ມື້ນີ້, ອາກາດຮ້ອນ ຫາ ຮ້ອນເອົ້າ, ຂະນະທີ່ແຂວງ ອັດຕະປື ອຸນຫະພູມສູງເຖິງ 38 ອົງສາ

ເມື່ອປະມານ 2-3 ມື້ມ່ານມານີ້ ສະພາບອາກາດຢູ່ໃນນະຄອນຫຼວງວຽງຈັນ ໂດຍສະເພາະແມ່ນບັນດາໝອກຄວັນ ຫຼື PM 2.5 ເລີ່ມຫຼຸດລົງ ເຮັດໃຫ້ສະພາບອາກາດປອດໂປ່ງຂຶ້ນກວ່າເກົ່າ, ໃນຂະນະ ສະພາບອາກາດໃນມື້ນີ້ຮ້ອນ ຫາ ຮ້ອນເອົ້າ ໂດຍສະເພາະພາກໃຕ້ ອຸນຫະພູມສູງເຖິງ 38 ອົງສາ, ສ່ວນນະຄອນຫຼວງວຽງຈັນ ອາກາດຮ້ອນ ແລະ ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງບໍລິເວນ.

ພາບປະກອບຂ່າວ

 

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານພະຍາກອນອາກາດປະຈໍາວັນທີ 17 ມີນາ 2019 ວ່າ: ບໍລິເວນຄວາມກົດດັນສູງຂອງອາກາດເຢັນຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນ ແລະ ສົມທົບກັບສອງກະແສລົມຕາເວັນຕົກ ແລະ ກະແສລົມຕາເວັນອອກສ່ຽງໃຕ້ພັດປົກຄຸມເຂດພາກເໜືອ, ເຊິ່ງລັກສະນະເຊັ່ນນີ້ຈະເຮັດໃຫ້ມີຝົນຕົກ, ຟ້າຮ້ອງ, ຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ, ສ່ວນພາກກາງ ແລະ ພາກໃຕ້ອາກາດຮ້ອນ ຫາ ຮ້ອນເອົ້າ.

 

ພາບປະກອບຂ່າວ

 

ພາກເໜືອດ້ານຕາເວັນອອກ: ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປໂດຍສະເພາະແຂວງ ອຸດົມໄຊ ແລະ ຫຼວງນໍ້າທາ ອຸນຫະພູມໃນລະຫວ່າງ 17-29 ອົງສາ.

ພາກເໜືອດ້ານຕາເວັນຕົກ: ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງ ຫົວພັນ ແລະ ຊຽງຂວາງ ພ້ອມມີລົມພັດເປັນບາງໂອກາດ ອຸນຫະພູມໃນລະຫວ່າງ 17-33 ອົງສາ, ສະເພາະແຂວງ ບໍ່ແກ້ວ, ຫຼວງພະບາງ, ໄຊຍະບູລີ ອາກາດຮ້ອນ ພ້ອມມີໝອກແຫ້ງປົກຫຸ້ມຢູ່ທົ່ວໄປ ແລະ ຈະມີຝົນຕົກ, ຟ້າຮ້ອງ, ຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນໃນໄລຍະທ້າຍຕອນບ່າຍ ຫາ ກາງຄືນ ອຸນຫະພູມໃນລະຫວ່າງ 20-35 ອົງສາ.

 

ພາບປະກອບຂ່າວ

 

ພາກກາງ: ອາກາດຮ້ອນ ພ້ອມມີໝອກແຫ້ງປົກຫຸ້ມຢູ່ທົ່ວໄປ ອຸນຫະພູມໃນລະຫວ່າງ 23-36 ອົງສາ.

ນະຄອນຫຼວງວຽງຈັນ: ອາກາດຮ້ອນ ພ້ອມມີໝອກແຫ້ງປົກຫຸ້ມຢູ່ທົ່ວໄປ ແລະ ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງບໍລິເວນ ໃນໄລຍະທ້າຍຕອນບ່າຍ ຫາ ກາງຄືນ ອຖນຫະພູມໃນລະຫວ່າງ 24-35 ອົງສາ

ສຳລັບແຂວງ ໄຊສົມບູນ: ອາກາດເຢັນ ແລະ ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງເປັນບາງໂອກາດ ອຸນຫະພູມໃນລະຫວ່າງ 11-29 ອົງສາ.

ພາບປະກອບຂ່າວ

 

ພາກໃຕ້: ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມຢູ່ທົ່ວໄປ ອຸນຫະພູມໃນລະຫວ່າງ 25- 38 ອົງສາ. ສຳລັບເຂດພູພຽງບໍລິເວນ: ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ອຸນຫະພູມໃນລະຫວ່າງ 13-29 ອົງສາ.

 

ไม่มีคำอธิบายรูปภาพ

 

ไม่มีคำอธิบายรูปภาพ

ไม่มีคำอธิบายรูปภาพ

ไม่มีคำอธิบายรูปภาพ

ຂໍ້ມູນ: ກົມອຸຕຸນິຍົມ ແລະ ອຸທົກກະສາດ

 

 

%d bloggers like this: