ທຣຳ ເລື່ອນກຳນົດຂຶ້ນພາສີສິນຄ້າຈີນຮອບໃໝ່

ປະທານາທິບໍດີໂດນັລ ທຣຳ ຜູ້ນໍາສະຫະລັດເລື່ອນກໍານົດການຂຶ້ນອັດຕາພາສີສິນຄ້າຈີນຮອບໃໝ່ອອກໄປກ່ອນ ໂດຍໃຫ້ເຫດຜົນວ່າ ການເຈລະຈານັບຕັ້ງແຕ່ການສະຫງົບເສິກທາງການຄ້າ ເມື່ອທ້າຍປີ ຜ່ານມາ “ມີຄວາມຄືບໜ້າ” ກ່ອນເຖິງ “ກຳນົດ” ຄື ພາຍໃນວັນທີ 1 ມີນາ ນີ້.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນທີ 24 ກຸມພາ ວ່າ ປະທານາທິບໍດີໂດນັລ ທຣໍາ ໄດ້ຂຽນຂໍ້ຄວາມລົງໃນທະວີດເຕີ ເມື່ອວັນອາທິດ ຜ່ານມາ ວ່າ ດ້ວຍເຫດການເຈລະຈາທາງການຄ້າ ລະຫວ່າງ ສະຫະລັດ ກັບ ຈີນ ມີຄວາມຄືບໜ້າ ນັບຕັ້ງແຕ່ “ການສະຫງົບເສິກທາງການຄ້າ” ທີ່ຕົນຕົກລົງກັບປະທານປະເທດສີ ຈິ້ນຜິງ ນອກຮອບການປະຊຸມສຸດຍອດຜູ້ນໍາກຸ່ມປະເທດເສດຖະກິດຂະໜາດໃຫຍ່ “ຈີ20” ທີ່ນະຄອນຫຼວງບົວໂນສໄອເຣສ ປະເທດອາເຈນຕິນາ ເມື່ອວັນທີ 1 ທັນວາ ປີຜ່ານມາ.

ในภาพอาจจะมี หนึ่งคนขึ้นไป, ผู้คนกำลังนั่ง และสถานที่ในร่ม

ในภาพอาจจะมี ท้องฟ้า และสถานที่กลางแจ้ง

ຂະນະດຽວກັນ ຕົນກໍາລັງກຽມພົບປະຫາລືຄັ້ງໃໝ່ກັບຜູ້ນໍາຈີນ ດ້ວຍການເຊີນອີກຝ່າຍຢ້ຽມຢາມ ຣີສອດມາຣ໌-ອາ-ລາໂກ ໃນລັດຟລໍຣິດ້າ ເພື່ອການຫາລື “ຂັ້ນສຸດທ້າຍ” ດັ່ງນັ້ນ ໃນເວລານີ້ ລັດຖະບານວໍຊິງຕັນຈະບໍ່ປັບເພິ່ມອັດຕາພາສີສໍາລັບສິນຄ້ານໍາເຂົ້າຈາກຈີນມູນຄ່າ 200.000 ລ້ານໂດລາ (ກວ່າ 1,7 ລ້ານຕື້ກີບ) ຈາກອັດຕາປັດຈຸບັນ 10% ໃຫ້ເພິ່ມເປັນ 25% ເມື່ອຄົບກໍານົດ “ສັນຍາສະຫງົບເສິກ 90 ວັນ” ຄືພາຍໃນວັນທີ 1 ມີນາ ນີ້.

ในภาพอาจจะมี 11 คน

ในภาพอาจจะมี 7 คน, สถานที่กลางแจ้ง

ທັງນີ້ ທຣຳ ຂຶ້ນພາສີຫຼາຍອັດຕາຕໍ່ມູນຄ່າການນໍາເຂົ້າສິນຄ້າຂອງຈີນໄປແລ້ວ 250.000 ລ້ານໂດລາ (ກວ່າ 2,1 ລ້ານຕື້ກີບ) ຕັ້ງແຕ່ເດືອນກໍລະກົດ ປີຜ່ານມາ. ສ່ວນທາງດ້ານຈີນກໍ່ຕອບໂຕ້ດ້ວຍການຕັ້ງກໍາແພງພາສີຕໍ່ສິນຄ້າຂອງສະຫະລັດທີ່ມີມູນຄ່າການນໍາເຂົ້າຂັ້ນຕ່ຳ 110.000 ລ້ານໂດລາ (ກວ່າ 940.000 ຕື້ກີບ) ຂະນະທີ່ ເຈົ້າໜ້າທີ່ລະດັບສູງດ້ານການຄ້າ ແລະ ເສດຖະກິດຂອງທັງສອງປະເທດໄດ້ພົບປະຫາລືກັນຢ່າງເປັນທາງການແລ້ວ 2 ຄັ້ງ ຄືທີ່ນະຄອນຫຼວງວໍຊິງຕັນ ເມື່ອໄລຍະປາຍເດືອນມັງກອນ ແລະ ທີ່ນະຄອນຫຼວງປັກກິ່ງເມື່ອກາງເດືອນນີ້.

%d bloggers like this: