ງານວາງສະແດງສິນຄ້າເຟີນີເຈີວຽງຈັນ ຄັ້ງທີ 4 ຄາດມູນຄ່າຊື້ – ຂາຍ 10 ຕື້ກີບ

ສະມາຄົມເຟີນີເຈີລາວ ( ສຟລ ) ຈັດງານຖະແຫຼງຂ່າວກຽມຈັດງານວາງສະແດງສິນຄ້າເຟີນີເຈີວຽງຈັນ ຄັ້ງທີ 4 ປີ 2019 ຂຶ້ນໃນລະຫວ່າງວັນທີ 23 – 31 ມີນາ 2019 ທີ່ສູນການຄ້າ ລາວ – ໄອເຕັກ ຜູ້ຈັດງານຕັ້ງເປົ້າສ້າງຍອດຂາຍ 10 ຕື້ກີບ, ຜູ້ເຂົ້າຊົມ 2 ແສນກວ່າຄົນ.

ในภาพอาจจะมี ผู้คนกำลังนั่ง, ตาราง และสถานที่ในร่ม

 

ທ່ານ ກອງມາລາ ພົມມາໄລ ຮອງປະທານ ສຟລ ຜູ້ຊີ້ນໍາວຽກງານວາງສະແດງໄດ້ກ່າວວ່າ: ການຈັດງານດັ່ງກ່າວ ເພື່ອປະຕິບັດຕາມນະໂຍບາຍໃນການສົ່ງເສີມການຜະລິດເຄື່ອງເຟີນີເຈີໄມ້ລາວ ທັງເປັນການໂຄສະນາໃຫ້ສັງຄົມຮັບຮູ້ຜະລິດຕະພັນເຟີນີເຈີໄມ້ລາວໃຫ້ຫຼາຍຂຶ້ນ ໃຫ້ຜູ້ຜະລິດສາມາດເຂົ້າຫາຕະຫຼາດ ແລະ ຈໍາໜ່າຍສິນຄ້າທັງພາຍໃນ ແລະ ຕ່າງປະເທດ.

ເປົ້າໝາຍຜູ້ປະກອບການເຂົ້າຮ່ວມວາງສະແດງ ມີບັນດາໂຮງງານເຟີນີເຈີ ແລະ ປຸງແຕ່ງໄມ້ສໍາເລັດຮູບທີ່ເປັນສະມາຊິກ ແລະ ບໍ່ແມ່ນສະມາຊິກຂອງ ສຟລ ໃນທົ່ວປະເທດ, ມີບັນດາໂຮງງານຊາວຊ່າງຫັດຖະກໍາ ແລະ ຜູ້ປະກອບການຮ້ານແກະສະຫຼັກ, ມີບັນດາຫົວໜ່ວຍທຸລະກິດຂາຍເຄື່ອງມື, ເຄື່ອງຈັກ, ອຸປະກອນ ແລະ ຕົກແຕ່ງເຄື່ອງເຟີນີເຈີ ພ້ອມທັງຜູ້ປະກອບການປຸງແຕ່ງໄມ້ສໍາເລັດຮູບຈາກພາຍໃນ ແລະ ຜູ້ປະກອບການຈາກປະເທດເພື່ອນບ້ານໃກ້ຄຽງເຂົ້າຮ່ວມເພື່ອສ້າງສີສັນໃນງານໃຫ້ຄຶກຄື້ນ.

 

ในภาพอาจจะมี 1 คน, แว่นกันแดด

 

ງານວາງສະແດງສິນຄ້າເຟີນີເຈີວຽງຈັນ ຄັ້ງທີ 4 ມີຫ້ອງວາງສະແດງທັງໝົດ 191 ຫ້ອງ. ໃນນີ້, 20 ຫ້ອງສໍາລັບຫົວໜ່ວຍທຸລະກິດໂອດ໊ອບ ມາຮອດປັດຈຸບັນມີຍອດຈອງຫ້ອງແລ້ວ 80% ຫຼື 60 ໂຮງງານ ສໍາລັບລາຄາຫ້ອງຂະໜາດ 3×3 ຫ້ອງທໍາມະດາ ລາຄາ 2,2 ລ້ານກີບຕໍ່ຫ້ອງ, ຫ້ອງ 3×3 ຫ້ອງມູມ 2,6 ລ້ານກີບຕໍ່ຫ້ອງ, ພິເສດສໍາລັບຜູ້ປະກອບການສິນຄ້າໂອດ໊ອບ ຈອງຫ້ອງວາງສະແດງ ຂະໜາດ 3×3 ຫ້ອງທໍາມະດາ ລາຄາ 1,3 ລ້ານກີບຕໍ່ຫ້ອງ ແລະ ຫ້ອງ 3×3 ຫ້ອງມູມ 1,7 ລ້ານກີບຕໍ່ຫ້ອງ ເຊິ່ງໃນງານຄັ້ງນີ້ຄາດວ່າຈະມີການຊື້ – ຂາຍສິນຄ້າໃນງານ 10 ຕື້ກີບ ແລະ ຜູ້ເຂົ້າຮ່ວມ 2,5 ແສນຄົນ.

 

ในภาพอาจจะมี ผู้คนกำลังนั่ง, ตาราง, เครื่องดื่ม, ห้องรับแขก และสถานที่ในร่ม

 

ທ່ານ ໄຊສົມເພັດ ນໍຣະສິງ ຫົວໜ້າກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ ໄດ້ກ່າວວ່າ: ການຈັດງານດັ່ງກ່າວເພື່ອສົ່ງເສີມສິນຄ້າເຟີນີເຈີລາວ ໃຫ້ເຂົ້າສູ່ຕະຫຼາດທັງພາຍໃນ ແລະ ຕ່າງປະເທດ ເຊິ່ງການຈັດງານແຕ່ລະຄັ້ງເຫັນວ່າສິນຄ້າໄດ້ມີການພັດທະນາຂຶ້ນເທື່ອລະກ້າວ, ຜູ້ປະກອບການໄດ້ມີການປັບຕົວການຜະລິດສິນຄ້າໄປຕາມຂໍ້ກໍານົດ, ອະນຸຍາດສົ່ງອອກສິນຄ້າເຟີນີເຈີໄປຕ່າງປະເທດ ໂດຍຕິດພັນກັບຄໍາສັ່ງ ເລກທີ           15/ນຍ. ຢ່າງໃດກໍຕາມ, ທ່ານມີຄໍາເຫັນໃຫ້ຜູ້ປະກອບການເຟີນີເຈີລາວ ໄດ້ຄົ້ນຄິດ ເພື່ອເຮັດແນວໃດໃນການສ້າງແບຣນ ຫຼື ຍີ່ຫໍ້ສິນຄ້າເຟີນີເຈີລາວໃຫ້ມີຊື່ສຽງ, ຮັບປະກັນດ້ານການຜະລິດ ແລະ ວັດຖຸດິບທີ່ບໍ່ບົກແຫ້ງ, ສາມາດສົ່ງອອກໄປຂາຍຢູ່ຕ່າງປະເທດໄດ້.

 

ในภาพอาจจะมี ผู้คนกำลังนั่ง, ตาราง และสถานที่ในร่ม

 

ພິທີຈັດງານຖະແຫຼງຂ່າວມີຂຶ້ນໃນວັນທີ 27 ກຸມພາ 2019 ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ  ( ສຄອຊ ) ໂດຍການເຂົ້າຮ່ວມຂອງ ທ່ານ ໄຊສົມເພັດ ນໍຣະສິງ ຫົວໜ້າກົມສົ່ງເສີມການຄ້າ ກະຊວງ ອຸດສາຫະກຳ ແລະ ການຄ້າ, ທ່ານ ນາງ ຈັນທະຈອນ ວົງໄຊ  ຮອງປະທານ ສຄອຊ, ທ່ານ ກອງມາລາ  ພົມມາໄລ ແລະ ຜູ້ປະກອບການເຟີນີເຈີເຂົ້າຮ່ວມ.

 

ในภาพอาจจะมี 17 คน, รวมถึง Ty Keo, คนที่ยิ้ม, ผู้คนกำลังยืน

%d bloggers like this: