ໝອກຄວັນ ເກີດຈາກໃສແທ້?ສ່ວນໄຟໄໝ້ພູພະນັງດັບເກືອບທັງໝົດແລ້ວ

ກຳລັງເປັນທີ່ສົນໃຈຂອງປະຊາຊົນ ກ່ຽວກັບເລື່ອງໝອກຄັວນໃນນະຄອນຫຼວງວຽງຈັນ ໃນເວລາດຽວກັນປ່າສະຫງວນພູພະນັງກໍ່ກຳລັງມີເຫດການໄຟໄໝ້ ແລະ ໃຫ້ມີຄັວນໄຟໃນປະລິມານຫຼາຍ, ຄົນສ່ວນໜຶ່ງຈິ່ງຕັ້ງຄຳຖາມວ່າອາກາດເປັນພິດຢູ່ເມືອງຫຼວງຂອງລາວໃນຂະນະນີ້ແມ່ນຍ້ອນໄຟໄໝ້ພູພະນັງ ແຕ່ທີ່ຈິງແລ້ວບັນຫາໝອກຄັວນເກີນຄ່າມາດຕະຖານນັ້ນມີສາເຫດມາຈາກຫຼາຍປັດໄຈ ອີງໃສ່ຂໍ້ມູນຈາກຕ່າງປະເທດ.

ในภาพอาจจะมี ท้องฟ้า, สถานที่กลางแจ้ง และข้อความ

ສະພາບອາກາດຢູ່ນະຄອນຫຼວງວຽງຈັນ ກາຍເປັນປະເດັນໜຶ່ງທີ່ສັງຄົມໃຫ້ຄວາມສົນໃຈເປັນຢ່າງຍິ່ງ ເນື່ອງຈາກມີປາກົດການເກີດໝອກຄວັນ ແລະ ໄດ້ມີການເຜີຍແຜ່ລົງໃນສື່ອອນລາຍ ຈຶ່ງກາຍເປັນກະແສໃຫ້ມວນຊົນໃຈຈົດໃຈຈໍ່ຢູ່ກັບປາກົດການດັ່ງກ່າວ ແລະ ຊອກຮູ້ຄຳຕອບວ່າມັນເກີດມາຈາກຫຍັງກັນແທ້? ແລະ ເຫດການດັ່ງກ່າວນີ້ ມັນກ່ຽວຂ້ອງກັບໄຟໄໝ້ປ່າສະຫງວນແຫ່ງຊາດພູພະນັງນັ້ນ ເປັນມູນຄວາມຈິງແທ້ ຫຼື ບໍ!!

ในภาพอาจจะมี หนึ่งคนขึ้นไป, ท้องฟ้า และสถานที่กลางแจ้ง

ອີງຕາມການລາຍງານຂ່າວຂອງ ຂປລ ຮູ້ວ່າ: ໄຟໄໝ້ປ່າສະຫງວນແຫ່ງຊາດພູພະນັງ ເມືອງສັງທອງ ນະຄອນຫຼວງວຽງຈັນເກືອບ 100 ເຮັກຕາ ຕັ້ງແຕ່ວັນພະຫັດ ວັນທີ 7 ມີນາ 2019 ຜ່ານມາ ແລະ ຕອນນີ້ມອດໄດ້ແລ້ວ 90%.

ເຊິ່ງຢູ່ປ່າສະຫງວນແຫ່ງຊາດພູພະນັງ ມີ 2 ຈຸດທີ່ຖືກໄໝ້ຄື: ປ່າສະຫງວນພູພະນັງເຂດບ້ານເພຍລາດ, ບ້ານທ່ານາຂາມ ເສຍຫາຍ 20 ເຮັກຕາ; ປ່າສະຫງວນພູພະນັງເຂດບ້ານຫີນສິ່ວ, ບ້ານໄຮ່ໃຕ້ ເສຍຫາຍ 10 ເຮັກຕາ. ນອກນີ້, ຢູ່ພູຜາເດືອນ ເຂດບ້ານຫີນສິ່ວ, ບ້ານເພຍລາດ ເສຍຫາຍໄປ 30 ເຮັກຕາ, ດອນຫໍບ້ານອ່າງນ້ອຍ 15 ເຮັກຕາ, ບ້ານຊໍ້ 10 ເຮັກຕາ ແລະ ບ້ານຫ້ວຍຫາງ 10 ເຮັກຕາ ເຊິ່ງຈຸດທີ່ໄໝ້ນີ້ຢູ່ໃນການຄຸມຄອງຂອງອົງການປົກຄອງເມືອງສັງທອງ.

ສາເຫດຕົ້ນຕໍຂອງການເກີດໄຟໄໝ້ລາມປ່າດັ່ງກ່າວ ແມ່ນຍ້ອນປະຊາຊົນຈຳນວນໜຶ່ງຈູດສວນ, ໄຮ່ ແລະ ເຂົ້າໄປທຳມາຫາກິນຂາດສະຕິ, ລະມັດລະວັງ ໂດຍສະເພາະກ່ອນຈູດສວນ, ໄຮ່ ບໍ່ໄດ້ເຮັດແລວປ້ອງກັນໄຟໃຫ້ກວ້າງ ແລະ ບໍ່ມອດໄຟຫຼັງແຕ່ງຢູ່ຄົວກິນໃນປ່າ.

ເຖິງຢ່າງໃດກໍ່ຕາມ ບັນຫາການເກີດໝອກຄວັນຢູ່ນະຄອນຫຼວງວຽງຈັນໃນຄັ້ງນີ້ ຍັງບໍ່ທັນມີໜ່ວຍງານ ຫຼື ພາກສ່ວນໃດໃຫ້ຄວາມກະຈ່າງແຈ້ງ ຫຼື ຢັ້ງຢືນວ່າປາກົດການນີ້ເກີດມາຈາກໃສ ຫຼື ມາຈາກໄຟ ໄໝ້ປ່າສະຫງວນແຫ່ງຊາດພູພະນັງນັ້ນແທ້ ຫຼື ບໍ!! .

ແຕ່ບັນຫາການເກີດໝອກຄັວນ ຫຼື ຝຸ່ນລະອອງເກີນຄ່າມາດຕະຖານນັ້ນສາເຫດແມ່ນເກີດຈາກມົນລະພິດທາງອາກາດເປັນຫຼັກ ເປັນຕົ້ນມົນລະພິດຈາກການຈະລາຈອນ (ການເຜົາໄໝ້ຂອງເຊື້ອໄຟໃນເຄື່ອງຈັກພາຫະນະ), ໂຮງງານອຸດສາຫະກຳ ແລະ ການຈູດປ່າ, ຈູດຂີ້ເຫຍື້ອຢູ່ບ່ອນໂລ່ງປະກອບກັບສະພາບອາກາດ ແລະ ຊັ້ນອາກາດຜັນຜວນໃກ້ພື້ນດິນ ຈະເຮັດໃຫ້ມົນລະພິດທາງອາກາດເກີດການສະສົມໃນປະລິມານຫຼາຍ ແລະ ເປັນສາເຫດສຳຄັນທີ່ເຮັດໃຫ້ເກີດບັນຫາຝຸ່ນລະອອງ ຫຼື ສັບວິທະຍາສາດເອີ້ນວ່າ PM2,5 ສູງຂຶ້ນຜິດປົກກະຕິ.

ในภาพอาจจะมี ท้องฟ้า และสถานที่กลางแจ้ง

 

 

%d bloggers like this: