ໜ່ວຍພັກສະຫະພັນແມ່ຍິງແຂວງສາລະວັນດຳເນີນຊີວິດການເມືອງ

ວັນທີ 13 ມີນາ 2019 ຢູ່ທີ່ຫ້ອງປະຊຸມຊາວໜຸ່ມແຂວງ, ໜ່ວຍພັກສະຫະພັນແມ່ຍິງ ແຂວງສາລະວັນ ໄດ້ເປີດບັ້ນດຳເນີນຊີວິດການເມືອງ ປະຈຳປີ 2019 ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ນາງ ບຸນທະວີ ດວງລາສີ ຄະນະປະຈຳພັກແຂວງ, ປະທານສະຫະພັນແມ່ຍິງແຂວງ; ມີຕາງໜ້າຄະນະໜ່ວຍພັກອົງການຈັດຕັ້ງມະຫາຊົນ, ຄະນະຈັດຕັ້ງແຂວງ ແລະ ຄະນະກວດກາແຂວງ ພ້ອມດ້ວຍຄະນະສະຫະພັນແມ່ຍິງເຂົ້າຮ່ວມ.

ในภาพอาจจะมี หนึ่งคนขึ้นไป และผู้คนกำลังนั่ง

ກອງປະຊຸມຄັ້ງນີ້ໄດ້ຜ່ານບົດລາຍງານການຊີ້ນຳໆພາໃນໄລຍະຜ່ານມາຂອງສະຫະພັນແມ່ຍິງ ແຂວງສາລະວັນ ໂດຍສະເພາະໄດ້ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຂອງໜ່ວຍພັກສະຫະພັນແມ່ຍິງແຂວງ, ຈັດຕັ້ງຜັນຂະຫຍາຍເຂົ້າໃນທຸກຂົງເຂດວຽກງານຢ່າງເປັນເຈົ້າການ ແລະ ໃຫ້ມີຜົນສຳເລັດໃນຫຼາຍດ້ານ ເປັນຕົ້ນ: ພາຍໃນມີ ຄວາມສະຫງົບຮຽບຮ້ອຍໂດຍພື້ນຖານ, ຮັກສາໄດ້ມູນເຊື້ອສາມັກຄີປອງດອງພາຍໃນພັກ, ມີ ຄວາມຫ້າວຫັນ ແລະ ເປັນເຈົ້າການສູ້ຊົນ, ບຸກບືນໃນການຈັດຕັ້ງປະຕິບັດຕາມພາລະບົດບາດໃນການເຕົ້າໂຮມ ຄວາມສາມັກຄີ, ຊຸກຍູ້, ສົ່ງເສີມເອື້ອຍນ້ອງແມ່ຍິງ. ພ້ອມກັນນັ້ນ, ກໍໄດ້ເອົາໃຈໃສ່ຜັນຂະຫຍາຍແນວທາງນະໂຍບາຍຂອງພັກ – ລັັດ, ມະຕິ, ຄຳສັ່ງ, ກົດລະບຽບຂອງພັກ, ກົດໝາຍຂອງລັດ. ນອກນັ້ນ, ໄດ້ເຊື່ອມຊຶມເອກະສານເດັັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ, ໜັກແໜ້ນ, ບົດສະຫຼຸບລາຍງານ ແລະ ບົດສຳຫຼວດການນຳພາລວມຂອງພັກ.

ในภาพอาจจะมี หนึ่งคนขึ้นไป, ผู้คนกำลังนั่ง, ตาราง และสถานที่ในร่ม

ການດຳເນີນຊີວິດການເມືອງປັບປຸງປົວແປງພັກຄັ້ງນີ້ ແມ່ນຄວາມຈໍາເປັນພາວະວິໄສຕາມຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່ ເພື່ອປັບປຸງເຊີດຊູສະຕິ ຄວາມຮັບຜິດຊອບຂອງຄະນະພັກ – ຄະນະສະຫະພັນແມ່ຍິງ, ສະມາຊິກພັກ ໃນການເຄົາລົບ ແລະ ປະຕິບັດຫຼັກການກໍ່ສ້າງພັກ ໂດຍປະຕິບັດຕາມຫຼັກການລວມສູນປະຊາທິປະໄຕ, ຫຼັກການຕຳໜິຕົນເອງ ແລະ ຕິຊົມ ເພື່ອຊອກຫາປາກົດການຫຍໍ້ທໍ້ພາຍໃນພັກ – ສະມາຊິກພັກ, ແນໃສ່ການປັບປຸງກໍ່ສ້າງພັກໃຫ້ມີ ຄວາມໜັກແໜ້ນເຂັ້ມແຂງຂຶ້ນເປັນກ້າວໆຕາມແນວທາງຂອງພັກ ທັງເປັນການຄົ້ນ ຄວ້າ, ຕີລາຄາໝາກຜົນ – ຜົນງານໃນການຈັດຕັ້ງປະຕິບັດວຽກງານໃນໄລຍະຜ່ານມາ ກໍຄືການນຳພາທັງດ້ານຕັ້ງໜ້າ, ດ້ານອ່ອນ, ຂໍ້ຄົງຄ້າງ ເພື່ອນຳໄປປັບປຸງ ແລະ ແກ້ໄຂຕໍ່ໜ້າ.

ຈາກນັ້ນ, ກໍໄດ້ມີການແບ່ງຈຸ, ໜ່ວຍເພື່ອສຳຫຼວດກວດກາ, ຕຳໜິສົ່ງຂ່າວ, ຊ່ວຍເຫຼືອເຊິ່ງກັນ ແລະ ກັນ ແນໃສ່ກໍ່ສ້າງປັບປຸງ, ສ້າງ ຄວາມເຂັ້ມແຂງໃຫ້ກັບສະມາຊິກພັກກໍຄືໜ່ວຍພັກ ແລະ ບ່ອນບັດທາບທາມບຸກຄະລາກອນເຂົ້າໃນໂຄງປະກອບ.

 

( ຂ່າວ – ຮູບ: ທິດລານີ ໂຄດໂຍທາ )

%d bloggers like this: