ເຊັກຄວາມພ້ອມສາວຢູ 16 ລາວ-ອົດສະຕຣາລີ-ຫວຽດນາມ-ອີຣານ ໃນບານເຕະຊີງແຊັມອາຊີ ຮອບ 2

ພິທີຖະແຫຼງຂ່າວ ກ່ອນການແຂ່ງຂັນບານເຕະຍິງ ຊີງແຊັມອາຊີ ລຸ້ນອາຍຸ 16 ປີ ຮອບຄັດເລືອກ ຮອບທີ 2 (AFC U-16 WOMEN’S CHAMPIONSHIP 2019 QUALIFIERS ROUND 2) ຈັດຂຶ້ນວັນທີ 2 ມີນາ 2019 ຢູ່ໂຮງແຮມແລນມາກ ນະຄອນຫຼວງວຽງຈັນ ຫົວໜ້າຄູຝຶກຈາກ 4 ປະເທດ ເຊັ່ນ: ລາວ ເຈົ້າພາບ, ອົດສະຕຣາລີ, ອີຣານ ແລະ ສສ ຫວຽດນາມ ແລະ ແຂກຖືກເຊີນເຂົ້າຮ່ວມ.

ในภาพอาจจะมี 1 คน, สถานที่ในร่ม

ທ່ານ ນາງ ພອນທິບ ແສງມະນີ ຫົວໜ້າຄູຝຶກທີມຊາດຍິງລາວ ລຸ້ນອາຍຸບໍ່ເກີນ 16 ປີກ່າວໃນພິທີຖະແຫຼງຂ່າວວ່າ: ຫຼັງຜ່ານຮອບຄັດເລືອກທໍາອິດ ພວກເຮົາມີຄວາມພູມໃຈທີ່ສຸດ ແລະ ປັດຈຸບັນ ທີມຊາດຍິງລາວ ຢູ 16 ມີຄວາມພ້ອມ 100% ຫຼັງຄັດເອົານັກກີລາຈາກທີມໂຮງຮຽນຕ່າງມາເສີມທີມ, ສ່ວນເປົ້າໝາຍໃນການເຂົ້າຮ່ວມການແຂ່ງຂັນຄັ້ງນີ້ ແມ່ນຖືວ່າເປັນວຽກໜັກສຳລັບທີມພວກເຮົາ ເຖິງວ່າຈະແຂ່ງຂັນຢູ່ບ້ານເພາະພວກເຮົາຕ້ອງວັດເຂົ້າຮອບກັບ 3 ທີມໃຫຍ່. ຢ່າງໃດກໍຕາມ ພວກເຮົາຈະສູ້ເຕັມທີ່ ແລະ ຈະເບິ່ງນັດຕໍ່ນັດ.

ในภาพอาจจะมี 1 คน, สถานที่ในร่ม

ທ່ານ ນາງ  Raeanne Dower ຫົວໜ້າຄູຝຶກທີມຊາດຍິງຂອງ ອົດສະຕຣາລີ ກ່າວວ່າ: ນັກເຕະທີມຊາດ ອົດສະຕຣາລີ ຊຸດນີ້ແມ່ນໄດ້ຄັດຈາກ 60 ນັກເຕະທີ່ດີທີ່ສຸດຂອງ ອົດສະຕຣາລີ ໃນລຸ້ນອາຍຸບໍ່ເກີນ 16 ປີ ແລະ ຕອນນີ້ມີຄວາມພ້ອມເປັນທີ່ຮຽບຮ້ອຍ ຫຼັງໄດ້ມາຊ້ອມທີ່ນະຄອນຫຼວງວຽງຈັນ ເຊື່ອວ່າໃນເວລາລົງແຂ່ງຂັນຈະສາມາດເຮັດໄດ້ດີແນ່ນອນ.

ในภาพอาจจะมี 1 คน, กำลังนั่ง และสถานที่ในร่ม

ທ່ານ NGUYEN THI MAI LAN ຫົວໜ້າຄູຝຶກທີມຊາດຍິງຂອງ ຫວຽດນາມ ກ່າວວ່າ: ນັກກີລາແມ່ນໄດ້ຄັດເລືອກມາຈາກໂຮງຮຽນ ທົ່ວປະເທດຫວຽດນາມ ແລະ ຄັດຈາກສະໂມສອນອາຊີບຈາກຫວຽດ ຈໍານວນ 8 ທີມ, ເຊິ່ງມາຮອດນະຄອນຫຼວງວຽງຈັນ ເມື່ອວັນທີ 1 ກຸມພາ ທີ່ຜ່ານມາ ແລະ ໄດ້ຊ້ອມທີ່ນີ້ ແລະ ທີມກໍມີຄວາມພ້ອມ 100% ແລະ ຫວັງວ່າ ທີມຈະສາມາດຫຼິ້ນໄດ້ຢ່າງ 100%.

ในภาพอาจจะมี 1 คน, ภาพระยะใกล้ และสถานที่ในร่ม

ທ່ານ ນາງSMASOOMEH JAHANCHI ຫົວໜ້າຄູຝຶກທີມຊາດຍິງຂອງ ອີຣານ ກ່າວວ່າ: ປີ 2018 ໄດ້ມີການຈັດແຂ່ງຂັນທຸກໆພາກຂອງປະເທດ ເພື່ອຄັດເລືອກເອົານັກກີລາ ແລະ ໃນເບື້ອງຕົ້ນສາມາດຄັດໄດ້ 16 ນັກກີລາ ແລະ ປັດຈຸບັນຄັດໄດ້ແລ້ວ 23 ນັກເຕະເຂົ້າຮ່ວມລາຍການນີ້, ເຊິ່ງນັກກີລາຊຸດນີ້ຈະເປັນທີມຄວາມຫວັງໃນອະນາຄົດຂອງທີມຊາດອີຣານ ແນ່ນອນຕອນນີ້ມີຄວາມພ້ອມເຕັມ 100 ເຊັ່ນກັນ, ແຕ່ອຸປະສັກທີ່ພວກເຮົາຕ້ອງປັບຕົວຄື ອາກາດທີ່ ອີຣານ ໄລຍະ 3-4​ເດືອນ ທີ່ຜ່ານມາ ໜາວຫຼາຍ, ແຕ່ໃນ ສປປ ລາວ ອາກາດຮ້ອນນີ້ເປັນສິ່ງທີ່ພວກເຮົາຕ້ອງປັບຕົວໃຫ້ໄດ້ໄວທີ່ສຸດEH JAHANCHI

ในภาพอาจจะมี 5 คน, คนที่ยิ้ม, สถานที่ในร่ม

ສໍາລັບຕາຕະລາງແຂ່ງຂັນທີມຊາດລາວ ວັນທີ 3 ມີນາ 2019 ເວລາ 18:30 ໂມງ ພົບ ທີມຊາດຫວຽດນາມ ວັນທີ 5 ມີນາ 2019 ເວລາ 18:30 ໂມງ ພົບ ທີມຊາດອີຣານ ແລະ ວັນທີ 7 ມີນາ 2019 ໂມງເວລາ 18:30 ພົບ ທີມຊາດອົດສະຕຣາລີ ການແຂ່ງຂັນ 3 ນັດ ແມ່ນຢູ່ສະໜາມກີລາແຫ່ງຊາດ ຫຼັກ 16 ທຸກໆນັດແມ່ນຈະມີການຖ່າຍທອດສົດ Mycujoo ອັນດັບ 1 ແລະ ອັນດັບ 2 ຈະໄດ້ຜ່ານເຂົ້າຮອບສຸດທ້າຍ ຢູ່ປະເທດໄທ ເຊິ່ງຈະແຂ່ງຂັນໃນວັນທີ 15-28 ກັນຍາ 2019.

%d bloggers like this: