ອີຢູ ເພີ່ມອີກ 10 ລາຍຊື່ ໃນບັນຊີສະຫວັນແຫ່ງການໜີພາສີ

ປະເທດສະມາຊິກສະຫະພາບເອີຣົບ ຫຼື ອີຢູ ເຫັນດີເປັນເອກະພາບກັນ ເພີ່ມຕື່ມອີກ 10 ລາຍຊື່ ເຂົ້າໄປໃນບັນຊີສະຫວັນແຫ່ງການໜີພາສີ. ໃນນັ້ນ, ປະກອບມີດິນແດນໃນທະເລຈຳນວນໜຶ່ງທີ່ຂຶ້ນກັບ ອັງກິດ ແລະ ໂຮນລັງ.

ບັນຊີລາຍຊື່ໃໝ່ທີ່ຖືກຈັດເຂົ້າໄປໃນບັນຊີນັ້ນ ປະກອບມີ: ເກາະອາຣູບາ ຂອງໂຮນລັງ, ບາກບາດດົດ, ເບລິດ, ແຄວ້ນເບີມູດາ ດິນແດນໃນທະເລຂອງ ອັງກິດ ຕະຫຼອດຮອດ ຟີຈິ, ໝູ່ເກາະມາຊານ, ໂອມານ, ຢູເອອີ, ວານູອາຕູ ແລະ ໂດມີນິກ.

ລາຍຊື່ດັ່ງກ່າວທີ່ມີຢູ່ແລ້ວໃນປັດຈຸບັນ ປະກອບມີພຽງ 5 ປະເທດ ແລະ ເຂດແຄວ້ນ. ໃນນັ້ນມີ ຊາມວາ, ຕຣີນີດັດ ແລະ ໂຕບາໂກ ( Trinidad and Tobago ) ພ້ອມດ້ວຍເຂດແຄວ້ນຂອງ ອາເມຣິກາ ໄດ້ແກ່: ຊາມວາ, ກວມ ແລະ ໝູ່ເກາະເວີກິນ.

ສະຫວັນແຫ່ງການໜີພາສີປະກອບມີບັນດາປະເທດທີ່ສະແດງອອກເຖິງກຳລັງຄວາມສາມາດທີ່ອ່ອນດ້ອຍໃນ ຄວາມພະຍາຍາມຕ້ານກັບການຟອກເງິນ ແລະ ການຊ່ວຍເຫຼືອການເງິນໃຫ້ແກ່ການກໍ່ການຮ້າຍ.

%d bloggers like this: