ຍັງມີຫຼາຍປັດໄຈເຮັດໃຫ້ສູນການຄ້າບໍ່ປະສົບຜົນສຳເລັດ

ນະຄອນຫຼວງວຽງຈັນ ມີສູນການຄ້າເກີດຂຶ້ນເປັນຈໍານວນຫຼາຍ ແລະ ຫຼາຍກວ່າ 10 ແຫ່ງ ເປີດໃຫ້ບໍລິການຢ່າງສົມບູນ ແຕ່ໃນທາງກັບກັນເຫັນວ່າຫຼາຍແຫ່ງພັດບໍ່ເປັນທີ່ສົນໃຈຈາກຜູ້ປະກອບການຂາຍສິນຄ້າພໍເທົ່າໃດ ສັງເກດໄດ້ຈາກຈໍານວນຫ້ອງທີ່ວາງຂາຍສິນຄ້າ.

ຈາກປະສົບການຜູ້ເຮັດສູນການຄ້າມາຫຼາຍກວ່າ 30 ປີ ບອກວ່າ: ການເຮັດສູນການຄ້າບໍ່ໝາຍແຕ່ວ່າຕັ້ງຕຶກອາຄານຂຶ້ນມາແລ້ວຈະເປີດໃຫ້ຊາວຄ້າຂາຍມາຈັບຈອງຂາຍພຽງຢ່າງດຽວ ຕ້ອງມີຫຼາຍອົງປະກອບ ແລະ ທີ່ສໍາຄັນສູນການຄ້າທີ່ປະສົບຜົນສໍາເລັດຕ້ອງໃຊ້ເວລາຢ່າງໜ້ອຍ 3 – 5 ປີ ເຮົາມາອ່ານບົດວິເຄາະໄປພ້ອມກັນເລີຍ.

ในภาพอาจจะมี 1 คน, กำลังนั่ง และสถานที่ในร่ม

ທ່ານ ສົມບັດ ສີຣິພອນວິດທະຍາ ຜູ້ອໍານວຍການສູນການຄ້າທາດຫຼວງພລາຊາ ໄດ້ກ່າວວ່າ: ພາບລວມຂອງສູນການຄ້າໃນນະຄອນຫຼວງວຽງຈັນ ມີຈໍານວນຫຼາຍ ແລະ ເກືອບທັງໝົດບໍ່ປະສົບຜົນສໍາເລັດ ບໍ່ສາມາດດໍາເນີນກິດຈະການຕ່າງໆໃຫ້ມັນສົມບູນ 100% ເຊິ່ງມີເຫດຜົນຫຼັກໆຢູ່ຫຼາຍປະການ. ແຕ່ຖ້າຈະຍົກໃຫ້ເປັນຕົວຢ່າງ ເປັນຕົ້ນວ່າ: ເລື່ອງຂອງຂອດສະໜອງ ແລະ ຄວາມຕ້ອງການ ( ດີມານ – ຊັບຟາຍ ) ບໍ່ລົງຕົວກັນ, ການສ້າງຫ້າງສັບພະສິນຄ້າ ຫຼື ສູນການຄ້າ ແມ່ນຂາດຄວາມເຂົ້າໃຈເຖິງປະລິມານຜູ້ບໍລິໂພກໃນ ສປປ ລາວ.

ในภาพอาจจะมี สถานที่ในร่ม

ສູນການຄ້າທາດຫຼວງພລາຊາຕັ້ງແຕ່ເປີດໃຫ້ບໍລິການເຫັນໄດ້ວ່າຜູ້ປກອບການເຊື່ອໝັ້ນ ໂດຍໄດ້ເຂົ້າມາຕົກແຕ່ງພື້ນທີ່ຄ້າຂາຍ ແລະ ຈອງພື້ນທີ່ໂດຍລວມໄດ້ 80% ເຊິ່ງມາຮອດປັດຈຸບັນເປີດໃຫ້ບໍລິການລູກຄ້າໄດ້ 4 ຊັ້ນ ແລະ ເຫັນວ່າຈໍານວນລູກຄ້າກໍເລີ່ມເຂົ້າມາໃຊ້ບໍລິການຫຼາຍຂຶ້ນ, ປະກອບກັບທາງສູນການຄ້າກໍໄດ້ຈັດກິດຈະກໍາຢ່າງຕໍ່ເນື່ອງ.

ທ່ານ ສົມບັດ ສີຣິພອນວິດທະຍາ ກ່າວຕື່ມອີກວ່າ: ສໍາລັບສູນການຄ້າໃນ ສປປ ລາວ ຍັງມີອຸປະສັກຢູ່ທີ່ບໍ່ສາມາດນໍາລິຂະສິດ ຫຼື ຍີ່ຫໍ້ສິນຄ້າຕ່າງໆ ທີ່ເປັນຕະຫຼາດເທິງ ( ຄົນມີເງິນຫຼາຍ ) ບໍ່ສາມາດເອົາຍີ່ຫໍ້ເຂົ້າມາຂາຍໄດ້ໂດຍກົງ ຈຶ່ງເຮັດໃຫ້ຕະຫຼາດເທິງຍັງບໍ່ສາມາດເຕີບໂຕໃນປະເທດລາວ. ສ່ວນຕະຫຼາດກາງ ແລະ ຕະຫຼາດລຸ່ມ ແມ່ນສາມາດຢູ່ໄດ້ແຕ່ຈະມາແຂ່ງຂັນກັນດ້ານກົນລະຍຸດ, ຄວາມແຕກຕ່າງເລື່ອງບໍລິການສູນການຄ້າທາດຫຼວງພລາຊາເຮົາໃຊ້ວິທີສະໜັບສະໜູນລູກຄ້າ, ບໍ່ເອົາປຽບລູກຄ້າໃຫ້ລູກຄ້າມີກໍາໄລ.

ในภาพอาจจะมี สถานที่ในร่ม

ທ່ານກ່າວເນັ້ນອີກວ່າ: ການດໍາເນີນທຸລະກິດສູນການຄ້າຕ້ອງມີຄວາມໃຈເຢັນ, ລໍຄອຍ ແລະ ເຂົ້າໃຈກົນໄກເສດຖະກິດ ເພາະສະນັ້ນແລ້ວບໍ່ວ່າຜູ້ທີ່ເປັນເຈົ້າຂອງສູນການຄ້າ, ຊາວຄ້າຂາຍຕ້ອງເຮັດການຕະຫຼາດຮ່ວມກັນ ເຊິ່ງຢ່າງໜ້ອຍຕ້ອງໃຊ້ເວລາ 3 – 5 ປີ ຈຶ່ງຈະເຮັດໃຫ້ສູນການຄ້າເປັນທີ່ຮູ້ຈັກ ແລະ ເຕີບໃຫຍ່ໄດ້.

ສ່ວນການເປີດນໍາໃຊ້ທາງລົດໄຟ ລາວ – ຈີນ ຈະເປັນໂອກາດໃຫ້ເຈົ້າຂອງສູນການຄ້າມີການຂະຫຍາຍຕົວເພີ່ມຂຶ້ນ ເພາະປະຊາກອນທີ່ມາຈາກປະເທດຈີນ ເປັນປະຊາກອນທີ່ໜ້າຈະນໍາເງິນເຂົ້າມາໃນປະເທດ ເປັນຕົ້ນອາດຈະມາທ່ຽວ – ມາຊົມຊື້ສິນຄ້າຢູ່ພາຍໃນ ຈາກຈຸດນີ້ເອງກໍຈະເຮັດໃຫ້ກໍາລັງຊື້ເພີ່ມຂຶ້ນ ແລະ ເສດຖະກິດກໍດີຂຶ້ນຕາມໆກັນ.

ในภาพอาจจะมี 1 คน

ທ່ານ ນາງ ນວນສີ ມະຫັດທະນະວິໂຣດ ຮອງຜູ້ອໍານວຍການສູນການຄ້າວຽງຈັນ ເຊັນເຕີ ໄດ້ກ່າວວ່າ: ຈາກປະສົບການທີ່ມາຢູ່ໃນນະຄອນຫຼວງວຽງຈັນໃໝ່ໆ ພົບວ່າຄົນລາວໄປຊື້ເຄື່ອງທີ່ຝັ່ງໄທຈໍານວນຫຼາຍ ບໍ່ວ່າຈະເປັນຈັງຫວັດອຸດອນ – ໜອງຄາຍ ເນື່ອງຈາກພາຍໃນບໍ່ມີບ່ອນຊື້ ຈາກຈຸດນີ້ເອງຈຶ່ງເຮັດໃຫ້ຫ້າງສັບພະສິນຄ້າ ຫຼື ສູນການຄ້າຈຶ່ງເກີດໃນນະຄອນຫຼວງວຽງຈັນ ຖ້າໃຜເປີດກ່ອນກໍມີໂອກາດ ສ່ວນສະຖານທີ່ໃດຈະເຕີບໂຕ ຫຼື ບໍ່ແມ່ນຂຶ້ນກັບສະຖານທີ່ໆເໝາະສົມ ລວມທັງຍີ່ຫໍ້ສິນຄ້າສາມາດຕອບໂຈດກັບຄວາມຕ້ອງການ ຫຼື ບໍ່ ບາງບ່ອນເປີດໃຫ້ບໍລິການແລ້ວບໍ່ປະສົບຜົນສໍາເລັດ ເພາະບາງຍີ່ຫໍ້ທີ່ເປັນຕະຫຼາດລຸ່ມຈະໃຫ້ໄປຕອບໂຈດຕະຫຼາດເທິງກໍບໍ່ໄດ້.

ในภาพอาจจะมี สถานที่ในร่ม

ສະນັ້ນ, ເຮົາຕ້ອງນໍາຍີ່ຫໍ້ສິນຄ້າທີ່ຕະຫຼາດຕ້ອງການເຂົ້າມາ ແລະ ສ້າງການຮັບຮູ້ໃຫ້ປະຊາຊົນ ວ່າເຮົາມີຂາຍສິນຄ້າພາຍໃນຂາຍແລ້ວບໍ່ຕ້ອງເດີນທາງໄປໄກ ແຕ່ລາຄາອາດແຕກຕ່າງ ເພາະວ່າຕ້ອງໄດ້ບວກຄ່າໃຊ້ຈ່າຍ, ຄ່າຂົນສົ່ງ ແລະ ອາກອນມູນຄ່າເພີ່ມ ເຊິ່ງຢູ່ໄທ 7% ສ່ວນຢູ່ລາວ 10% ໃນສ່ວນຕ່າງຈຸດນີ້ຖ້າຊື້ຢູ່ລາວຈະຄຸ້ມກວ່າໄປຊື້ຢູ່ໄທ ເນື່ອງຈາກເສຍຄ່າເດີນທາງ ແລະ  ຄ່າເສຍເວລາ.

%d bloggers like this: