ໂຊລຊາ ເຜີຍນັກເຕະຄົນສຳຄັນຂອງ ແມນຢູ ທີ່ຂາດບໍ່ໄດ້

ໂອເລ ກຸນນາ ໂຊລຊາ ເຜີຍນັກເຕະຄົນໃດໃນທີມ ແມນຢູ ໄນເຕັດ ທີ່ຕົນເອງຕ້ອງສົ່ງລົງຕົວຈິງທຸກນັດເພາະແລ່ນໄປທົ່ວບໍ່ມີໝົດແຮງ ແລະໃຈສູ້ທີ່ສຸດ.

ໂອເລ ກຸນນາ ໂຊລຊາ ຜູ້ຈັດການທີມຊົ່ວຄາວຂອງແມນເຊັສເຕີ ຢູໄນເຕັດ ຍົກຍ້ອງ ອັນເດ ເອເຣຣ່າ ກອງກາງຊາວສະເປນ ວ່າ ສ້າງຜົນງານໄດ້ຢ່າງໂດດເດັ່ນ ແລະ ເປັນໜຶ່ງໃນນັກເຕະທີ່ຕົນເອງບໍ່ສາມາດໃຫ້ພັກເປັນຕົວສໍາຮອງໄດ້ເລີຍ.

ในภาพอาจจะมี 2 คน, ผู้คนกำลังเล่นกีฬา และสถานที่กลางแจ้ง

ເອເຣຣ່າ ກັບມາສ້າງຜົນງານອັນສຸດຍອດໄດ້ອີກຄັ້ງ ນັບຕັ້ງແຕ່ ໂຊລຊາ ເຂົ້າມາຄຸມ ແມນຢູ ແທນ ໂຊເຊ່ ມູຣິນໂຢ່ ທີ່ຖືກໄລອອກ ເມື່ອເດືອນທັນວາ ປີຜ່ານມາ ແລະ ຫາກໍ່ຍິງປະຕູໄດ້ ໃນການແຂ່ງຂັນລາຍການ ເອັຟເອ ຄັບ ຮອບ 5 ທີ່ພາທີມບຸກໄປເອົາຊະນະ ເຊລຊີ 2-0 ເຖິງສະໜາມສະແຕັມຟອດ ບຣິກ ເມື່ອວັນຈັນ ທີ 18 ກຸມພາ ທີ່ຜ່ານມາ.

ໂຊລຊາ ເວົ້າເຖິງ ເອເຣຣ່າ ວ່າ “ພາລະກຳລັງ ແລະ ຄວາມໃຈສູ້ຂອງເຂົາເປັນສິ່ງສໍາຄັນຢ່າງຍິ່ງ ສໍາລັບພວກເຮົາ ນັ້ນຈຶ່ງເປັນເຫດຜົນ ວ່າ ເປັນຫຍັງເຂົາຈຶ່ງໄດ້ລົງສະໜາມໄດ້ຫຼາຍ ຫຼື ໜ້ອຍໃນທຸກໆການແຂ່ງຂັນ ເຂົາມີພາລະກຳລັງເຫຼືອເຟືອ ທີ່ຈະແລ່ນຂຶ້ນ ແລ່ນລົງ”.

ในภาพอาจจะมี 7 คน

“ເຂົາສາມາດຄຸມພື້ນທີ່ທາງຝັ່ງຂວາ ແລະ ແລ່ນເຕຶມຂຶ້ນໜ້າໄດ້ແບບບໍ່ມີເມື່ອຍ ຢ່າງໃດກໍ່ຕາມ ໄຊຊະນະໃນນັດນີ້ ທ່ານບໍ່ສາມາດຍ້ອງຍໍນັກເຕະພຽງຄົນດຽວຕ້ອງເປັນທັງ 11 ຄົນ ລວມທັງຕົວສໍາຮອງດ້ວຍ ແຕ່ ອັນເດ ເຮັດສິ່ງທີ່ສຸດຍອດແທ້ໆ” ຜູ້ຈັດການທີມຊົ່ວຄາວຊາວນໍວີຈ້ຽນ ກ່າວ.

%d bloggers like this: