ເປີດຕົວ “Samsung Galaxy S10 3 ລຸ້ນ ຢ່າງເປັນທາງການ

ເປີດຕົວຢ່າງເປັນທາງການແລ້ວ ສໍາລັບສະມາດໂຟນ ລຸ້ນໃໝ່ຫຼ້າສຸດ ພາຍໃຕ້ Code name: Beyond ຢ່າງ Samsung Galaxy S10 Series ສະມາດໂຟນລຸ້ນໃໝ່ທີ່ມາພ້ອມນະວັດຕະກໍາອັນໂດດເດັ່ນ ແລະ ມີການປ່ຽນແປງຢ່າງຫຼວງຫຼາຍ ໄລ່ໄປຕັ້ງແຕ່ ການອອກແບບດີໄຊຕົວເຄື່ອງພາຍນອກຈົນເຖິງລູກຫຼິ້ນພາຍໃນ ພ້ອມກັບຟີເຈີສຸດລ້ຳສະໄໝທີ່ກາລັນຕີໄດ້ວ່າມີກ່ອນໃຜໃນໂລກ ແລະ ແນ່ນອນວ່າ ມັນຍັງມາພ້ອມກັບລະບົບ Bixby ຜູ້ຊ່ວຍອັດສະລິຍະທີ່ສະຫຼາດ ແລະ ເກັ່ງຂຶ້ນກວ່າເກົ່າ.

ในภาพอาจจะมี โทรศัพท์

ພາຍໃນງານຄັ້ງນີ້ ທາງ Samsung ໄດ້ເປີດຕົວສະມາດໂຟນລຸ້ນໃໝ່ທັງໝົດ 3 ລຸ້ນໄດ້ແກ່ ລຸ້ນນ້ອຍ Samsung Galaxy S10e, ລຸ້ນກາງ Samsung Galaxy S10 ແລະ ລຸ້ນໃຫຍ່ສຸດ Samsung Galaxy S10+.

ທັງນີ້ Samsung Galaxy S ລຸ້ນໃໝ່ຈະມາພ້ອມກັບໜ້າຈໍແບບ Infinity O (ທີ່ມີການຝັງກ້ອງໜ້າລົງເທິງຫນ້າຈໍ) ຕົວເຄື່ອງດີໄຊບາງ, ສວຍງາມ ໃຫ້ທ່ານເພີດເພີນທຸກການຮັບຊົມພ້ອມຈໍສະແດງຜົນໂຄ້ງມົນເຕັມຈໍແບບສຸດຂອບ ( ຊ້າຍ – ຂວາ) ແລະ ຂະໜາດພໍດີກັບມື, ຂອບທີ່ໂຄ້ງມົນໃຫ້ຄວາມຮູ້ສຶກວ່າເບິ່ງແບບບໍ່ສິ້ນສຸດ ຫຼື ໃຫ້ຄວາມຮູ້ສຶກວ່າຈໍມັນກວ້າງຫຼາຍ ແລະ ມັນຍັງມາພ້ອມກັບ Fingerprint Under Display ຫຼື ລະບົບສະແກນລາຍນິ້ວມືທີ່ໜ້າຈໍອີກດ້ວຍ.

ในภาพอาจจะมี โทรศัพท์

Samsung ຍັງໄດ້ເພິ່ມລູກຫຼິ້ນໃໝ່ ເຊັ່ນ ລະບົບສະແກນລາຍນິ້ວມືແບບ Ultrasonic Fingerprint ທີ່ຖືເປັນລຸ້ນນທໍາອິດຂອງໂລກທີ່ຖືກນໍາມາໃຊ້ກັບ ລະບົບຮັກສາຄວາມປອດໄພ ເຮັດໃຫ້ໝັ້ນໃຈໄດ້ໃນເລື່ອງຄວາມປອດໄພ ແລະ ເຮັດໃຫ້ສາມາດປົດລັອກໄດ້ຢ່າງລວດໄວຍິ່ງຂຶ້ນ ແລະເສີມຄວາມແຂງແກ່ນດ້ວຍໜ້າຈໍແກ້ວ Gorilla Glass 6 ເວີຊັນຫຼ້າສຸດ ຈາກແບຣນ Corning ໃນລຸ້ນ Samsung Galaxy S10 ແລະ Samsung Galaxy S10+.

ในภาพอาจจะมี โทรศัพท์

ຕິດຕັ້ງກ້ອງໜ້າຄວາມລະອຽດ 10 ລ້ານພິກເຊລ ສາມາດບັນທຶກວິດີໂອໃນຮູບແບບ 4K 30 FPS ໄດ້ ແຕ່ສໍາລັບ Galaxy S10+ ຈະໄດ້ກ້ອງໜ້າຄູ່ຄວາມລະອຽດ 10 ແລະ 8 ລ້ານພິກເຊລ.

ສໍາຄັນມັນຍັງມາພ້ອມກັບການສາກໄຮ້ສາຍແບບທີ່ເອີ້ນວ່າ ເທັກໂນໂລຢີ Wireless PowerShare ທີ່ສາມາດປ່ຽນ Samsung Galaxy S10 ໃຫ້ກາຍເປັນກ່ອງສາກໄຮ້ສາຍ ແລະ ສາມາດສາກອຸປະກອນຕ່າງໆໄດ້ຫຼາຍຂຶ້ນ ບໍ່ຈໍາເປັນຕ້ອງສາກແຕ່ສະມາດໂຟນກັບສະມາດໂຟນເທົ່ານັ້ນ ເຊິ່ງໝາຍຄວາມວ່າອຸປະກອນເສີມອື່ນໆ ຂອງທາງ Samsung ບໍ່ວ່າຈະເປັນ Samsung Galaxy Watch, Galaxy Watch Active ຫຼື ຈະເປັນ Samsung Galaxy Buds ຫູຟັງໄຮ້ສາຍລຸ້ນໃໝ່ກໍ່ສາມາດນໍາມາສາກໄດ້ທັງໝົດ.

ในภาพอาจจะมี โทรศัพท์

ກ້ອງມີການພັດທະນາໃໝ່ຫຼາຍເຖິງ 3 ຕົວ ຄອບຄຸມທຸກການໃຊ້ວຽກມາພ້ອມກັບຟີເຈີໃນການຖ່າຍພາບທີ່ດີຂຶ້ນຫຼາຍ ແລະ ລວມທັງຮອງຮັບການຖ່າຍວິດີໂອເຊລຟີ່ 4K ເປັນລຸ້ນທໍາອິດໃນໂລກ.

Samsung Galaxy S10

ສະຫຼຸບສະເປັກຊ໌ Samsung Galaxy S10 

  • ຂະໜາດຕົວເຄື່ອງ: 144,9×70,4×7,8 ມິນລິແມັດ.
  • ນ້ຳໜັກ: 157 ກຣາມ.
  • ໜ້າຈໍສະແດງຜົນແບບ: Dynamic AMOLED HDR + ແບບ Infinity O ຂະຫນາດ 6,1 ນິ້ວ ຄວາມລະອຽດລະດັບ QHD + (1440×3040 ພິກເຊລ) ອັດຕາສ່ວນ 19:9
  • ປ້ອງກັນຮອຍຂີດຈາກດ້ານຫຼັງ ແລະ ຮອງດ້ວຍແກ້ວ Gorilla Glass
  • ຊິບເຊັດ Exynos
  • ໜ່ວຍຄວາມຈຳແຣມ (RAM) 6 GB.
  • ໜ່ວຍຄວາມຈໍາພາຍໃນ (ROM): 128/512 GB.
  • ສາມາດເພິ່ມ MicroSD Card ໄດ້ສູງສຸດ 512 GB.
  • ຮອງຮັບເຊັນເຊີສະແກນນິ້ວມືເທິງໜ້າຈໍແບບໃໝ່ ອັລຕຣາໂຊນິກ (ພ້ອມເທັກໂນໂລຍີສະແກນ 3 ມິຕິ).
  • ຮອງຮັບການສະແກນໃບໜ້າ.
  • ກ້ອງຖ່າຍຮູບຫຼັງ 3 ເລນ (Triple Camera): 12 ລ້ານພິກເຊລ (f2,4. Telephoto) + 12 ລ້ານພິກເຊລ (f1,5. Wide) + 16 ລ້ານພິກເຊລ (f2,2. Ultra-Wide).
  • ກ້ອງໜ້າຄວາມລະອຽດ: 10 ລ້ານພິກເຊລ (f1,9) ແລະ ຍັງຮອງຮັບການຖ່າຍວິດີໂອທີ່ມີຄວາມລະອຽດລະດັບ 4K UHD.
  • ມາດຕະຖານການປ້ອງກັນນ້ຳ ແລະ ຝຸ່ນ IP
  • Run ດ້ວຍລະບົບປະຕິບັດການ Android 9,0 Pie.
  • ການເຊື່ອມຕໍ່ຕໍ່ USB Type-C.
  • ຮອງຮັບ 5G.
  • PowerShare ສາມາດສາກກັບອຸປະກອນອື່ນໄດ້ວ່າເຊັ່ນ: ໂມງ, ຫູຟັງ ຫຼື ມືຖືກັບມືຖື
  • ແບັດເຕີຣີ່ 3.400 mAh ຮອງຮັບເທັກໂນໂລຢີ Wireless PowerShare, Fast Wireless Charging 2,0.
ในภาพอาจจะมี โทรศัพท์

Samsung Galaxy S10+

ສະຫຼຸບສະເປກ Samsung Galaxy S10+ ຢ່າງເປັນທາງການ

  • ຂະໜາດຕົວເຄື່ອງ: 157,6 x 74,1 x 7,8 ມິນລິແມັດ.
  • ນ້ຳໜັກ: 175 ກຣາມ.
  • ໜ້າຈໍສະແດງຜົນແບບ: Dynamic AMOLED HDR + ຂະໜາດ 6,4 ນິ້ວ ຄວາມລະອຽດລະດັບ QHD + (1440×3040 ພິກເຊລ).
  • ປ້ອງກັນຮອຍຂີດກະທົບດ້ານໜ້າ Gorilla Glass 6 ດ້ານຫຼັງມີໃຫ້ເລືອກທັງແກ້ວ Gorilla Glass 5 ແລະ Ceramic Glass.
  • ຊິບເຊັດ Exynos
  • ຮອງຮັບເຊັນເຊີສະແກນນິ້ວມືເທິງໜ້າຈໍແບບໃໝ່ ອັລຕຣາໂຊນິກ (ພ້ອມເທັກໂນໂລຢີສະແກນ 3 ມິຕິ).
  • ຮອງຮັບລະບົບຈື່ຈໍາໃບໜ້າ.
  • ກ້ອງຖ່າຍຮູບຫລັງ 3 ເລນ (Triple Camera): 12 ລ້ານພິກເຊລ (f2,4. Telephoto) + 12 ລ້ານພິກເຊລ (f1,5. Wide) + 16 ລ້ານພິກເຊລ (f2,2. Ultra-Wide).
  • ກ້ອງໜ້າຄູ່ຄວາມລະອຽດ: 10 ລ້ານພິກເຊລ (f1,9) + 8 ລ້ານພິກເຊລ (f2,2).
  • ໜ່ວຍຄວາມຈໍາແຣມ (RAM): ຂະໜາດ 8GB / 12GB.
  • ໜ່ວຍຄວາມຈໍາພາຍໃນ (ROM): ຂະໜາດ 128GB / 512GB / 1TB.
  • ສາມາດເພິ່ມ MicroSD Card ໄດ້ສູງສຸດ 512 GB.
  • Run ດ້ວຍລະບົບປະຕິບັດການ Android 9,0 Pie + One UI.
  • ມາດຕະຖານການປ້ອງກັນນ້ຳ ແລະ ຝຸ່ນ IP
  • ແບັດເຕີຣີ: 4.100 mAh ຮອງຮັບເທັກໂນໂລຢີ Wireless PowerShare, Fast Wireless Charging 2,0.

ສະຫຼຸບສະເປກ Samsung Galaxy S10 5G ຢ່າງເປັນທາງການ

  • ຂະໜາດຕົວເຄື່ອງ: 162,6 x 77,1 x 7,9 ມິນລີແມັດ.
  • ນ້ຳໜັກ: 198 ກຣາມ.
  • ໜ້າຈໍສະແດງຜົນແບບ: Dynamic AMOLED HDR + ຂະໜາດ 6,7 ນິ້ວຄວາມລະອຽດລະດັບ QHD + (1440×3040 ພິກເຊລ)
  • ປ້ອງກັນຮອຍຂີດກະທົບດ້ານໜ້າ Gorilla Glass 6 ດ້ານຫຼັງເປັນ Gorilla Glass 5.
  • ຊິບເຊັດ Exynos 9820
  • ຕິດຕັ້ງເຊັນເຊີສະແກນນິ້ວມືເທິງຫນ້າຈໍແບບ ອັລຕຣາໂຊນິກ (ພ້ອມເທັກໂນໂລຢີສະແກນ 3 ມິຕິ).
  • ຕິດຕັ້ງລະບົບຈື່ຈໍາໃບໜ້າ.
  • ກ້ອງຖ່າຍຮູບຫຼັງ 3 ເລນ (Triple Camera): 12 ລ້ານພິກເຊລ (f2,4. Telephoto) + 12 ລ້ານພິກເຊລ (f1,5. Wide) + 16 ລ້ານພິກເຊລ (f2,2. Ultra-Wide).
  • ກ້ອງໜ້າຄູ່ຄວາມລະອຽດ: 10 ລ້ານພິກເຊລ (f1,9) + 8 ລ້ານພິກເຊລ (f2,2)
  • ໜ່ວຍຄວາມຈໍາແຣມ (RAM): ຂະໜາດ 8GB
  • ໜ່ວຍຄວາມຈໍາພາຍໃນ (ROM): ຂະໜາດ 256GB
  • Run ດ້ວຍລະບົບປະຕິບັດການ Android 9,0 Pie + One UI
  • ມາດຕະຖານການປ້ອງກັນນ້ໍາແລະຝຸ່ນ IP68
  • ແບດເຕີລີ່: 4.500 mAh ຮອງຮັບເທກໂນໂລຍີ Wireless PowerShare, Fast Wireless Charging 2,0.

ໝາຍເຫດ: ລຸ້ນ 5G ຍັງຂາຍສະເພາະບາງປະເທດເທົ່ານັ້ນ

Samsung Galaxy S10e

ສະຫຼຸບສະເປັກຊ໌ Samsung Galaxy S10e ຢ່າງເປັນທາງການ

  • ຂະໜາດຕົວເຄື່ອງ: 142,2 x 69,9 x 7,9 ມິນລີແມັດ.
  • ນ້ຳໜັກ: 150 ກຣາມ.
  • ໜ້າຈໍສະແດງຜົນແບບ: Dynamic AMOLED HDR + ແບບ Infinity O ຂະຫນາດ 5,8 ນິ້ວອັດຕາສ່ວນ 19:9.
  • ຄວາມລະອຽດຫນ້າຈໍ 2280 x 1080 ພິກເຊລ (QHD +) ຄວາມໜາແໜ້ນ 438 ppi ປ້ອງກັນຮອຍຂີດຂູດດ້ານຫຼັງ ແລະ ຮອງດ້ວຍແກ້ວ Gorilla Glass 5.
  • ຊິບເຊັດ Exynos 9820.
  • ຮອງຮັບເຊັນເຊີສະແກນນິ້ວມືທີ່ດ້ານຂ້າງຕົວເຄື່ອງ.
  • ຮອງຮັບລະບົບຈື່ຈໍາໃບໜ້າ.
  • ກ້ອງຫຼັງຄູ່: 12 ລ້ານພິກເຊລ (f1,5. Wide) + 16 ລ້ານພິກເຊລ (f2,2. Ultra-Wide)
  • ກ້ອງໜ້າຄວາມລະອຽດ: 10 ລ້ານພິກເຊລ (Dual Pixel AF UHD selfie).
  • ການເຊື່ອມຕໍ່ຕໍ່ USB Type-C.
  • ມາດຕະຖານການປ້ອງກັນນ້ຳ ແລະ ຝຸ່ນ IP68.
  • ໜ່ວຍຄວາມຈໍາແຣມ (RAM): ຂະໜາດ 6GB / 8GB.
  • ໜ່ວຍຄວາມຈໍາພາຍໃນ (ROM): ຂະໜາດ 128GB / 256GB.
  • ສາມາດເພິ່ມ MicroSD Card ໄດ້ສູງສຸດ 512 GB.
  • Run ດ້ວຍລະບົບປະຕິບັດການ Android 9,0 Pie + One UI.
  • ແບັດເຕີຣີ່ 3.100 mAh ຮອງຮັບເທັກໂນໂລຢີ Wireless PowerShare, Fast Wireless Charging 2,0.

ในภาพอาจจะมี โทรศัพท์

ສະຫຼຸບລາຄາ Samsung Galaxy S10 ມີດັງນີ້໊:

Samsung Galaxy S10 series ທັງ 3 ລຸ້ນຈະເປີດໃຫ້ຈັບຈ່ອງໃນວັນທີ 21 ກຸມພານີ້ ກ່ອນຈະເລິ່ມວາງຈໍາໜ່າຍຢ່າງເປັນທາງການໃນວັນທີ 8 ມີນາ 2019 ໂດຍມີສີໃຫ້ເລືອກເປັນເຈົ້າຂອງທັງໝົດ 5 ສີ ໄດ້ແກ່ Prism White, Prism Black, Prism Blue , Flamingo Pink, Ceramic Black ແລະ Ceramic White ຂຶ້ນຢູ່ກັບຂະຫນາດແລະຄວາມຈຸ.

ในภาพอาจจะมี โทรศัพท์

Samsung Galaxy S10e ລາຄາເລິ່ມຕົ້ນ 749 ໂດລາ ປະມານ 6.425.000 ກີບ

Samsung Galaxy S10 ລາຄາເລິ່ມຕົ້ນ 899 ໂດລາ ປະມານ 7.700.000 ກີບ

Samsung Galaxy S10 + ລາຄາເລິ່ມຕົ້ນ 999 ໂດລາ ປະມານ 8.570.000 ກີບ

ຕ້ອງຕິດຕາມລາຄາຕົວຈິງເມື່ອນຳເຂົ້າລາວອີກເທື່ອໜຶ່ງ.

ในภาพอาจจะมี โทรศัพท์

ในภาพอาจจะมี หนึ่งคนขึ้นไป

ຮູບຈາກ: AP, www.gsmarena.com

%d bloggers like this: