ຫົວເຫວີຍ ເປີດຕົວສະມາດໂຟນໜ້າຈໍພັບໄດ້ Mate X ບາງເບົາ ຮອງຮັບ 5G

ເມື່ອວັນອາທິດ ທີ 24 ກຸມພາ ບໍລິສັດຫົວເຫວີຍ ເທັກໂນໂລຢີຍັກໃຫຍ່ ຂອງຈີນ ເປີດຕົວ Mate X ສະມາດໂຟນໜ້າຈໍພັບໄດ້ ທີ່ສາມາດຮອງຮັບລະບົບ 5G ໂດຍໃນງານມີຜູ້ເຂົ້າຮ່ວມງານປະມານ 3.000 ຄົນ ເຊິ່ງໄດ້ຈັດຂຶ້ນກ່ອນວັນເລິ່ມງານວາງສະແດງເທັກໂນໂລຢີໂທລະສັບມືຖື Mobile World Congress ຫຼື  MWC 2019 ທີ່ເມືອງບາເຊໂລນາ ປະເທດສະເປນ.

ในภาพอาจจะมี 1 คน, ข้อความ

Mate X ຕອນພັບຈະມີໜ້າຈໍຂະໜາດ 6,6 ນິ້ວ ໂດຍສາມາດເປີດໄປສູ່ຫນ້າຈໍ OLED ຂະໜາດ 8 ນິ້ວເພື່ອອ່ານ ຫຼື ເບິ່ງວິດີໂອໄດ້ຢ່າງມີປະສິດທິພາບ.

” ຣິຊາດ ຫຍູ (Richard Yu) ປະທານເຈົ້າໜ້າທີ່ບໍລິຫານຫົວເຫວີຍ ຄອນຊູມເມີ ບິວສິເນສ ກຣຸບ (Huawei Consumer Business Group) ” ກ່າວວ່າ ຫົວເຫວີຍ Mate X ໄດ້ກ້າວເຂົ້າສູ່ຮູບແບບໃໝ່ ທີ່ຍັງບໍ່ມີໃຜຮູ້ຈັກມາກ່ອນ ສະມາດໂຟນລຸ້ນນີ້ເປັນຜົນງານຊິ້ນເອກຂອງວຽກງານດ້ານວິສະວະກໍາ ເຊິ່ງການພັບຂອງໜ້າຈໍນັ້ນມີປະສິດທິພາບສູງ ແລະ ຮອງຮັບ 5G.

ในภาพอาจจะมี หนึ่งคนขึ้นไป, โทรศัพท์ และภาพระยะใกล้

Mate X ມີໜ່ວຍປະມວນຜົນຊື່ວ່າ Balong 5000 ແຣມ 8 GB ໜ່ວຍຄວາມຈໍາພາຍໃນ 512 GB ເຊິ່ງ ທ່ານ ຫຍູ ສະແດງຄວາມຄິດເຫັນວ່າ ມັນຈະເປັນ “ຕົວຢ່າງໃນການອ້າງອີງຂອງສະມາດໂຟນ 5G ທີ່ ກໍາລັງຈະນຳລະບົບມາໃຊ້ໃນອະນາຄົດ”.

ในภาพอาจจะมี หนึ่งคนขึ้นไป

ພາກສ່ວນອື່ນທີ່ເປັນຈຸດເດັ່ນຂອງ Mate X ຄືຄວາມເບົາ ແລະ ຄວາມບາງຂະໜາດທີ່ວ່າເມື່ອພັບແລ້ວມັນກໍໍຍັງໜາພຽງ 11 ມິນລິແມັດເທົ່ານັ້ນ.

ແບດເຕີີຣີ່ ມີຂະໜາດໃຫຍ່ 4.500 mAh  ແລະ ຍັງສາມາດສາກໃຫ້ເຕັມໄດ້ພາຍໃນ 30 ນາທີ ເທົ່ານັ້ນ ເຊິ່ງເປັນຈຸດເດັ່ນທີ່ເໜືອກວ່າຄູ່ແຂ່ງຈາກຄ້າຍອື່ນ.

ในภาพอาจจะมี 1 คน, กำลังยิ้ม, โทรศัพท์ และภาพระยะใกล้

ລາຄາທີ່ຈະວາງຈໍາໜ່າຍເລິ່ມຕົ້ນແມ່ນ 2.299 ເອີໂຣ (ປະມານ 22.390.000 ກີບ) ແລະ ຄາດວ່າຈະມີການວາງຂາຍໃນໄລຍະກາງປີນີ້.

ທັງນີ້ ຫົວເຫວີຍຍັງນໍາສະເໜີຜະລິດພັນອື່ນໆ ໃນງານນີ້ອີກດ້ວຍ ບໍ່ວ່າຈະເປັນແລັບທັອບລຸ້ນໃໝ່  ເຊັ່ນ MateBook X Pro ເຊິ່ງມີໜ້າຈໍຂະໜາດ 13,9 ນິ້ວ ຄວາມລະອຽດ 3K ແລະ MateBook ທີ່ມີໜ້າຈໍຂະໜາດ 13 ແລະ 14 ນິ້ວ ແລະ ຍັງເປີດຕົວຣາວເຕີ ເຄື່ອນທີ່ CPE Pro 5G ທີ່ເອົາໄວ້ໃຊ້ເພື່ອເຊື່ອມຕໍ່ 5G ເຂົ້າເຮືອນໃຫ້ສາມາດສົ່ງວິດີໂອ 8K ແບບ Realtime ໄດ້.

ในภาพอาจจะมี 1 คน

%d bloggers like this: