ ໂຊລຊາ ກໍ່ໄດ້ໃຫ້ສຳພາດວ່າ “ຈາກມື້ທໍາອິດທີ່ຂ້ອຍໄດ້ກັບມາ, ຂ້ອຍຮູ້ສຶກວ່າຢູ່ເຮືອນ ຢູ່ໃນສະໂມສອນທີ່ພິເສດແຫ່ງນີ້, ມັນເປັນກຽດທີ່ໄດ້ເປັນນັກເຕະຂອງແມນເຊັສເຕີ ຢູໄນເຕັດ ແລະ ຫຼັງຈາກນັ້ນ ກໍ່ໄດ້ກັບມາເປັນຜູ້ຈັດການທີມທີ່ນີ້. ໃນສອງສາມເດືອນຜ່ານມານີ້ ເປັນປະສົບການທີ່ດີຫຼາຍ ແລະ ຂ້ອຍຕ້ອງຂໍຂອບໃຈທຸກໆທ່ານທັງໂຄດ, ນັກເຕະ ແລະ ທີມງານທຸກຄົນ ສໍາລັບວຽກທີ່ພວກເຮົາໄດ້ເຮັດມາເຖິງຕອນນັ້ນ. ມັນແມ່ນວຽກໃນຝັນທີ່ຂ້ອຍຢາກເຮັດ ແລະ ຂ້ອຍກະຕືລືລົ້ນທີ່ມີໂອກາດທີ່ຈະນໍາພາສະໂມສອນໃນໄລຍະຍາວ ແລະ ຫວັງວ່າຈະປະສົບຜົນສໍາເລັດຢ່າງຕໍ່ເນື່ອງຕາມທີ່ກອງເຊຍຂອງພວກເຮົາຄວນໄດ້ຮັບ”.

%d bloggers like this: