ອາກາດຮ້ອນນີ້ເລີຍ!! ນ້ຳກະທັນ ປະສົມ ກະຈຽບເຢັນໆຊື່ນໃຈ

ອາກາດຮ້ອນໆແບບນີ້ ເຊື່ອວ່າຫຼາຍໆທ່ານ ຄົງຈະຊອກຫາເຄື່ອງດື່ມ ທີ່ຊ່ວຍຄາຍຄວາມຮ້ອນຢູ່ແມ່ນບໍ, ເອົາເປັນວ່າມື້ນີ້ເຮົາລອງມາເຮັດ ນໍ້າກະທັນ ປະສົມ ກະຈຽບ ດື່ມຄາຍຮ້ອນກັນລອງເບິ່ງ ເຊິ່ງຈະມີຂັ້ນຕອນ ແລະ ການເຮັດແນວໃດໄປເບິ່ງນຳກັນເລີຍ!!

ສ່ວນປະສົມ:

  • ໝາກກະທັນສຸກແຫ້ງ 1 ຖ້ວຍນ້ອຍ.
  • ກະຈຽບແຫ້ງ 1 ຖ້ວຍນ້ອຍ.
  • ນ້ຳສະອາດ 2 ລິດ.
  • ນ້ຳເຊື່ອມຕາມໃຈມັກ.
  • ນ້ຳກ້ອນຕາມໃຈມັກ.

ວິທີປຸງແຕ່ງ:

  • ລ້າງໝາກກະທັນແຫ້ງ ແລະ ກະຈຽບແຫ້ງໃຫ້ຮຽບຮ້ອຍກຽມໄວ້ແລ້ວເອົານ້ຳໃສ່ໝໍ້ຄ້າງໄຟແຮງພໍຟົດໃຫ້ເອົາສ່ວນປະສົມທັງ 2 ຢ່າງລົງແລ້ວປ່ຽນເປັນໄຟລະດັບປານກາງຕົ້ມດົນປະມານ 15 ນາທີ.
  • ຈາກນັ້ນ, ກໍ່ຕອງເອົາແຕ່ນ້ຳໄວ້ແລ້ວປະສົມກັບນ້ຳເຊື່ອມຕາມໃຈມັກ ແລະ ເອົານ້ຳກ້ອນໃສ່ຈອກຕັກນ້ຳກະທັນໃສ່ເທົ່ານີ້ກໍ່ພ້ອມເສີບແລ້ວ, ສຳລັບກາກທີ່ເຮົາຕອງອອກນັ້ນຫ້າມຖິ້ມສາມາດນຳມາປະສົມກັບນ້ຳຕານເລັກໜ້ອຍເອົາໄວ້ກິນເປັນອາຫານວ່າງໄດ້ ແລະ ມີຄຸນປະໂຫຍດກວ່າເຂົ້າໜົມຈາກທາດແປ້ງດ້ວຍ.

 

 

%d bloggers like this: