ຢູນີເທວເປີດໃຫ້ບໍລິການປ່ຽນນຳໃຊ້ eSIM ແລ້ວ

ເຄືອຂ່າຍຢູນີເທວ ໄດ້ສຳເລັດການທົດລອງການເປີດນຳໃຊ້ eSIM : ໃຊ້ເວລາພຽງ 30 ວິນາທີ ເພື່ອເປີດນຳໃຊ້ເທົ່ານັ້ນ , ການໂທ , ການສົ່ງຂໍ້ຄວາມ , ການນຳໃຊ້ອີນເຕີເນັດ 4ຈີ ແລະ ການເຊື່ອມຕໍ່ເຂົ້າອີນເຕີເນັດ  ນຳໃຊ້ໄດ້ປົກກະຕິຄືກັບຊີມທຳມະດາທົ່ວໄປ .

eSIM ແມ່ນຊີມເອເລັກໂທນິກ , ເຊີ່ງຊີມດັ່ງກ່າວຊ່ວຍໃຫ້ໜ່ວຍໂທລະສັບມືຖື ສາມາດເຊື່ອມຕໍ່ກັບບັນດາບໍລິການ ຂອງໂທລະຄົມໄດ້ແບບປົກກະຕິ , ກໍ່ຄ້າຍຄືກັບ micro-SIM ແລະ  nano-SIM. ແຕ່ວ່າ ບໍ່ຈໍາເປັນຕ້ອງຖອດຊີມເຂົ້າ ຊີມອອກ ແບບຊີມທຳມະດາ, ເພາະ eSIM ໄດ້ຖືກອອກແບບ ເຊື່ອມກັບ ຕົວເຄື່ອງຂອງໜ່ວຍໂທລະສັບ, ຜູ້ນຳໃຊ້ພຽງແຕ່ເປີດນຳໄຊ້ eSIM ຕາມຂໍ້ແນະນໍາໃນໜ່ວຍເທົ່ານັ້ນ”

ລູກຄ້າທີ່ ມີຄວາມຕ້ອງການ ປ່ຽນ eSIM  ສາມາດເຂົ້າມາພົວພັນ ເຄົາເຕີບໍລິການ ຂອງຢູນີເທວໃນຂອບເຂດທົ່ວປະເທດ  ພິເສດສໍາລັບ 999 ລູກຄ້າທຳອິດ ລົງທະບຽນນຳໃຊ້ອິີຊີມໂດຍບໍ່ເສຍຄ່າໃດໆ ລູກຄ້າສາມາດເຂົ້າໄປເບີ່ງການແນະນຳລາຍລະອຽດວິທີຕັ້ງໄດ້ທີ່ ເວັບໄຊ unitel.com.la ແລະ ເຟັກບຸກ unitellao .

ການທົດລອງການນຳໃຊ້ໃນເບື້ອງຕົ້ນ , ທຸກຂັ້ນຕອນການເປີດນຳໃຊ້ eSIM ໃນໜ່ວຍໂທລະສັບງ່າຍດາຍ ແລະ ສະດວກ , ພຽງແຕ່ 3 ຂັ້ນຕອນເທົ່ານັ້ນ ,ພາຍຫລັງເປີດນຳໃຊ້ Unitel eSIM ຜູ້ນຳໃຊ້ ສາມາດນຳໃຊ້ ທຸກຟັງຊັ່ນການໃຊ້ງານເທີງໂທລະສັບມືຖື ຄື: ການໂທ, ການສົ່ງຂໍ້ຄວາມ,ການນຳໃຊ້ ອີນເຕີເນັດ …..ຄືກັບຊີມທຳມະດາທົ່ວໄປ.

ທ່ານ ດັງ ວັນ ຍຽນ, ຮອງອຳນວຍການ ບໍລິສັດ ສະຕາ ໂທລະຄົມໃຫ້ຮູ້ວ່າ : ພວກເຮົາຮັບຮູ້ໄດ້ວ່າ eSIM ຈະເປັນ ແນວທາງການພັດທະນາເທັກໂນໂລຢີໃໝ່, ເຊີ່ງນຳເອົາຄວາມທັນສະໄໝມາສູ່ຂະແໜງໂທລະຄົມລາວເຮົາ. ດັ່ງນັ້ນ ຢູນີເທວ ຈື່ງໄດ້ຄົ້ນຄ້ວາ ແລະ ຜັນຂະຫຍາຍ eSIM, ເພື່ອນຳເອົາ ການສຳພັດ ເທັກໂນໂລຢີໃໝ່ໆ ມາໃຫ້ລູກຄ້າທີ່ມີຄວາມມັກຮັກ ທົດລອງເທັກໂນໂລຢີໃໝ່ໆ”

ປະຈຸບັນ eSIM ສາມາດນຳໃຊ້ໄດ້ກັບໜ່ວຍໂທລະສັບປະເພດ iPhone XS, iPhone XS Max ແລະ iPhone XR – ລຸ້ນທີ່ນຳໃຊ້ eSIMໄດ້,  ດ້ວຍລະບົບ iOS version 12.1.2 ຂື້ນໄປ. (ສະເພາະ iPhone XS, iPhone XS Max ແລະ iPhone XR ມີ 2 ລຸ້ນ ສະເພາະທີ່ນຳໃຊ້ໃນທ້ອງຕະຫລາດ ຮົງກົງ, ຈີນ ເຊີ່ງເປັນໂທລະສັບສອງຊີມທີ່ໃສ່ຊີມທຳມະດາ ແມ່ນບໍ່ສາມາດນຳໃຊ້ eSIM ໄດ້ ). ດັ່ງນັ້ນ ລູກຄ້າຕ້ອງສຶກສາລະອຽດດ້ານເຕັກນິກຂອງໜ່ວຍໂທລະສັບ ກ່ອນຈະລົງທະບຽນນຳໃຊ້ eSIM

%d bloggers like this: