ໂຄງການລົດໄຟ ລາວ – ຈີນ ສຳເລັດແລ້ວ 60%

ໂຄງການກໍ່ສ້າງເສັ້ນທາງລົດໄຟ  ລາວ – ຈີນ ມີຄວາມຄືບໜ້າປະມານ 60% ສ່ວນການຂຸດເຈາະອຸມົງສຳເລັດ 1 ແຫ່ງ ໃນຈຳນວນ 10 ແຫ່ງທີ່ຍາວທີ່ສຸດ.

ບໍລິສັດ ທາງລົດໄຟ ລາວ – ຈີນ ຈຳກັດ ໄດ້ຈັດພິທີຊົມເຊີຍຜົນສຳເລັດການຊີເຈາະອຸມົງບໍ່ເຕນໂຄງການລົດໄຟ ລາວ – ຈີນ ວັນທີ 21 ມີນາຜ່ານມາ ທີ່ປາກອຸມົງທາງອອກບໍ່ເຕ່ນ ເມືອງຫຼວງນໍ້າທາ ແຂວງ ຫຼວງນໍ້າທາ ໂດຍການເຂົ້າຮ່ວມຂອງ ທ່ານ ຄຳສຸກ ບຸນຍະວົງ ຮອງປະທານຄະນະກວດກາສູນກາງພັກ, ຫົວໜ້າຄະນະສະເພາະກິດຕິດຕາມກວດກາການປະຕິບັດສັນຍາໂຄງການກໍ່ສ້າງທາງລົດໄຟ ລາວ – ຈີນ, ທ່ານ ຈູ່ກົວຈ່ຽງ ປະທານສະພາບໍລິຫານ ບໍລິສັດ ລົດໄຟ ລາວ – ຈີນ ຈຳກັດ ແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ในภาพอาจจะมี หนึ่งคนขึ้นไป

ທ່ານ ໂຈ່ວຊຽວເຊຍ ຫົວໜ້າໂຄງການສັນຍາໄລຍະທີ 1 ໂຄງການທາງລົດໄຟ ລາວ – ຈີນ ລາຍງານວ່າ: ອຸມົງບໍ່ເຕນ ມີຄວາມຍາວທັງໝົດ 6.453,5 ແມັດ ທີ່ນອນຢູ່ໃນອຸມົງ 10 ອຸມົງຂະໜາດໃຫຍ່ ທີ່ມີຄວາມຍາວຫຼາຍກວ່າ 5 ກິໂລແມັດຂຶ້ນໄປ ເປັນໂຄງການໜຶ່ງທີ່ຈະສ້າງເປັນຕົວແບບດີເດັ່ນ, ໄລຍະກໍ່ສ້າງອຸມົງດັ່ງກ່າວພົບຄວາມຫຍຸ້ງຍາກ ແລະ ອຸປະສັກຫຼວງຫຼາຍ ໂດຍສະເພາະແມ່ນທາງດ້ານສະພາບທໍລະນີສາດ, ໃນການກໍ່ສ້າງອຸມົງແມ່ນໄດ້ແບ່ງເປັນ 4 ເຂດກໍ່ສ້າງ ຄື: ເຂດທາງເຂົ້າປາກອຸມົງ, ເຂດທາງອອກອຸມົງ ແລະ ເຂດກໍ່ສ້າງອຸມົງສອງເຂດ ນັບຕັ້ງແຕ່ໄດ້ເລີ່ມການລົງມືກໍ່ສ້າງເປັນຕົ້ນມາແມ່ນໄດ້ປະຕິບັດຕາມເປົ້າໝາຍການກໍ່ສ້າງ.

ในภาพอาจจะมี ท้องฟ้า, เมฆ และสถานที่กลางแจ้ง

ການກໍ່ສ້າງແມ່ນໄດ້ເລີ່ມມາແຕ່ເດືອນມີນາ 2017 ໄດ້ຈັດຕັ້ງປະຕິບັດຕາມຄວາມຕ້ອງການໃນການຄຸ້ມຄອງມາດຕະຖານຢ່າງເຂັ້ມງວດ, ເສີມສ້າງຄວາມປອດໄພ ແລະ ຄວບຄຸມຄຸນນະພາບພາຍໃນສະໜາມ, ໃຊ້ເຄື່ອງອຸປະກອນກໍ່ສ້າງອຸມົງຢ່າງຄົບຊຸດ, ພະຍາຍາມດຳເນີນການຄົ້ນຄວ້າວິທະຍາສາດ ແລະ ເຕັກໂນໂລຊີຢ່າງເຂັ້ມແຂງ, ໂຄງການກໍ່ສ້າງອຸມົງບໍ່ເຕນ ໂດຍແມ່ນບໍລິສັດກໍ່ສ້າງທາງລົດໄຟຈີນ ເລກ 5 ເປັນຜູ້ຮັບເໝົາກໍ່ສ້າງ.

ในภาพอาจจะมี รถยนต์ และสถานที่กลางแจ้ง

ທ່ານ ຄຳສຸກ ບຸນຍະວົງ ກ່າວວ່າ: ດ້ວຍການຕິດຕາມກວດກາຢ່າງໃກ້ຊິດຂອງການນໍາຝ່າຍຈີນ, ດ້ວຍຄວາມບາກບັ່ນສູ້ຊົນຂອງບໍລິສັດ ກໍຄືຄວາມຮັບຜິດຊອບຂອງວິສະວະກອນ, ພະນັກງານ, ກຳມະກອນ, ບໍລິສັດ ທາງລົດໄຟ ລາວ – ຈີນ ຈຳກັດ ແລະ ການປະກອບສ່ວນເອື້ອອຳນວຍຄວາມສະດວກ ແລະ ຕິດຕາມ, ກວດກາຂອງພາກລັດຖະບານຂັ້ນສູນກາງ ແລະ ທ້ອງຖິ່ນ ພ້ອມທັງປະຊາຊົນລາວຜູ້ທີ່ຖືກຜົນກະທົບເຮັດໃຫ້ການຊີເຈາະອຸມົງບໍ່ເຕນ ມີຄວາມຍາວ 6.453,5 ແມັດ ທີ່ມີການກໍ່ສ້າງຢ່າງວ່ອງໄວດີເດັ່ນ ແລະ ສຳເລັດໄປດ້ວຍດີ ມີຄວາມປອດໄພສູງ, ຮັບປະກັນດ້ວຍຄວາມປອດໃສ ແລະ ເປັນມິດກັບສິ່ງແວດລ້ອມ ໂດຍເປັນໜຶ່ງໃນການຊີເຈາະຕົ້ນແບບທາງດ້ານວິສະວະກຳຂອງໂຄງການດັ່ງກ່າວ ຜົນສຳເລັດນີ້ຈະເປັນການປະກອບສ່ວນສຳຄັນເຂົ້າໃນກອງປະຊຸມ “ ໜຶ່ງແລວໜຶ່ງເສັ້ນທາງ ສະໄໝທີ 2 ” ທີ່ຈະຈັດຂຶ້ນຢູ່ນະຄອນຫຼວງປັກກິ່ງ ໃນໄວໆນີ້ ທັງເປັນການສ້າງໃຫ້ປະຊາຊົນລາວມີຄວາມເຊື່ອໝັ້ນ ແລະ ເອກອ້າງຕໍ່ບັນດາປະເທດຕ່າງໆກ່ຽວກັບການສ້າງທາງລົດໄຟ ລາວ – ຈີນ ແລະ ຈະມີຜົນສຳເລັດຕາມແຜນການທີ່ໄດ້ກຳນົດໄວ້.

ในภาพอาจจะมี เมฆ, ท้องฟ้า, ภูเขา, สถานที่กลางแจ้ง, ธรรมชาติ และน้ำ

ມາເຖິງປັດຈຸບັນ ໂຄງການກໍ່ສ້າງລົດໄຟ ລາວ – ຈີນ ມີຄວາມຄືບໜ້າແລ້ວທັງໝົດ ປະມານ 60% ໂດຍສະເພາະແມ່ນໜ້າວຽກການຂຸດເຈາະອຸມົງ ນ້ອຍ – ໃຫຍ່ ທີ່ລວມໃນໂຄງການທັງໝົດປະມານ 75 ອຸມົງ. ໃນນີ້, ມີ 10 ອຸມົງທີ່ຍາວກວ່າໝູ່ ອຸມົງບໍ່ເຕນແມ່ນຍາວ ອັນດັບທີ 2 ຮອງຈາກອຸມົງທີ່ກຳລັງມີການຂຸດເຈາະຢູ່ຈຸດເຊື່ອມຕໍ່ຊາຍແດນ  ລາວ – ຈີນ ແຕ່ຍັງບໍ່ທັນມີການລາຍງານເຖິງຄວາມຄືບໜ້າໃນການຂຸດເຈາະເທື່ອ.

ในภาพอาจจะมี ท้องฟ้า และสถานที่กลางแจ้ง

ໂຄງການທາງລົດໄຟ ລາວ – ຈີນມີ ຄວາມຍາວ 414 ກິໂລແມັດ ມູນຄ່າການລົງທຶນ ປະມານ 6 ຕື້ໂດລາ ລັດຖະບານລາວຖືຫຸ້ນ ປະມານ 30 ເປີເຊັນ ແລະ ຈີນ ຖືຫຸ້ນປະມານ 70 ເປີເຊັນ ກໍານົດເວລາສໍາເລັດໂຄງການ ໃນປີ 2021.

%d bloggers like this: