“ເຂົ້າໃຈ ເປັນຫຍັງເມຍຈັ່ງໂທນໍາຜົວ” ຂໍ້ຄິດດີໆ ຈາກ ໜຸ່ມ ສັກ ວົງເຊວ

ມາແບບໂຫມດຊຶ້ງ ແລະ ມີຄວາມໝາຍທີ່ດີໆ ແບບນີ້ເອົາໃຈສີພັນລະຍາໄປເຕັມໆ ແລະ ເອົາໃຈບັນດາແຟນຄັບ ຂອງ ໜຸ່ມ ສັກວົງເຊວ ແບບຖະລົ່ມຖະລາຍເລີຍ ເມື່ອ ສັກ ວົງເຊວ ໄດ້ໂພສຂໍ້ຄວາມນີ້ ພ້ອມຮູບພາບຄູ່ກັບພັນລະຍາຂອງຕົນຜ່ານເຟດບຸກສ່ວນຕົວ Sack Cells Intha Ratanavong ໃນມື້ວານ 13 ມີນາ 2019 ພ້ອມແທດແທ໊ກ “ #ກະຄົນມັນຮັກ #ບໍ່ຮັກກະປະ #ຊີວິດຄູ່ #ຮຽນຮູ້ຈົນມື້ຕາຍ ປ.ລ ອັນບໍ່ດີຂ້ອຍກະມີຫຼາຍ” :

“ຍ້ອນມີລູກສາມແລ້ວ ມີຫຼາຍຄັ້ງຕ້ອງເອົາລູກຄົນດຽວ ຖ້າພັນລະຍາກັບບ້ານ … ຂ້ອຍຈຶ່ງຮູ້ດີວ່າ ເວລາເມຍໂທນໍານັ້ນໝາຍເຖິງ ເຂົາເມື່ອຍຊໍາໃດ ແລະ ເປັນຫ່ວງຊໍາໃດ ລະໃນໃຈເລິກໆ ມັນເຫງົາດາຍ ທີ່ຄູ່ຄອງຂອງຕົນບໍ່ຢູ່ນໍາ (ກະບໍ່ແມ່ນວ່ ຢູ່ລະຊິສະຫວີດຫວານແວວແອວເດັ້ງຫຍັງດອກ) … ດັ່ງນັ້ນ ຖ້າບໍ່ເຂົ້າໃຈວ່າ “ເປັນຫຍັງເມຍໂທນໍາ” ໃຫ້ລອງປ່ຽນເປັນເຈົ້າຜູ້ຊາຍ ຢູ່ບ້ານລະຖ້າເມຍໄປນອກເບິ່ງ ລະຊິເຂົ້າໃຈດອກ (ຂ້ອຍວ່າທາງຜູ້ຊາຍທົນບໍ່ໄດ້ຮອດ 3 ຊົ່ວໂມງໄປ໊) #ກະຄົນມັນຮັກ #ບໍ່ຮັກກະປະ #ຊີວິດຄູ່ #ຮຽນຮູ້ຈົນມື້ຕາຍ ປ.ລ ອັນບໍ່ດີຂ້ອຍກະມີຫຼາຍ”

ສັກ ວົງເຊວ ເປັນສິນລະປິນນັກຮ້ອງແນວເພງລ໊ອກ ແຖວໜ້າຂອງປະເທດເຮົາຖືວ່າໃຜໆກໍ່ຮູ້ຈັກ ແລະ ມີຜົນງານທີ່ໂດ່ງດັງ ແລະ ມີສື່ສຽງຫຼາຍທັງພາຍໃນ ແລະ ຕ່າງປະເທດຄື ເພງຫວານ, ຮັກເຈົ້າສະເໝີ, ລຶກລຶກ, ຄົນມືສອງ, ເວລາສັ້ນໆ, ຊິນຊາ …

ຈາກ: Sack Cells Intha Ratanavong

%d bloggers like this: