ໜອກຄວັນ ຫຼື ຝຸ່ນລະອອງ PM 2.5 ຫຼຸດລົງຢູ່ລະດັບປານກາງແລ້ວ

ບັນຫາໝອກຄວັນ ຫຼື ຝຸ່ນລະອອງຂະໜາດນ້ອຍ 2.5 ໄມຄຣອນ ທີ່ປົກຄຸ້ມນະຄອນຫຼວງວຽງຈັນ ແລະ ເຂດໃກ້ຄຽງ ໃນອາທິດຜ່ານມາໄດ້ເລີ່ມຈາງລົງ ແລະ ລະດັບຄ່າວັດແທກຄວາມເຂັ້ມຂຸ້ນໃນອາກາດຫຼຸດລົງຢູ່ໃນລະດັບປານກາງແລ້ວ

ຈາກສະພາບໝອກຄວັນປົກຫຸ້ມຢູ່ພາຍໃນນະຄອນຫຼວງວຽງຈັນ ແລະ ບັນດາແຂວງໃກ້ຄຽງ ແມ່ນເລີ່ມຕັ້ງແຕ່ຕົ້ນອາທິດກ່ອນຜ່ານມາ ເຊິ່ງຫ້ອງການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກໍ່ໄດ້ອອກແຈ້ງການເຖິງສະພາບມົນລະພິດທາງອາກາດ ໃນວັນທີ 15 ມີນາ 2019 ວ່າ: ລະພາບມົນລະພິດທາງອາກາດ ໄດ້ເລີ່ມລະຫວ່າງ ວັນທີ 9 ຫາ 14 ມີນາ ໄດ້ເກີດມີສະພາບໝອກຄວັນປົກຫຸ້ມບໍລິເວນກວ້າງ ໂດຍອີງໃສ່ຜົນການວັດແທກຄຸນນະພາບຂອງອາກາດ ໂດຍສະຖາບັນຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ເຊິ່ງໄດ້ວັດແທກຄຸນນະພາບຂອງອາກາດຢູ່ສະຖານີວັດແທກ ກົມອຸຕຸນິຍົມ ແລະ ອຸທົກກະສາດ, ນະຄອນຫຼວງວຽງຈັນ ໂດຍວັດແທກຢ່າງຕໍ່ເນື່ອງຕະຫຼອດ 24 ຊົ່ວໂມງ ໃນແຕ່ລະວັນ ໄດ້ຊີ້ໃຫ້ເຫັນວ່າ ຄ່າຝຸ່ນລະອອງຂະໜາດ 2.5 ໄມຄຼອນ ຫຼື PM-2.5 ສູງກວ່າມາດຕະຖານ ແລະ ເພີ່ມຂຶ້ນຢ່າງຕໍ່ເນື່ອງ ເລີ່ມແຕ່ວັນທີ 11 ມີນາ 2019 ເປັນຕົ້ນມາ ເຫັນວ່າຄ່າຄວາມເຂັ້ມຂຸ້ນຂອງຝຸ່ນລະອອງ PM- 2.5  ສູງເຖິງ 108,9 µg/m3; ໃນວັນທີ 12 ມີນາ ເພີ່ມຂຶ້ນສູງເຖິງ 172,1 µg/m3 ເຊິ່ງສູງກວ່າຄ່າມາດຕະຖານສິ່ງແວດລ້ອມແຫ່ງຊາດຂອງ ສປປ ລາວ ທີ່ໄດ້ກຳນົດໄວ 50 µg/m3 ຫຼື ສູງກວ່າມາດຕະຖານສິ່ງແວດລ້ອມແຫ່ງຊາດ 3,5 ເທົ່າຕົວ ເຊິ່ງຖືເປັນລະດັບທີ່ອັນຕະລາຍ.

ມາເຖິງວັນທີ 13 ມີນາ ຄ່າຝຸ່ນລະອອງ PM-2.5 ໄດ້ເລີ່ມຫຼຸດລົງມາ 140,6 µg/m3, ເຊິ່ງຍັງສົ່ງຜົນຕໍ່ສຸຂະພາບຢູ່ ໂດຍຝຸ່ນລະອອງຂະໜາດນ້ອຍກວ່າ 2.5 ໄມຄຼອນ ເປັນມົນລະພິດທີ່ມີຂະໜາດນ້ອຍກວ່າ 1/25 ຂອງເສັ້ນຜ່ານສູນກາງເສັ້ນຜົນຂອງຄົນ ຫຼື ມີຂະໜາດ 1/2 ຂອງເມັດເລືອດແດງຂອງຄົນ.

ຈາກນັ້ນ, ມາຮອດວັນທີ 16 ມີນາ 2019 ສະຖາບັນຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ລາຍງານສະຖານະການ ຜົນການວັດແທກຝຸ່ນລະອອງ PM 2.5 ປະຈຳ ວັນທີ 16 ມີນາ 2019 ທີ່ ກົມອຸຕນິຍົມ ແລະ ອຸທົກກະສາດ ຈາກ ຂໍ້ມູນສະຖານີໃຫ້ຮູ້ວ່າ: ຄ່າຝຸ່ນລະອອງຂະໜາດ 2.5 ໄມຄຣອນ ຫຼື PM-2.5 ໃນວັນທີ 15 ມີນາ 2019 ຜ່ານມາ ຄ່າແມ່ນສູງເກີນມາດຕະຖານສິ່ງແວດລ້ອມແຫ່ງຊາດ ແມ່ນ 118.4 µg/m3, ສຳລັບ ໃນມື້ນີ້ ເລີ່ມຕັ້ງແຕ່ 01:00 ໂມງ ເຊົ້າ ທີ່ຜ່ານມາ ຫາ 07:00 ໂມງ ເຊົ້າ ວັດແທກໄດ້ສະເລ່ຍ ແມ່ນ 59.5 µg/m3. ຄ່າສຸດແມ່ນ ເວລາ 05:00 ໂມງ ເຊົ້າ ແມ່ນ 36.4 µg/m3 ແລະ ຄ່າສູງສຸດ ແມ່ນ ເວລາ 01:00 ໂມງ ເຊົ້າ ແມ່ນ 110.1 µg/m3. ການຈັດລະດັບ ຄຸນນະພາບອາກາດທີ່ມີຜົນກະທົບຕໍ່ສຸຂະພາບ ຕັ້ງແຕ່ເຊົ້າຂອງມື້ນີ້ ສະເລ່ຍຖືວ່າ ຢູ່ໃນລະດັບປານກາງ.

ในภาพอาจจะมี สถานที่ในร่ม

ຫຼ້າສຸດ,  ມາໃນວັນທີ 17 ມີນາ 2019 ສະຖາບັນຄົ້ນຄວ້າຊັບພະຍາກອນທໍາມະຊາດ ແລະ ສິ່ງແວດລ້ອມ ກໍ່ໄດ້ລາຍງານສະຖານະການ ຜົນການວັດແທກຝຸ່ນລະອອງ PM 2.5 ປະຈຳ ວັນທີ 17 ມີນາ 2019 ທີ່ ກົມອຸຕນິຍົມ ແລະ ອຸທົກກະສາດ ໄດ້ຊີ້ໃຫ້ເຫັນວ່າ ຄ່າຝຸ່ນລະອອງ ຂະໜາດ 2.5 ໄມຄຣອນ ຫຼື PM-2.5, ໃນວັນທີ 16 ມີນາ 2019 ທີ່ຜ່ານມາ ມີຄ່າແມ່ນສູງເກີນ ມາດຕະຖານສິ່ງແວດລ້ອມແຫ່ງຊາດພຽງເລັກນ້ອຍ ເຊິ່ງຄ່າທີ່ວັດແທກໄດ້ແມ່ນ 51.4 µg/m3. ສໍາລັບ ໃນມື້ນີ້ເລີ່ມຕັ້ງແຕ່ 01:00 ໂມງເຊົ້າທີ່ຜ່ານມາ ຫາ 07:00 ໂມງເຊົ້າ ວັດແທກໄດ້ສະເລ່ຍແມ່ນ 69.4 µg/m3. ຄ່າຕໍ່າສຸດແມ່ນ ເວລາ 06:00 ໂມງເຊົ້າ ແມ່ນ 57.7 µg/m3 ແລະ ຄ່າສູງສຸດແມ່ນ ເວລາ 01:00 ໂມງເຊົ້າ ແມ່ນ 82.6 µg/m3. ການຈັດລະດັບຄຸນນະພາບອາກາດທີ່ມີຜົນກະທົບຕໍ່ສຸຂະພາບຕັ້ງແຕ່ເຊົ້າຂອງມື້ນີ້ສະເລ່ຍຖືວ່າ ຢູ່ໃນລະດັບປານກາງ.

ไม่มีคำอธิบายรูปภาพ

ไม่มีคำอธิบายรูปภาพ

ລາຍງານ ສະຖານະຜົນການວັດແທກຝຸ່ນລະອອງ PM 2.5 ປະຈຳ ວັນທີ 17 ມີນາ 2019 ພາກແລງ

 

ไม่มีคำอธิบายรูปภาพ

ไม่มีคำอธิบายรูปภาพ

 

%d bloggers like this: