ແມ່ຖືພາມືໃໝ່ຄວນຮູ້!! 3 ວິທີດູແລຕົວເອງ ເມື່ອມີອາການແພ້ທ້ອງ!!

ອາການແພ້ທ້ອງຖືເປັນອາການປົກະຕິຂອງຄົນຖືພາ ເຊິ່ງແຕ່ລະຄົນກໍ່ມີອາການແພ້ແຕກຕ່າງກັນໄປ ບາງຄົນເມື່ອເລີ່ມຖືພາ ກໍ່ເກີດມີອາການແພ້ໂລດ ແຕ່ໃນຂະນະບາງຄົນອາຍຸການຖືພາໄດ້ 4-6 ອາທິດ ຈຶ່ງເກີດມີການແພ້ທ້ອງກໍ່ມີ, ແຕ່ທັງນີ້ທັງນັ້ນ ການແພ້ທ້ອງ ມັນໄດສ້າງຄວາມລໍາບາກໃຫ້ກັບແມ່ຖືພາຫຼາຍທ່ານ ເນື່ອງຈາກຮັບປະທານອາຫານເຂົ້າໄປແລ້ວມີອາການປວດຮາກ ແລະ ຮູ້ສຶກອິດເມື່ອຍ ສະນັ້ນຄົນແພ້ທ້ອງຕ້ອງດູແລຕົວເອງໃຫ້ດີ ມື້ນີ້ແອັດມິນມີ 3 ວີທີດູແລຕົວເອງໃນໄລຍະແພ້ທ້ອງມາຝາກເຊິ່ງຈະເປັນແນວໃດນັ້ນເຮົາມາອ່ານໄປພ້ອມກັນເລີຍ

ພາບປະກອບຂ່າວ

 

ໃສ່ໃຈເລື່ອງການເລືອກອາຫານມາກິນແຕ່ລະເທື່ອ: ໃນໄລຍະແພ້ທ້ອງເປັນຊ່ວງເບື່ອອາຫານເຮັດໃຫ້ກິນໄດ້ໜ້ອຍ ເພາະຮູ້ສຶກເໝັນຂິວກິ່ນອາຫານ ຫາກຮູ້ວ່າຕົວເອງບໍ່ສາມາດກິນເຂົ້າໄດ້ຫັນມາກິນ ຂະໜົມປັງ, ເຂົ້າຈີ່, ນົມອຸ່ນ, ໝາກໄມ້ ຫຼື ນໍ້າໝາກໄມ້ແທນລອງກິນໃນຕອນເຊົ້າຈະຊ່ວຍຫຼຸດຜ່ອນອາການແພ້ທ້ອງໄດ້

ພາບປະກອບຂ່າວ

 

ຫຼຸດການກິນອາຫານປະເພດໄຂມັນອີ່ມຕົວ: ອາຫານປະເພດໄຂມັນອີ່ມຕົວເຊັ່ນ: ນ້ຳມັນໝູ, ຄຣີມ, ນົມ, ເນີຍ ແລະ ໄຂມັນສັດ ເປັນຕົ້ນ ເພາະມັນຈະເຮັດໃຫ້ແມ່ຖືພາມີອາການວິນຫົວປວດຮາກກວ່າເພີ່ມຂຶ້ນ

ພາບປະກອບຂ່າວ

 

 ຫຼີກລ່ຽງການສູດດົມກິ່ນທີ່ຮູ້ສຶກວ່າເໝັນ, ຂິວ: ບໍ່ວ່າຈະເປັນກິ່ນອາຫານ, ກິ່ນນ້ຳຫອມ ຫຼື ກິ່ນອື່ນໆທີ່ເຮັດໃຫ້ທ່ານຮູ້ສຶກວິນຫົວປວດຮາກໃນໄລຍະແພ້ທ້ອງນີ້ຄວນຢູ່ຫ່າງໄກຈາກກິນພວກນີ້ແມ່ນຈະດີທີ່ສຸດ

 

ພາບປະກອບຂ່າວ

%d bloggers like this: