ເຊີນແວ່!…ສູນບໍລິການ ຊີເອັສຊີ ສາຂານະຄອນຫຼວງ “ມາທີ່ດຽວຄົບ ຈົບເລື່ອງເຮືອນ”

  “ສະຖານທີ່ຕັ້ງຢູ່ ຖະໜົນ 450 ປີ, ຂຶ້ນກັບບ້ານໂຊກໃຫຍ່ ເມືອງໄຊເຊດຖາ ນະຄອນຫຼວງວຽງຈັນ”

      ເປັນສູນການຄ້າທີ່ທັນສະໄໝ ແລະ ຄົບວົງຈອນ ໄດ້ນໍາເອົາສິນຄ້າຄຸນນະພາບດີ ມີຊື່ສຽງທັງພາຍໃນ ແລະ ຕ່າງປະເທດຫຼາຍກວ່າ 400 ເຄື່ອງໝາຍການຄ້າ, ລວມມີສິນຄ້າຫຼາຍກວ່າ 100.000 ລາຍ ການມາວາງຈໍາໜ່າຍຕາມກຸ່ມຜະລິດຕະພັນຕ່າງໆ ຊຶ່ງສະດວກໃນການເລືອກຊື້ແບບ “ມາທີ່ດຽວຄົບ ຈົບເລື່ອງເຮືອນ”.
ພິທີເປີດ ບໍລິສັດ ຊີເອັສຊີ ສາຂານະຄອນຫຼວງວຽງຈັນໄດ້ມີຂຶ້ນໃນຕອນແລງວັນທີ 23 ກຸມພາ ຜ່ານມາ ໂດຍໃຫ້ກຽດເຂົ້າຮ່ວມຂອງທ່ານ ປອ.ສອນໄຊ ສີພັນດອນ ຮອງນາຍົກລັດຖະມົນຕີແຫ່ງ ສປປ ລາວ, ພ້ອມດ້ວຍບັນດາທ່ານແຂກຮັບເຊີນທີ່ຢູ່ນະຄອນຫຼວງວຽງຈັນ ແລະ ຕ່າງແຂວງ.

ไม่มีคำอธิบายรูปภาพ
ໃນໂອກາດດັ່ງກ່າວ, ທ່ານ ວິສຸກ ວັດທະນາ ຜູ້ອໍານວຍການໃຫຍ່ ໄດ້ກ່າວໃຫ້ຮູ້ເຖິງຄວາມເປັນມາວ່າ: ບໍລິສັດ ຊີເອັສຊີ ຄອມເພລັກ ເຊັນເຕີ ຈໍາກັດຜູ້ດຽວສ້າງຕັ້ງຂຶ້ນໃນເດືອນ ກຸມພາ 2016 ທີ່ນະຄອນປາກເຊ ແຂວງ ຈໍາປາສັກ ເພື່ອເປັນສູນລວມວັດສະດຸກໍ່ສ້າງທີ່ທັນສະໄໝ ແລະ ຄົບວົງຈອນ ທີ່ໃຫຍ່ທີ່ສຸດໃນພາກໃຕ້; ຕອບສະໜອງໃຫ້ແກ່ການເຕີບໃຫຍ່ຂະຫຍາຍທາງດ້ານເສດຖະກິດ-ສັງຄົມຂອງ ສປປ ລາວ.
ໂດຍເຫັນໄດ້ເຖິງຄວາມສໍາຄັນ ແລະ ໝາກຜົນຂອງຄວາມສໍາເລັດ ໃນການເປີດບໍລິການສາຂາປາກເຊ ຕະຫຼອດໄລຍະ 3 ປີຜ່ານມາ ແລະ ເຫັນໄດ້ທ່າແຮງໃນການເຕີບໃຫຍ່ຂະຫຍາຍຕົວທາງດ້ານເສດຖະກິດໃນຕໍ່ໜ້າ; ຄະນະບໍລິຫານງານບໍລິສັດຈິ່ງໄດ້ປຶກສາຄົ້ນຄວ້າຜ່ານກອງປະຊຸມສະພາບໍລິຫານ ໃນການຮັບຮອງ ແລະ ເປັນເອກະພາບກັນ ລົງທຶນຂະຫຍາຍສາຂາເພີ່ມອີກສອງສາຂາກຄື: ທີ່ແຂວງບໍລິຄໍາໄຊ ເປີດບໍລິການໃນປີິ 2018 ແລະ ທີ່ນະຄອນຫຼວງວຽງຈັນ ເປີດໃນມື້ນີ້ວັນທີ 23/2/2019 ຊຶ່ງເປັນສາຂາທີ 3.

ທ່ານ ວິສຸກ ວັດທະນາ

ທ່ານ ຜູ້ອໍານວຍການຍັງໄດ້ໃຫ້ຮູ້ເຖິງຈຸດປະສົງ ແລະ ເຫດຜົນໃນການຂະຫຍາຍສາຂາສູ່ນະຄອນ ຫຼວງວຽງຈັນວ່າ: ພວກເຮົາໄດ້ຂະຫຍາຍການລົງທຶນກໍ່ສ້າງສູນລວມວັດສະດຸກໍ່ສ້າງທີ່ທັນສະໄໝ ແລະ ຕົບ ແຕ່ງຄົບວົງຈອນ ຊີເອັສຊີ ຄອມເພລັກເຊັນເຕີ ຂຶ້ນທີ່ນະຄອນຫຼວງວຽງຈັນກໍຍ້ອນວ່າ:
1, ນະຄອນຫຼວງວຽງຈັນເປັນເມືອງເອກຂອງ ສປປ ລາວ, ເປັນສູນກາງດ້ານການເມືອງ-ການປົກ ຄອງ, ເປັນສູນກາງດ້ານການເງິນ ແລະ ການພົວພັນເສດຖະກິດ, ມີພົນລະເມືອງໜາແໜ້ນ ແລະ ລະດັບການພັດທະນານັບມື້ນັບເຕີບໃຫຍ່ເຂັ້ມແຂງ ໂດຍຄາດໄວ້ວ່າ: ສູນການຄ້າແຫ່ງນີ້ຈະກາຍເປັນສູນກາງກະ ຈາຍສິນຄ້າໃຫ້ແກ່ບັນດາໂຄງ ການກໍ່ສ້າງ ພາຍໃນນະຄອນຫຼວງວຽງຈັນ, ບັນດາແຂວງໃກ້ຄຽງພາກເໜືອ ແລະ ພາກກາງຂອງປະເທດອີກດ້ວຍ.

2, ເພື່ອສ້າງທາງເລືອກໃຫ້ແກ່ໂຄງການກໍ່ສ້າງ ແລະ ການພັດທະນາຂອງທຸກໆພາກສ່ວນເສດຖະ ກິດກໍຄື:ພາກລັດ, ພາກທຸລະກິດ ແລະ ພາກປະຊາຊົນໃຫ້ມີໂອກາດນໍາໃຊ້ວັດສະດຸກໍ່ສ້າງ ແລະ ຕົບແຕ່ງ ທີ່ມີຄຸນນະພາບດີ, ໄດ້ມາດຕະຖານ ລາຄາເໝາະສົມ.

3, ເພື່ອເປັນການປະກອບສ່ວນໃນການສ້າງລາຍຮັບເຂົ້າງົບປະມານຂອງລັດ, ໂດຍສະເພາະແມ່ນງົບປະ ມານຂອງນະຄອນຫຼວງວຽງຈັນ ແລະ ທັງເປັນການສ້າງວຽກເຮັດງານທໍາໃຫ້ແກ່ປະຊາຊົນຊາວນະຄອນຫຼວງອີກແຮງໜຶ່ງ.

ไม่มีคำอธิบายรูปภาพ
ໂດຍຍຶດຖືແນວຄິດການຄ້າແບບທັນສະໄໝ ພວກເຮົາໄດ້ນໍາເອົາສິນຄ້າຄຸນນະພາບດີ ມີຊື່ສຽງທັງພາຍໃນ ແລະ ຕ່າງປະເທດຫຼາຍກວ່າ 400 ເຄື່ອງໝາຍການຄ້າ ລວມມີສິນຄ້າຫຼາຍກວ່າ 100.000 ລາຍການມາວາງຈໍາໜ່າຍຕາມກຸ່ມຜະລິດຕະພັນ ຊຶ່ງສະດວກໃນການເລືອກຊື້ເພື່ອໃຫ້ສອດຄ່ອງກັບຄໍາຂວັນທີ່ບໍລິສັດໄດ້ຕັ້ງໄວ້ “ໂຮມຮັກ-ຄົບຄັກ-ຖືກດີ”
      ຍ້ອນເຫດຜົນທີ່ກ່າວຂ້າງເທິງບໍລິສັດຈິ່ງໄດ້ສ້າງສູນການຄ້າວັດສະດຸກໍ່ສ້າງທີ່ທັນສະໄໝ ແລະ ຕົບ ແຕ່ງຄົບວົງຈອນ ຊີເອັສຊີຄອມເພລັກ ເຊັນເຕີ ແຫ່ງນີ້ ທີ່ເນັ້ນຄວາມສະດວກສະບາຍ ໄດ້ມາດຕະຖານ;  ມາທີ່ດຽວຄົບຈົບເລື່ອງເຮືອນ, ທ່ານ ວິສຸກ ວັດທະນາ ກ່າວ.

ในภาพอาจจะมี สถานที่ในร่ม
ພ້ອມດຽວກັນນັ້ນ, ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ກໍໄດ້ໃຫ້ປະກອບຄວາມເຫັນວ່າ: ການກໍ່ສ້າງສູນການຄ້າວັດສະດຸກໍ່ສ້າງທັນສະໄໝ ແລະ ຕົບແຕ່ງຄົບວົງຈອນນີ້ ແມ່ນມີຄວາມໝາຍຄວາມສໍາຄັນ ແລະ ມີຄຸນປະໂຫຍດຫຼາຍ ຊຶ່ງເປັນການເອື້ອອໍານວຍຄວາມສະດວກ ໃຫ້ແກ່ຜູ້ຊົມໃຊ້ ໄດ້ມີຫຼາຍທາງເລືອກທີ່ຫຼາກຫຼາຍໃນການຊົມໃຊ້ຜະລິດຕະພັນຕ່າງໆທີ່ນໍາເຂົ້າມາຈາກຕ່າງປະເທດ ທີ່ມີຄຸນນະພາບລາຄາສົມເຫດສົມຜົນ. ນອກຈາກນັ້ນຍັງເປັນການສ້າງວຽກເຮັດງານທໍາໃຫ້ແກ່ພົນລະເມືອງລາວ ແລະ ປະກອບລາຍຮັບງົບປະມານໃຫ້ແກ່ພາກລັດ ເວົ້າລວມ, ເວົ້າສະເພາະແມ່ນນະຄອນຫຼວງວຽງຈັນ.
ຜ່ານຖະໜົນ 450 ປີຢ່າລືມແວ່ ສູນການຄ້າ ຊີເອັສຊີ ເພື່ອເລືອກສິນຄ້າຫຼາກຫຼາຍລາຍການນັບແຕ່ຜະລິດຕະພັນປະເພດອາຫານ ກ້າວໄປຮອດເຄື່ອງໃຊ້ທົ່ວໄປ ຊື້ແລ້ວຖືກໃຈແນ່ນອນ.

ไม่มีคำอธิบายรูปภาพ

%d bloggers like this: